فيات 500 سعر اغرب من الخيال

**CryptonX** · 24-02-2009 12:38 PM

في عربيات " ايقونية " و في عربيات للناس العادية

زي الموبايلات . مش فاكر النوكيا 8800 ؟ تمنه معرفش 6000 جنيه و لا حاجة و مفيهوش اي حاجة زيادة غير معرفش تيتانيوم .. و كان في واحد D&G من موتورولا و Emporio Armani من سامسونج .

نفس الفكرة في العربيات .

الميني كوبر 1600 سي سي سيارة في حجم البولو و الابيزا .. بتبدا من 280 الف جنيه !!

البيتل الجديدة - بتبدا من 200 الف جنيه ! !

فيات حبت تمشي علي نفس المسار .. و تعمل اعادة حياء لاحد اشهر موديلاتها في اوروبا علي طريقة الميني كوبر .

والاخ الي بيقول ان الميني كوبر افضل . . افضل في ايه ؟ هي اكبر و ده صحيح بس غير كدة مفيش اي افضلية لسبب دي اذواق .. في واحد حيجب يجيب ديه و واحد تاني مثلي شايف ان الميني كوبر اقبح سيارة هاتشباك وقعت نظري عليها !

ال500 بنصف تمن الميني كوبر ! قبل متستعحب تمنها ! استعجب تمن الكوبر !

و مبدايا الموضوع محسوم - سيارة العامة في اوروبا 2008 هي ال500 و مبيعاتها غطت مبيعات الكوبر بنسبة 120% و في حجز لحد شهر ابريل او مايو علشان تستلم اصلا !

السيارة ممكن تغير من اول لون الدواسة الي تحت رجلك مرورا بلون مفاتح الريموت الي حتى لون الجنط و 50 شكل له ! الوان التابلوه ! ده حتى ممكن تكتب اسمك عليها و تجيلك كدة من المصنع ! "كيا" مين يا عم :)

ممكن حضرتك تشوف بنفسك
www.fiat500.com

بيكانتو و بولو و ابيزا دي عربيات " عادية " و ليست محل المقارنة هنا .

السيارة تمنها مش 10 دولار ولا حاجة !

السيارة بتبدا من 10 الاف جنيه استرليني بدون جمارك يعني حوالي 75 - 80 الف جنيه مصري لاول نسخة بدون جمارك يعني 128 - 130 لاول نسخة ..

والي موجودة في مصر كمان دي مش اول نسخة!

**menabigboss** · 26-02-2009 07:53 PM

المشاركة الأصلية كتبت بواسطة pro_samir

اشمعنى البيتلز الجديدة يعنى محدش بيتكلم فى سعرها
هيا نفس الفئة تقريبا

بالضبط ....هي نازلة مقارنة مع البيتلز الجديدة....

**lotfo0076** · 12-04-2009 02:40 PM

السلام عليكم
انا تاجر قطع السيارات فيات الخفيفة أريد التعرف علي البايعي بااجملة في العتبه و أحوازها.
والسلام

**amoura_2004** · 12-04-2009 05:56 PM

ya gama3a FIAT 500 di nemra 1 fel SAFETY......y3ni amaaan gdn gdn gdn......fiha 8 aw 12 airbags 3la 7asab el talab.....tab3an ABS + EBD wel kalam da kolo mawgoood y3ni.....shooof e5tebar el aman bta3ha 3la el net......el 3arabya lma et5abatet aken ma7salsh 7aga 5ales....shoof b2a el 5amat el m3mool menha el 3arabya 7aga to7faaa.....gnooot raw3a .......motorha msh m32ool......1200 CC 3amel 70 7osan........wel 1400 CC 3amel 100 7osan.......w fi wa7d tani 3amel 150 7osan........ta5ayaloooo!!!! bgd el 3arabya diii to7fa bm3na el kalema.....y3ni 3amla zay mawateeer el TSI bta3et Volkswagen el gdida......twafar banzeen w kowaa gabara.....sherket MICROSOFT mt3awna m3 FIAT w 3amleen baranameg fel 3arabya y5aleek trakeb mobilak w yzharlak kol asma2 el nas el 3la mobilak ,t2dar tkalem wenta say2 bmogarad en mobilak rakeb fel 3arabya......El sunrooof aw fat7et el sa2f........gamda b3'abaa2.......3'eeer tab3an en mafiiish zayak mashiii biha f masr......y3ni Mini cooper gamda mafish kalam bsss montasheraaa......!!!!

**kareemhisham** · 12-04-2009 08:52 PM

هههههههههه بتخيل نفسى بدفع 150 فى عربية زاى دى

**amoura_2004** · 12-04-2009 10:23 PM

walahi ana shayef enaha mafiiish zayaha 5ales fel balad

**lamborghiniMan** · 13-04-2009 12:13 AM

العربيه ديه يدفع فيها المبلغ ده بس للي عاوز يشتري عربيه بالشياكه ديه والامان ده
خصوصا ان العربيه ديه اكيد ممتعه جدا في السواقه
انضف واشيك بكتير من اي عربيه في سعرها
عشان كده ممكن قوي تتجاب
بس اكيد ماتنفعش لعيله خالص