الإكسسوارات و الكماليات الممنوعة من المرور

**ana** · 24-02-2009 05:20 PM

بس يا اخ shekozal انا ليا واحد صاحبى ظابط فى المرور وهو ماسك الادارة العامه للمرور فى الطريق الصحراوى والولد ده مش بيسيب لا ظابط ولا يحزنون كله عنده واحد طالما خالف يبقى هيدفع يعنى هيدفع وزير بقى ولا غفير مش بتفرق معاه بس ده من القله القليلون من الظباط المحترمين يعنى مش كلهم وحشين هو بس بنسبه95% منهم هما اللى وحشين هههههههه على فكره يا جماعه ردو عليا فى حوار الفيس ده لانى بتكلم فيه بجد والله واى خدمه

**badblood** · 24-02-2009 05:42 PM

انا بقى اخدت مرة مخالفة (التحدث بـأسلوب غير لائق)
لاقيت الضابط طريقته في الكلام مش حلوة
رحت مبهدله وخليته والله يرمي الدفتر

**ana** · 24-02-2009 05:43 PM

المشاركة الأصلية كتبت بواسطة badblood

انا بقى اخدت مرة مخالفة (التحدث بـأسلوب غير لائق)
لاقيت الضابط طريقته في الكلام مش حلوة
رحت مبهدله وخليته والله يرمي الدفتر

ههههههههههههههههههههههههه

**dr_darsh** · 25-02-2009 01:03 AM

المشاركة الأصلية كتبت بواسطة badblood

انا بقى اخدت مرة مخالفة (التحدث بـأسلوب غير لائق)
لاقيت الضابط طريقته في الكلام مش حلوة
رحت مبهدله وخليته والله يرمي الدفتر

انا فوجئت بموضوع التحدث بطريقه غير لائقه لما كنت بأجدد رخصه العربيه وكان الموظف معاه ورق بتاع عربيه قبلى لقيت فيها موضوع التحدث بطريقه غير لائقه يعنى الواحد لازم ينزل يقول ياباشا ويا بيه ولا ايه .... وحسبنا الله ونعم الوكيل
طيب أنا شفت ضابط بيشتم واحد فى حمله مرور بطريقه غير لائقه تماما طيب ده يعمل ايه وياخد حقه منين

**dr_darsh** · 25-02-2009 01:59 AM

المشاركة الأصلية كتبت بواسطة shekozal

يا جماعه والله الموضوع ده جميل جدا والله بس على فكره احنا عندنا عيب فى القوانين المروريه ألا وهو ان احنا بنيجي فى الهايفه وبنتصدر قالو الحزام قولنا ماشي واتحدى انك تلاقى ظابط ولا وكيل نيابه ولا قاضى ولا حتى عسكري سايق عربيه بوكس رابط الحزام
وكذا الامر على باقى الحاجات زى المعلقات على المرايه والدفندرات والامن والمتانه كله بيطبق على عامة الشعب بس
وانا شايف ان اى قانون بيتعمل لزيادة الحصيله من المرور يعنى عايزين يلموا فلوس بس مع ان الهدف من الغرامة هو منع المخالفه مش زيادة الحصيله وان زادت الحصيله يبقى فى حاجه غلط فى القانون او فى تطبيقه مش فى الناس
وسلملى على قانون ساكسونيا

هو المفروض القانون معمول علشان أمن المواطنين والحفاظ على أرواحهم وعلى فكره القانون عندنا أرحم شويه من دول كتير زى الإمارات مثلا عقوبات رهيبه ومش فيها رحمه
وأوروبا برضه أنا عمى عايش فى بلجيكا كان معاه عربيه جولف واحد صاحبه مصرى خدها منه وراح بيها مشوار شاءت الظروف ان الشرطه توقفه لقيوا معاه رخصه قياده مصرى ورخصه العربيه بس دفع 3500 يورو يعنى تقريبا 26000 جنيه والعربيه كانت ب 1000 يورو
بس ايه الفرق بينا وبين الناس دى ... طريقه تطبيق القانون والكل هناك سواسيه يعنى مثلا عمى كان بيقولوا عادى انك تلاقى الحاكم أو عمده البلد أو المحافظ ممسوك لو عمل مخالفه
احنا عندنا القانون بيطبق بطريقه تحسس الواحد انها اتاوه مش للمحافظه على حياتى وطبعا أى واحد من حقه يقول ان القانون ده علشان لم الفلوس وبس لأنه مش من المعقول ان القانون بمعمول علشان أروحنا وتلاقيه اللى بيطبقوه هما أول ناس بيخالفوه
ممكن الواحد يتمسك علشان فاميه ويرح يفحص يلاقى عربيه الضابط مفيمه
أنا أعرف واحد صاحبى ضابط شرطه والله العظيم كان بتراهن انه يطلع كوبرى علوى مخالف وطلعه وكانت هتحصل حادثه جامده جدا لأنه كان هيدخل فى عربيه نقل وش لوش ......

