السلام عليكم ورحمه الله
خير الناس انفعهم للناس
(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة )

لو حد حابب يكون واحد من الناس دي ممكن يشارك معانا
الموضوع وما فيه ان لينا اخت في الله مهندسة صاحبة جروب المنار للعمل الخيري
الجروب كبير ونشاطاتة واسعة والحمد لله ولكن يفتقر الى التمويل حاليا
واحنا مش بنلم تبرعات عشان محدش يفهم غلط
المهندسة منار بتتبع فكرةبسيطة لكن مضمونها هايل
بتلم الملابس المستعملة من الافراد وتقوم بفرزها وكيها وعمل معارض بسيطة في اماكن فقيرة لكي تضمن ان تصل الملابس لمستحقينها ولكن بمقابل بسيط جدا عشان في ناس بتتحرج تاخد الملابس ببلاش وبيكون تمن القطعة رمزي 5 جنيهات مثلا
والعائد من المعارض بيستغل في العمل الخيري وبكدة تبقي ضربت عصفورين بحجر واحد
هاتقولولي طب احنا مالنا في الموضوع ده
المشكلة الرئيسية لما مهندسة منار بتنزل الايميلات بتاعتها ان عدد المتطوعين بالسيارت قليل جدا وفي ناس كتير بتتصل عشان اي شخص يروح ياخد الملابس
الملابس بتكون في اكياس مغلقة ومطلوب توصيلها لمقر الجمعية في مدينة نصر خلف مدرسة المنهل
يعني الناس الي عندها رغبة انها تساعدنا تقدر تسيب تليفونها هنا وخط سيرها
او لو عندة استعداد حتى لو خارج خط سيره
وانا هاتصل بيها واديلة رقم تليفون وعنوان المتبرع واديلة عنوان الجمعية ومواعيدها

وكمان ممكن تساعدة بانكم تطلعو هدومكم القديمة او الل يمش محتاجينها تودوها الجمعية
في ناس ممكن تقوللي طب انا بلبس ماركات غالية والفقير مش محتاجها
هاقوله برضه مهندسة منار بتفهم كويس والحاجات دي بتتباع غالية بس مش قوي وبتكون عائد جيد للانفاق على العمل الخيري
الموضوع تطوعي تماما ولا يكلف الله نفسا الا وسعها
الموضوع ده احياء لموضوع قديم بس فعلا مهم جدا للعمل الخيري

جزاكم الله كل خير وعذرا على الاطالة