هل توافق على ان تقرض صديق لك سيارتك الغالية على قلبك مهما كان نوع القرابة او المحبة شارك بصوتك
صوتك لوحدة مو كفاية شارك تجد المواضيع كبيرة وتستفيد وتفيد
وهل لما سلفت عربيتك لحد حصل فيها حاجة
لو حد عندة موقف يريت يحكية
عرض للطباعة
هل توافق على ان تقرض صديق لك سيارتك الغالية على قلبك مهما كان نوع القرابة او المحبة شارك بصوتك
صوتك لوحدة مو كفاية شارك تجد المواضيع كبيرة وتستفيد وتفيد
وهل لما سلفت عربيتك لحد حصل فيها حاجة
لو حد عندة موقف يريت يحكية
لو صديقى جداا و مأتمنه عليها و هو محتاجها
اديهالوا طبعا و بدون تردد لأنى عارف انه قد المسؤليه
بصراحة الموضوع دا محير بس انا عن نفسي مش بحب اسلف عربيتي ولا اي حاجة تخصني لحد وبردو محبش استلف اي حاجة من حد الواحد لازم يتعود يمشي على قدو .
ومرة واحدة كنت مضطر واديت العربية لصاحبي وبهدلها وطبعا انا الي كنت عاوزة يروح بيها مشوار فمقدرتش اتكلم .
ورد في سنن ابن ماجه » كتاب الصدقات » باب القرض
قَوْلُهُ : ( لَا يُسْتَقْرَضُ إِلَّا مِنْ حَاجَةٍ ) أَنَّ الْقَرْضَ وَاجِبُ الْأَدَاءِ فَلَا يَخْتَارُهُ أَحَدٌ إِلَّا بِحَاجَةٍ ، وَلَا يَخْفَى مَا بَيْنَ هَذَا الْحَدِيثِ وَالْحَدِيثِ السَّابِقِ مِنَ التَّعَارُضِ . فِي حَاشِيَةِ السُّيُوطِيِّ قَالَ سِرَاجُ الدِّينِ الْبُلْقِينِيُّ : الْحَدِيثُ دَالٌّ عَلَى أَنَّ دِرْهَمَ الْقَرْضِ بِدِرْهَمَيْ صَدَقَةٍ ، لَكِنَّ الصَّدَقَةَ لَمْ يَعْدِلْهَا شَيْءٌ ، وَالْقَرْضُ عَادَلَهُ مِنْهُ دِرْهَمٌ فَسَقَطَ مُقَابِلُهُ وَبَقِيَ ثَمَانِيَةَ عَشَرَ ، ا هـ . وَفِي الزَّوَائِدِ فِي إِسْنَادِهِ خَالِدُ بْنُ يَزِيدَ بْنِ عَبْدِ الرَّحْمَنِ بْنِ أَبِي مَالِكٍ أَبُو هَاشِمٍ الْهَمْدَانِيُّ الدِّمَشْقِيُّ ضَعَّفَهُ أَحْمَدُ وَابْنُ مَعِينٍ وَأَبُو دَاوُدَ وَالنَّسَائِيُّ وَأَبُو زُرْعَةَ وَالدَّارَقُطْنِيُّ وَغَيْرُهُمْ .
لو صديقى اوى وحبيبى اوى وبعزو اوى اكيد اكيد اكيد
مش هدهالة
انا حرمت من ساعة اخر مرة رجع واحد صحبى عامل حادثة بيها
على حسب الصديق وعلى حسب الموقف الي هو عايز العربيه فيه
في ناس بتقدر وتحترم انها امانه وتسوق كويس
وفي ناس ولا هتحط في دماغها وممكن كمان تلاقيه بيخمس بيها
طبعا الواحد عارف صحابه كويس واعرف اديها لمين
بصراحة انا ممكن ادي عربيتي لبعض اصحابي أ و بالتحديد واحد منهم بس وهكون مطمن وهي معاه لانه قد المسئولية والامانة ولو لا قدر الله حصل حاجة هتكون نصيب مش استهتار منه ولا حاجة
لا اوافق طبعاً
علي رأي واحد اعرفه... عربيتي زي مراتي ماسلفهاش لحد ولا استلفها من حد...
لاااااااااااااا ولو صاحبي ومحتاجها اروح معاه انا واقضي معاه مصلحته لكن مسبلوش العربية
انا الحمد لله مريح دماغي اوي من الموضوع ده
ومش بسلف عربيتي لحد خالص
وشلتي كلها عارفه الموضوع ده ومحدش بيطلبها مني
بس كان ليا واحد زمان اكتر من اخ ليا عشره عمري
بس البقاء لله توفي
ده الوحيد الي كنت بسبلو العربيه في اي وقت
يلا الله يرحمه باذن الله
انا اعرف واحد بيسيب عربيتو لاي حد يقولو ممكن العربيه
حتي انو بيشحتها لابن البواب والله
بس النتيجه ان عربيتو عامله زي قفص البلح
وكل شويه يجددها ويغير شكلها ويخليها منتها الشياكه
ويرجع يسلفها تاني ويخبطوهالو تاني
طيب يا جماعة لو حصل وستلفت عربيت حد ضرورى لازم تردها طيب لو جة يطلبها منك هتعمل اة السؤال محير جدا
لو مسك سلك الكهربا، لا يمكن ادي عربيتي لأي حد أي من كان و مهما كان و سواء كانت العربية غالية او رخيصة.
