الموضوع: الحمد لله على كل شيء .. قدر الله و ما شاء فعل

يا عم حمد الله علي السلامه كفايه انك طلعت منها الحمد لله سليم ده
والعربيه بتتعوض لكن لا قدر الله لو كان جرالك حاجة ولا مليون عربيه يعوضوا
اهم حاجة السمكري لازم يكون فوق الممتاز ولو انت شايف الماكينه ممكن تكون جرالها حاجة يبقي عليك وعلي بور سعيد
وقدر الله ماشاء فعل وفداك الف مليون عربيه يا باشا وكتير كسرنا عربيات والموضوع بيتنسي بعدها وبتعدي

حمد لله على سلامتك وان شاء الله تصلحها وترجع زى الأول .

اسئل مهندس طارق اذا كان ممكن اصلاحها فى التوكيل

او لو ممكن تبيعها وتكمل على ثمنها ( لو جابتلك ثمن معقول واذا كانت تكاليف تصليحها كبيرة )

لاحول ولاقوه الابالله .. ربنا يصبرك والحمد لله انك بخير وفداك العربيه .. لو احتجت سمكرى كويس قولى وانا اساعدك وان شاء الله تخلص العربيه بأقل التكاليف .. وربنا يعوضك خير ان شاء الله

قدر الله وما شاء فعل حمدا لله علي سلامتك

قدر الله وما شاء فعل
والحمد لله انك سليم
ومحدش ليه حاجة فى نفسو فالحمد لله انها جت على قد الحديد
وكمان انا حاسس بيك جدا والله
الواحد لما العربية بتتخربش بيزعل
خليك صبور وان شاء الله كلو يرجع زى الاول
انا رأيي ممكن توديها التوكيل تكشف كشف عليها وتعرف هتتكلف كام وشوف برة فى الحرافيين او المنصورة وشوف التكلفة
لو الفرق مش كبير اوى خلاص خليها التوكيل
لو الفرق كبير ويستاهل انت اولى بيه وصلحها برة
وان شاء الله ترجع زى الاول

شكرا يا أخواني عالردود .. بس انا عاوز مساعدة من نوع هل تعرف سمكري ليه في عربيات الحوادث و هل يقدر يشتغل في الحوض من غير لخبطة او عك .. عشان زي ما احنا عارفين ان اكتر حاجة بتعيب العربية عند بيعها الحوض.. فياريت اللي يعرف سمكري محترم او ايده تتلف في حرير زي ما بيتقال .. ميبخلش بالرد عليا لأني في شدة يا جماعة ربنا ما يوقعكوا فيها

انا أعرف واحد كويس بس دا فى اسكندرية فا كده بعيد عليك أوى .. انتظر شوية يمكن حد يقولك على واحد كويس فى الحرفيين .