الفاميه ممنوع >>>>>>>>>>>يبقا كمان نظارة شمس ممنوع
الموبايل ممنوع >>>>>>>>>>يبقا كمان ممنوع التحدث مع السائق (اللى راكب معاه)
الاستيكر ممنوع >>>>>>>>>ممنوع وضع علامه توضح ماركة السياره
حزام الامان داخل البلد >>>>>>>>>حرام بجد (خنقه)
المثلث ليه اجبارى ؟
فى حاجات بقا تانيه المفروض ان احنا نتبعها
زى الزينون انا موافق بشده انه ممنوع
تجاوز السرعات
اتباع اشارات المرور
اماكن الانتظار
النيتروس طبعا لا
انا اكتر موقف دايقنى كنت داخل فى لجنه والعربيه اللى ادامى مفيمه ومافيش لوحات عليها وقف وسلم ع الظابط اللى فى الكمين ومشى لقيت بقا الظابط بيشاورلى بصيتله وقلتله اعتبرنى زييه قالى اتفضل ياباشا
مره تانيه بقا كنت واقف فى الممنوع رجعت لقيت العربيه متكلبشه قولت عادى بضرب بعينى لقيت العربيه اللى ادامى مش متكلبشه قولت فى بالى يمكن جه وركن بعدى بس لقيت نمرها هيئه دبلوماسيه استنيت طبعا الونش
ولما الباشا وصل قولتله دى عربيتى ممكن تفك الكلابش
قالى انت واقف مخالف وفى غرامه
قولتله عينى بس ليه العربيه اللى ادام دى مش متكلبشه هى الكلبشات اللى معاك خلصت ؟
قالى بابتسامه كده لا دى مابتتكلبش
قولتله ليه ؟
قالى علشان دى هيئه
قولتله بس نفس الضرر اللى بتعمله عربيتى هى عملا وعلشان كده تكلبشها او تفك الكلابش
المهم لقيت طريقه خد وهات فى الكلام مش نافعه معاه
ذكرت ليه اسم نقيب بيخدم فى نفس المنطقه قولتله انه اخويا قالى طيب كلمه
اتصلت بيه وكلمه وراح فاكك الكلابش
عارفين ليه ؟
علشان انت فى مصر يا معلم
المفضلات