تخيلوه ده لو فرد عادى هيعملوا فيه ايه
انا بأشوف عربيات المرور وسايقها ضباط ماشيه مخالف كتيير
كده مافيش حد يقولى ان القانون ده علشان حمايتنا .....استحاله والا الناس دى مش خايفه على أرواحها ولا ايه ....؟؟؟

**amegoo75** · 31-03-2009 01:01 AM

المشاركة الأصلية كتبت بواسطة dr_darsh

هو المفروض القانون معمول علشان أمن المواطنين والحفاظ على أرواحهم وعلى فكره القانون عندنا أرحم شويه من دول كتير زى الإمارات مثلا عقوبات رهيبه ومش فيها رحمه
وأوروبا برضه أنا عمى عايش فى بلجيكا كان معاه عربيه جولف واحد صاحبه مصرى خدها منه وراح بيها مشوار شاءت الظروف ان الشرطه توقفه لقيوا معاه رخصه قياده مصرى ورخصه العربيه بس دفع 3500 يورو يعنى تقريبا 26000 جنيه والعربيه كانت ب 1000 يورو
بس ايه الفرق بينا وبين الناس دى ... طريقه تطبيق القانون والكل هناك سواسيه يعنى مثلا عمى كان بيقولوا عادى انك تلاقى الحاكم أو عمده البلد أو المحافظ ممسوك لو عمل مخالفه
احنا عندنا القانون بيطبق بطريقه تحسس الواحد انها اتاوه مش للمحافظه على حياتى وطبعا أى واحد من حقه يقول ان القانون ده علشان لم الفلوس وبس لأنه مش من المعقول ان القانون بمعمول علشان أروحنا وتلاقيه اللى بيطبقوه هما أول ناس بيخالفوه
ممكن الواحد يتمسك علشان فاميه ويرح يفحص يلاقى عربيه الضابط مفيمه
أنا أعرف واحد صاحبى ضابط شرطه والله العظيم كان بتراهن انه يطلع كوبرى علوى مخالف وطلعه وكانت هتحصل حادثه جامده جدا لأنه كان هيدخل فى عربيه نقل وش لوش ......

تخيلوه ده لو فرد عادى هيعملوا فيه ايه
انا بأشوف عربيات المرور وسايقها ضباط ماشيه مخالف كتيير
كده مافيش حد يقولى ان القانون ده علشان حمايتنا .....استحاله والا الناس دى مش خايفه على أرواحها ولا ايه ....؟؟؟

دية بلد الشرطة يا باشا ولا عزاء للمواطنين؟؟

**FIATBloodline** · 31-03-2009 10:20 AM

المشاركة الأصلية كتبت بواسطة ana

صحيح يا جماعه النيتروس محرم دوليا ولو حد اتقفش بيه بيروح فى داهيه وقضيته كبيرة جدا

ماتقلقش يا مان لو شاف امبوبة النيتروس اوله ده عصير قصب...ولا اقولك قوله عندي ربو وده الدوا بس عشان بمشي بالعربيه كتير فبحتج عبوه عائليه ********

- لقد خالفت القاعدة رقم (9) بند (ب) من قواعد المنتدى لذا يتوجب حصولك على (تحذير).

يرجى مراجعة قواعد المنتدى

مشـرف القســم

**FIATBloodline** · 31-03-2009 10:24 AM

المشاركة الأصلية كتبت بواسطة dr_darsh

انا فوجئت بموضوع التحدث بطريقه غير لائقه لما كنت بأجدد رخصه العربيه وكان الموظف معاه ورق بتاع عربيه قبلى لقيت فيها موضوع التحدث بطريقه غير لائقه يعنى الواحد لازم ينزل يقول ياباشا ويا بيه ولا ايه .... وحسبنا الله ونعم الوكيل
طيب أنا شفت ضابط بيشتم واحد فى حمله مرور بطريقه غير لائقه تماما طيب ده يعمل ايه وياخد حقه منين

*******************

- تجاوزات سياسية: - لقد خالفت القاعدة رقم (9) بند (ب) من قواعد المنتدى لذا يتوجب حصولك على (انذار أول).

يرجى مراجعة قواعد المنتدى

مشرف القســـم

**MohamedGafar** · 31-03-2009 10:34 AM

المشاركة الأصلية كتبت بواسطة FIATBloodline

ماتقلقش يا مان لو شاف امبوبة النيتروس اوله ده عصير قصب...ولا اقولك قوله عندي ربو وده الدوا بس عشان بمشي بالعربيه كتير فبحتج عبوه عائليه دول ********

أولا عيب إنك تعمم كلامك وتقول جهلة لأنك ببساطة ماتعرفش الكل!

ثانيا ياصديقي حتفاجأ إن فيه بعض الضباط ومنهم من إشتغل فى المرور ليهم عضوية فى المنتدي. لو سمحت تراعي ذلك مستقبلا و شكرا

**theking_med** · 31-03-2009 04:45 PM

القانون لايحمي المغفلين انا اتمسكت فاميه وعدم اتباع اشارات المرور والسبب كان من واحد ورايا واقف غلط فقلوا اشمعنى الي قدامي الحكايه طويله ولكن المشكله اني مكنش فيه اشاره بتقول ممنوع الوقف هنا فراح لغالي اول واحد بتاعت عدم اتباع اشارات المرور وساب التانيه الفاميه على فكره ممكن الظابط يبلطج عليك ويكتبلك حاجات مش حقيقيه كتير وهوا براحتوا وحسبي الله

وبعدين في بلاد بره واوربى عادي الاسكترات واني واحد يحط لونين وكل حاجه مش بضر المصلحه العامه بس شوف هنا بقى .........

يرجى تحرى الدقة فى كتابة لفظ الجلالة

مشرف القسم

الموضوع: الإكسسوارات و الكماليات الممنوعة من المرور

LinkBack

أدوات الموضوع

عرض

-

-

-

-

-

-

-

المواضيع المتشابهه

يلا نغير قانون المرور الى الافضل (مش لزيادة الكماليات)

ماهي الشوارع الممنوعة علي النقل؟

10 أسئلة فى الكماليات و الإكسسوارات ...

الكلمات الدلالية لهذا الموضوع

المفضلات

المفضلات

ضوابط المشاركة