الموضوع: السيارة لازم احطلها بنزين في الكربراتير علشان تدور ؟

اولا أشكر الجميع للرد السريع وما تفضلوا به من اراء قيمة وجزاكم الله خيرا

بالنسبة للمحطة غيرتها والحمد لله

والمفروض ان الميكانيكي نضف الكاربريتر وهو فعلا نضفه

العربية حتى لو لسه شغالة وطفيتها وبعدين حبيت ادورها تاني لازم احط لها بنزين


بالنسبة للفلتر اعتقد بيكون فيه بنزين وحتأكد تاني بكرة الصبح
الاكسرتير مهما ضغطت عليه ما بيدخلش اي بنزين للكاربراتير وانا فعلا شاكك فيه لان قبل كده كنت باضغط عليه 4-8 مرات الصبحية قبل ما ادور ولكن بعد كده فقدت هذه الخاصية الجميلة ( الضغط 8 مرات) !!!

وعموما حجرب تاني بكره وشكرا للجميع

موضوع خلل غرفة العوامة ده حله ايه ؟ وات"أكد منه ازاي

الميكانيكي قبل كده جه خبط شوية على الكربراتير ودارت ولما سألته قاللي الابرة كانت معلقة
وبعدين فك الكربراتير ونضفه وزي ما قال سعد زغلول "مافيش فايدة"


دوشتكم


شكرا جزيلا لكم جميعا ونلقي غدا ان شاء الله

والسؤال مرة اخري هل في شىء معين ممكن انا اعمله لان الميكانيكي الاول والتاني مش نافعين ويمكن يطلع التالت شرحه فعلشان كده بحاول اعرف الصح واعمله ان امكن او اوجه نظر الميكانيكي له

شوف ميكانيكى كويس ......وقوله على وجهات النظر اللى طرحت فى الموضوع...................

أبشركم دلوقتي بتدور

راجعت الصبح زى المهندس Lada2010 ما قالي لقيت الفلتر مليان ولما بدوس اكسرتير كتير مافيش بنزين بينزل جوه الكاربراتير.

حطيت شوية بنزين

المهم بعد ما رحت مشواري عديت عند بتاع الكاوتش قلت اجرب فكيت الخرطوم اللي داخل من الطلمبة على الكربراتير ونفخت داخل الكاربراتير (هواء مضغوط من بتاع الكاوتش) ونفخت بعد كده داخل الخرطوم اللي داخل على طلمبة البنزين (وقلت ماهي بايظة بايظة)

وسبحان الله

دارت

وبطلت ودورت اكتر من مرة وهى بتدور دلوقت والحمد لله طبعا مش من اول مرة ولكن بتدور

انا بخمن ان المشكلة يمكن من الجزء اللي بيدخل البنزين على الكاربراتير وفي انتظار تفسير الخبراء


فشكرا للجميع وبارك الله فيكم ولا اراكم الله عطلا في سيارة لديكم

قبل ما تفك الكربيراتير بص انا كان عندى نفس المشكله ودخت على الميكانيكية
واخيرا لقيت الحل جلدت الرداخ كانت بتسرب البنزين من غرفة العوامة وطالما ما فيش بنزين فى غرفة العوامة ما فيش حل الا انك تحطلها بنزين بأيدك
شوف وطمنا
م.اشرف

روح لمتخصص كاربيراتير مشاي ميكانيكي دة بقي تخصصات دلوقتي زي الطب

سلام عليكم
المشكلة دي حصلت معايا قبل كدة زي ما قولتلك
و بيكون العيب ابرة الكاربراتير ودي مهمتها ان البنزين يفضل في
حوض الكاربراتير ميرجعش من خرطوم الفايظ تاني
و دة اللي انت بتعملة لما يتحط بنزين بايدك في الكاربراتير (بتحط بنزين في الحوض) علشان الابرة ما بتقمش بمهمتها صح
اي ميكانيكي ممكن يعملك موضوع الابرة دة سهل جدا مش هايخد في ايدة خمس دقايق و دة عن تجربة:b4_592:

دة ميكانيكى ما يفهمش حاجة طرمبة البنزين بايظة