واحد كان دايما يقول العربيه دى ذى مراتى !!!!!!!!
عرض للطباعة
واحد كان دايما يقول العربيه دى ذى مراتى !!!!!!!!
انا بعتبر العربيه حاجه خاصه جدا و مش ينفع اسلفها لاحد لان غالبا مفيش حد بيخاف علي الحاجه زي صاحبها و ده عن تجربه مريره
بالنسبة لى حسب الصديق وثقتى فى إحساسه بالمسئولية ، فيه أصدقاء ليا (قليلون) بديهم مفتاح عربيتى والرخصة عميانى فعلاً وبيسافروا بيها وأنا عارف إنهم رجالة بجد مش هيستغلوا الفرصة ولو حصل حاجة هم اللى هيشيلوها ، ومرة كارت الفيزا كمان عشان كنت مسافر وكان المفروض يجيب لأهلى حاجات ، وهم كمان بيأتمنونى بنفس الطريقة ، وفيه (كتير أوى) ماقدرش أعمل كدة معاهم ولا أديهم ربع جنيه مخروم حتى
والدى لما حد بيطلب منه كدة بيقوله عربيتك زى مراتك ماينفعش تسلفها لحد !!
طبعا مافيش مشكله اني أديها لحد ما اصحابي المقربين جدا واللي واثق انهم هايحافظوا على العربيه أكتر مني وواثق في سواقتهم
محدش لغايت دلوقتى حكالى اى موقف على الحكاية دية فى اة ياجماعة
انا عندى قصة واحد صحبى معاة انبريزا سوبارو كانت لسة نزلة سبها لواحد صحبة هو مش صحبة هو جارة للاسف ونزل يشترى حجات وساب المفتيح للاسف واحد ضحك علية وخد العربية اتسرقت وبالصدفة البحتة ان الراجل قلى سرقها كان واقف قريب من البيت ودة حظ جامد جدا وقبل ميمسكوة دخل فى العربية فى شجرة وجرى فلو حصل حكاية دية معاك ان صحبك استلفها وتسرقت هتعمل اة
اتعرضت للموقف دة ولايتت انه صعب جدا
خصوصا انة حصل مع اقرب الناس ليية خالي
وكنت متديأ من اخدة للسيارة بتعتي
بس كان موقف محرج جدا جدا مكنتش عارف اعمل ايه
ادتلو العربييه علي مضض والبي بيتقطع
هو دة كان شعوري مع انة اقرب الناس لية
يمكن عشان دفعت فلوس كتيير في العربييه دية ومحدش سعدني في تمنها
احتمال؟:U_thin1[1]::U_thin1[1]::U_thin1[1]::Zb_sor1[1]::Zb_sor1[1]::Zb_sor1[1]::Copy of majd(4)::Copy of majd(4)::Copy of majd(4)::Copy of majd(4):
طيب لو اخوك مثلا او اختك توافق انا عن نفسى لا عشان مبيعرفوش يسوقو كويس وانا تعبان فى تظبيط العربية سهر الليالى جنب السمكرى والدوكو حاجة تبوظ الاعصاب
انا حرمت ادى عربيتى لحد خالص
اول ما اشترينا الريتمو وكنت مسافر بيها المنصورة واحد زميلى قعد يلح عليا انه يسوق هو وفعلا ساق من بنها لحد المنصوره ويادوب قبل المنصوره بشويه وكانت الاسطوانه اتمسحت خالص وطلعت ريحة شياط كمان لانه قرص جامد اوى على العربيه ومن ساعتها مبخليش اى حد يسوق عربيتى حتى لو هاكسفه
عربيتى وعربيات اصحابى كلهم بيتبدلوا علينا مافيش اى مشاكل
تامر باشا . صباح الفل . عمي له حكمه عايز اقولهالكم . عربيتك زي مراتك ماتنفعش تتشحت . وده دليل علي ان هناك عشره حلوه بين العربيه وصاحبها ما يفهمهاش اي حد غريب .
لا ثم لا ثم لا
ياجماعه انا شايف ان الموضوع ده منتهى انا ضد الموضوع ده خالص مش علشان خوف على العربيه ولا حاجه علشان أحافظ علىصداقتى مع صديقى اللى المفروض انه غالى عليا جدا والا مش هأديله العربيه طبعا
انا أعرف واحد جارنا استلف عربيه من أحد أصدقائه لأن عربيته كان فيها عطل وكان عنده مشوار هام جدا المهم وهو قبل الصحراوى بشويه هدى عند مطب دخلت فيه عربيه نقل .... طبعا العربيه الله يرحمها مافيهاش حاجه سليمه غير الدريكسيون والحمد لله هوه طلع سليم بس مش عارف يعمل ايه يصلح العربيه ولا يقول لصاحبها ويشوف هو هيصلحها فين ويتكلف هو المصاريف بس طبعا مالك العربيه ممكن مش يرضى ... المهم حط العربيه فى جراج وراح قال لصاحبها صاحب العربيه كانت فاكره بيبالغ قاله ولا يهمك بسيطه بس تعالى أشوفها .. أول ما وصل وشاف العربيه وقع من طوله وأغمى عليه .... طيب ليه الموقف والإحراج ده أنا كنت أجرت عربيه بسواق وتتكلف زى ما تتكلف ولا أقف فى موقف أتمنى ان الأرض تنشق وتبلعنى فيه ....
ولا ايه رايكم
انا من اشد المعارضين اني ادي عربيتي لاي
حد حتى لو كان مين
و بالذات لو كانت ال 206
مش بسبب الحوادث خالص دي حاجة بتحصل قضاء و قدر يعني لا انا هقدر اتدخل فيها و لا اللي سايق عربيتي و عمري ما هعتب عليه
الحكاية كلها ان حاجتي عزيزة عليا اوي و مش بحب اديها لحد و لا اخد حاجة من حد عشان مايقوليش في يوم انتي اخدتي كذا و كذا
و على رأي الاغريق : اللي مش معانا نقدر نعيش من غيره
what we don't have, we do without.
هبقي معاه ماشي لوحده نو يعني نو