عملت صيانة الالف فى غبور و دفعت 2 جنية بس

**mecho_392** · 25-02-2009 04:13 PM

عقبال صيانه ال 10000000000 كم
انا لى استفسار انى كنت شارى i10 لما رخصوها و كانت ب 59900 اشترتها يوم 26/1 و المعرض كان لحد 25/1 بس ده السعر اللى كان عليه عرض الصيانه زى حضرتك..!! و اخدت مع العربيه الكتالوج و كتيب الصيانه. هل فى حاجه ناقصه كده؟
انا عامل دلوقتى 1485 كم هل ممكن اروح اغير زيت 5000 و فلتر و لا لأ... كأنها صيانة الالف؟؟؟؟ علشان ممكن اروح من بكره
انا آسف على الاسئلة الكتيره. شكرا

**ezzatfox** · 25-02-2009 08:20 PM

المشاركة الأصلية كتبت بواسطة mecho_392

عقبال صيانه ال 10000000000 كم
انا لى استفسار انى كنت شارى i10 لما رخصوها و كانت ب 59900 اشترتها يوم 26/1 و المعرض كان لحد 25/1 بس ده السعر اللى كان عليه عرض الصيانه زى حضرتك..!! و اخدت مع العربيه الكتالوج و كتيب الصيانه. هل فى حاجه ناقصه كده؟
انا عامل دلوقتى 1485 كم هل ممكن اروح اغير زيت 5000 و فلتر و لا لأ... كأنها صيانة الالف؟؟؟؟ علشان ممكن اروح من بكره
انا آسف على الاسئلة الكتيره. شكرا

طبعا ينفع بس لازم يكون معاك الاهداء و دة عبارة عن ورقة واحدة مكتوب فيها اهداء بالصيانة المجانية و فيها جدول بالصيانات من 1000 حتى 20000 شوف انت اشتريت منين و اسألهم عليها
لو معرفتش فى حل تانى
انك تحاول تجيبها من ابو رواش تخش الاستقبال و تطلع الدور الثانى يعنى تطلع دورين هتلاقى طرقة طويلة اول ما تطلع السلم هتخش يمين لغاية اخر مكتب على ايدك الشمال هتلاقى اوضة كبيرة و المكتب اللى فى وشك على اليمين بتاع أ/ حسن و دة اللى بيطلع الاهداءات دة ممكن تروح و تسألة و المفروض ان اسمك يكون متسجل على السيستم عندهم و يا ريت تقولى عملت اية

**mecho_392** · 25-02-2009 09:54 PM

شكرا جدا يا باشا لاهتمامك و ردك السريع

**mecho_392** · 27-02-2009 04:07 PM

يا باشا انت جبت العربية منين يعنى معرض و لا من جى بى اوتو, علشان انا روحت هناك و اتلككوا و قالولى العرض كان من غبور نفسه و مش موجود بالنسبة للمعارض زى سمير ريان اللى انا جبت منه. و بصراحه كنت عايز اولع فيهم لان المهندس مكنش راضى يعمل الصيانه الا بأمر الشغل. و لما روحت اقوله طلعلى العربيه انا مش هعمل صيانة و همشى قالى ليه دى صيانة الالف مجانيه قلتله امال مكنتش راضى تدخلها ليه.... قالى اصل انت كنت عايز تغير زيت.
لو حضرتك تعرف ان فى حد اشترى هيونداى من معارض و خد 20000 كم مجانا يا ريت تقولى.
لانى دبيت 100 كم و سواقه حوالى 4 ساعات لحد ما ظهرى اتكسر.
و انا شكلى مش هروح لغبور و هكتفى بتغيير زيت و فلتر فى البنزينة و انضف فلتر الهواء ب بلور. يس معرفش هل كده ضمان العربيه ممكن يسقط..!!!
معلش انا طولت عليك استحملنى.. شكرا