والله يا جماعة جزاكم الله كل خير ويجعلة في ميزان حسناتكم
واللي مفيش حاجة يعملها ممكن يلم الهدوم من عندة ومن حوالية ومن جيرانة واصحابة وعيلتة
ده انا عملت كدة اتفتحت ابواب ماكنتش متخيلها
وانتم ما تتخيلوش احساس طالب جامعة فقير كل يوم بيورح الجامعة بنفس الهدوم اللي علية
ولما يلاقي حد يديلة قميص ب 5 جنية
وبنطلون ب 7 جنية وجزمة ب 10 جنية بتبقي فرحتة عاملة ازاي
وكمان بتخفف من نظرات الفقراء وبيحسو ان الاغنياء والقادرين بيساعدوهم مساعدة غير مباشرة
مش صدقة ولا احسان لانهم بيتضايقو من كدة
ده معرض والملابس فيه بمبالغ رمزية ويقدر ينقي اللون والمقاس اللي يعجبة
الموضوع سهل
لو فتحتم دواليبك وطلعتم اللي فعلا مش بتلبسوة هاتلاقوة كتير
بصو في دواليب اولادكم برضه هاتلاقو كتير
وبلاش نقول نسيب التيشرت ده يمكن البسه السنة الجاية
وبلاش البنطلون ده يمكن ينفعى لما انزل العب هوكي
جزاكم الله كل خير
---------
طارق باشا هيومان
الموضوع مش مقلق اطلاقا على فكرة انت تقدر تفتح الشنط ولو لقيت حاجة غير هدوم من حقك ما تقبلش تنقلها
والموضع خيري من الدرجة الاولى
جزاك الله كل خير انت وكل الاخوة وان شاء الله هاتبقي فيه داتا بيز يتجمع فيها كل الاسامي
بس يا ريت بقي نبدا بنفسنا في التبرع
المفضلات