مثل إنجليزي:
ثلاثة لا يستعملنهن غيرك:
1 - سيارتك
2- غليونك
3- زوجتك
بشروط ...
-
لو العربية قديمة والمشوار له ضرورى ومش حيطول .. أكيد لو هو صاحبى قوى مش حبخل عليه ... لكن ى معظم الأحيان ممكن أوصله أنا وخلاص :)
-
لكن فى عربية جديدة .. ولا حتى حد من قرايبى مش صاحبى ..
--------
ممكن اديله ثمن التاكسى ولاكان عربيتى لا ولا كده احسن
تديلة ثمن التكسى طيب لو مرداش ياخد فلوس واسر يخدها
انا شايف ان فى ناس كتير سعات بيسلفو عربيتهم وانا اولهم سعات يجيلى واحد صحبى نفسة يخرج بعربية حلوة مع خطبتو بدون ازعاج من الناس والمواصلات المذعجة ببتر ادهالة بس بترجعلى مليانة برفان وحجات غريبة بيغسلها ويظبطها ويرجعهالى طيب انت لو اتعرت لموقف زى دة تعمل اة
والله الموضوع ده محير جديا بس انا عندي مبدا انا ممكن اعمله كل مشواره و الباشا مشرف جنبي و لو مينفعش اكون معاه يتوكل علي الله وياجر توكتوك يتحرك بيه مش مشكلتي ولا عيب ولا حرام
مفيش غير واحد بس ممكن يركب عربيتي هو والدي
حلوة العربية البيجو دية دية عربيت حضرتك اول مرة اشوف بيجو 504 شكلها فى التظبيط مناسب عملتها عند مين
واحد بس من صحابي اللي ممكن لو عندة حالة طوارئ جامدة ولازم عربية وانا ماينفعشي اوديه هاديله العربية مع الوصايا العشرة لقيادتها طبعاً وأمري لله وهو عمره ماطلبها عشان عارف طبعي
لو طلبها لمشوار مهم مفيش مشكلة
انما يطلبها عشان يروح يجيب فول لا شكرررررررا.
انا عايز اسمع مواقف معقولة مفيش هو اة محدش بيسلف غيرى
لو ابوى عاوزها ماادهلوش
لو بيعرف يسوق ومطلع الرخصة مش بلكوسة :36_6_3[1]:
اللى عاوزها من اصحابى بياخدها
مش كلهم بس اتنين اوغير كده
تلاته بثق فيهم
طبعا اخواتى الاتنين
ممكن برده
اصل انا بعامل العربيه على انها اله مش صديق
مع انى كان عندى عربيه فيات ريتمو وانا صغير كنت ببقى زعلان جدا لو اخويا ساقها حتى لو انا راكب معاه
انا بديها لاصحابى عادى طالما بيسوق كويس
و لا اى حد غير والدى واختى غير كده محدش يلمس العربيه غير وا انا معاه
زميلى--> لأ
صاحبى نص نص --> برضه لأ
صاحبى أخويا --> كأنها بتاعته
الصراحه الموضوع محرج للغايه.........وبالذات لو كان صديق عزيز وأمين وعشمان..................- بس للأمانه مينفعش الكلام ده فى الزمن ده........ولو فرضا حصل ....حأخد تاكسى وأمشى وراه.:k48:......
بص ياباشا
انا ممكن اسلف صاحبى الغالى عليا فلوس لانه اكيد هيرجعها تانى كامله زى ماهى بكل قيمتها
لكن علشان اسلفه عربيتى ده مستحيل طبعا لانه حتى لو رجعها بحالتها برضه مش هكون مطمئن
ولو حصل فيها حاجه لاقدر الله لاانا ولاهو هنكون مرتاحين
حتى لو صلحها بالكامل على حسابه مش هنكون مرتاحين نفسيا احنا الاثنين وهو دايما هيكون محرج منى
الافضل ان لو محتاجها ضرورى ممكن اتصرف معاه تصرف جميل جدا
انى اروح معاه اقضيله مشواره وانا اللى سايق
وكده اكون ماكسفتهوش ولا هو يزعل منى وعملت معاه الواجب
حاليا معنديش حد اثق انى ادهاله ..ولا حتى يسوقها وانا معاه...خلاص بطلت
لااااااااااااااااااااا
الموضوع ده صعب جدا جدا جدا وخصوصا ان أنا بأعامل العربيه على أساس انها صاحبتى وحاجه غاليه جدا عليا يعنى لو كلت مطب بيها اقعدا أكلمها وأعتذرلها وحاجات من كده ... من غير ضحك لو سمحتوا ....
طبعا صعب جدا ان أنا اسلفها لحد
بس أنا عملت الموضوع ده مع واحد صاحبى يعتبر أنتيمى علشان هوه مش كان معاه عربيته وأخته اتصلت بيه وقالتله ان والده تعبان جدا وأحنا كنا فى المستشفى وكان صعب ان انا أروح معاه لأن مش معقول كنا احنا الإتنين هنسيب الشغل مع بعض فسيبتله العربيه بس طبعا لأنى كنت واسق فى سواقته ويمكن يكون هو ده الوحيد اللى ممكن أديله العربيه بس لمشواير صغيره علشان أنا مأقدرش حبيبه قلبى تبعد عنى ...:k8::k8: