بما اني عاشق للشاي
آحب اعرف من الناس الحلوة اللي هنا
انهي نوع الناس اجمعت علي انه نوع مميز ؟؟
عرض للطباعة
بما اني عاشق للشاي
آحب اعرف من الناس الحلوة اللي هنا
انهي نوع الناس اجمعت علي انه نوع مميز ؟؟
معلش ملقيتش صورة للجوهرة بس اكيد انتوا عارفينوا
شاى العروسه
مفيش احسن من ليبتون طبعا و ده رأي
احمد (ايرل جراى)
تويننج(شاى اخضر+نعناع)
انا بحب شاى البراد الازرق علشان بيخلى مزاجى عال عال
او شاى الفراشه علشان اشوف وشى ع الشاشه
ليبتون طبعا
:S_thum1[1]:
احسن حاجة انى مش بشرب اى حاجة من المكيفات علشان مبحبش اكون مدمن لحاجة ولا طبعا بشرب سجاير الحمد لله
يعنى مثلا اصحابى لو مشربوش النسكافية او الشاى او السجائر بيبقو مصدعين و الكلام دة انا الحمد لله مبحبش اعتمد على حاجة :)
انا ساعات بشرب كوباية تفاريح كدة كل فين و فين يعنى ممكن كل شهر مرة كدة او اقل كمان يعنى اخر مرة انا دلوقتى شربت شاى من 2-3 شهور كدة
ليبتون .......
و على فكره انا بحب اتمزج و انا بشرب الشاى و كمان بشربه كتيييييييييييييييير يعنى كوبايه الصبح (بدون فطار) و كوبايه بعدها بساعتين و كوبايه بعد الغداء و كوبايه لما اخرج و كوبايه و انا داخل انام .......... ده كده بدون مروح لحد و يعزم عليا بشاى .
و سكرى 4 معالق (علشان لو حد من الاعضاء عزمنى يبقى عارف هههههههههه)
مش بشرب شاى
احب النسكافيه
الحمد لله مش بشرب شاى ولاا بدخن ولا الكافين عموما
هيا الصحه نافصه علشان الواحد يبوظ دمو بالكافين
انا عارف ان في ناس هاتقول ايه اللي دخل الشاي في منتدي عربيات بس انت اللي فتحت السيرة ماليش دعوة:B4_611:
العلبة الصفراء دي خربت بيتي لاني من زمان مابعرفش اشرب غير ايرل جراي وجربت انواع كتير قوي ومفيش اي طعم استقريت علية غير التوينج
ولما غليت جدا كدة (انا بتكلم عن العلبة الصفيح اللي فيها حبيبات ورق ايرل جراي مش الباكيتس) قمت دورت على بديل ارخص شوية واخيرا لقيت ضالتي
دلما ايرل جراي
رائع فعلا ونكهة البرجموت فيه عالية جدا وطعمة تحفة ويلية شاي احمد ايرل جراي بس مش بمستوى دلما
وعشان انا بيتخرب بيتي لاني بجيب علبة في الشغل وعلبة في البيت وكمان المدام برضه بتشرب ايرل جراي توصلت لوصفة جميلة جدا
اني بحط الباكيت الدلما وبحط علية شوية صغيرين ايرل جراي عشان ما يمررش وبكدة يدي طعم رائع خاصة اني مش بحب الشاي تقيل
ملحوظة بقي : شاي ليبتون المقرف وكمان شاي العروسة ومعظم الشاي المعبأ في مصر هو شاي كيني اي من مستورد من كينيا
لكن شاي دلما واحمد وحتى شاي السلام شاي سيلاني او سيرلانكي
وشتان بين الاتنين تماما لان هناك الجو بيساعد على اضفاء النكهة الرائعة للشاي لكن الشاي الافريقي طعمة سيئ ولما سالت واحد معرفة شغال في شركة ليبتون قاللي لان من فترة كانت الضرايب على الشاي مرتفعة وكان في اتفاقية تجارة بينا وبين كينيا فماكنش فيه ضرايب عشان كدة كانو بيستورد من كينيا رغم ردائتة
قولتلة بس الضرايب على الشاي اتلغت
قاللي ماهو احنا لما رجعنا نستورد من سيلان المبيعات اتضربت والشعب المصري قالولك ده ليبتون اتضرب ومابقوش يشتروة
رجعنا تاني للشاي الكيني مع انه احسن لنا وبيكسب اكتر ونزلنا بحملة اعلانات قوية عشان المبيعات ترجع
ولا عزاء للشعب المصري اللي فقد التذوق على يد الحكومة
هيا جت على الشاي:biggrin:
نييييييييييييييييهههههههه ههههههههه
أنا أول مرة أعرف إن شرب الشاي بيبوظ الصحة !!!
يا جماعة ده شاي .. مش بانجو !!!
ده بيمنع تصلب الشرايين ؟؟ والكافيين فيه أقل من البيبسي !!
ده الريد بول فيها كافين قد 40 كوباية شاي !
اقتباس:
فوائد الشاى الأحمر
ذكر علماء ألمان أن احتساء الشاى قد يقلل من مخاطر الإصابة بأمراض القلب والجلطات شريطة ألا يضاف اللبن الحليب إلى هذا الشراب.
وأظهر البحث أن الشاى يحسن من تدفق الدم وقدرة الشرايين على الارتخاء لكن باحثين بمستشفى شاريت بجامعة برلين فى ميتى وجدوا أن اللبن يزيل الأثر الوقائى للشاى من الأمراض التى تتعلق بالأوعية الدموية بالقلب.
وقالت الدكتورة فيرينا ستانجيل وهى أخصائية فى أمراض القلب بالمستشفى إن التأثيرات المفيدة لاحتساء الشاى الأسود تزول تماما بإضافة اللبن.
وأكدت إذا أردت احتساء الشاى للحصول على التأثيرات الصحية المفيدة يتعين أن يكون بدون لبن. هذا ما أظهرته بوضوح الاختبارات التى اجريناها.
والشاى هو ثانى شراب بعد الماء استهلاكا فى كل انحاء العالم لذلك فإن أى مزايا له يمكن أن يكون لها تأثيرات هامة على الصحة العامة.
واكتشفت ستانجل وفريقها أن البروتينات التى تسمى كازيين فى اللبن تقلل من كمية المركبات فى الشاى المعروفة باسم كاتيكين والتى تزيد من الوقاية من أمراض القلب.
وهم يعتقدون أن نتائجهم هذه التى نشرت بدورية القلب الأوروبية اوروبيان هارت جورنال يمكن أن تفسر سبب أن دولا مثل بريطانيا التى يستهلك فيها الشاى بصورة منتظمة مخلوطا باللبن لم يظهر بها تراجع فى مخاطر الإصابة بأمراض القلب والجلطات نتيجة لاحتساء الشاي.
وقارن الباحثون التأثيرات الصحية لتناول المياه المغلية والشاى باللبن وبدونه لدى 16 امرأة يتمتعن بصحة جيدة. وباستخدام الموجات فوق الصوتية قيست وظيفة شريان بالساعد قبل تناول الشاى وبعده بساعتين.
وعمل الشاى الأسود على التحسين بصورة ملحوظة من تدفق الدم مقارنة بشراب المياه لكن إضافة اللبن قلل من تأثير الشاي.
وقالت الدكتورة ماريو لورينز المتخصصة فى علم الاحياء الجزيئية والمشاركة فى الدراسة وجدنا ان احتساء الشاى يزيد بشكل واضح من قدرة الشريان على الارتخاء والتمدد لاستيعاب تدفق اكبر للدم مقارنة بشرب المياه لكن اضافة اللبن يمنع تماما هذا التأثير البيولوجي.
وأظهرت الاختبارات التى اجريت على الفئران نتائج مماثلة. فلدى تعريض هذه القوارض للشاى الاسود زاد لديها افراز اكسيد النتريك الذى يساعد على اتساع الاوعية الدموية. لكن اضافة اللبن منع هذا الأثر.
وقالت ستانجل إن الشاى أظهر أيضا أثرا وقائيا من السرطان وبذلك يمكن لهذه النتائج أن يكون لها تأثيرات أخرى.
وقالت ستانجل ونظرا لان اللبن يقلل فيما يبدو من الانشطة البيولوجية لمكونات الشاى فمن المرجح أن تأثيرات الشاى المقاومة للاورام يمكن أن تتأثر أيضا.
وأضافت أعتقد أنه من المهم ان نعيد بحث الصلة بين استهلاك الشاى والوقاية من السرطان للتيقن من هذه الفرضية.
يا جماعة اشربوا شاي وعيشوا حياتكوا !!!:mad2::mad2::mad2::mad2:
أنا بحب شي العروسة جداً وفعلاً بحس إن أحسن من الليبيون .
ماما بتحب شاي أحمد جداً كانو ابنها.
واضح إن شاي الجوهرة ده شاي مايتشربش
ولا واحد بيحبه في الاستفتاء
هو تقريبا مش بيتباع حاليا
واحد ليبتون فتله على بوسطه يعنى سكر بره ...شغل قهاوى بقى
نسيت شاى التموين
المشكلة مش فى الشاى اين الماء النظيف الذى تستطيع ان تتذوق منه اى شىء تريد شربه
شكر خاص الاخ مينا على الوصف الدقيق
فى البيت العروسة و برة البيت لبتون
ليبتون طبعا وفى نوع اسمه ليبتون كوايت نايت ده ممتاز جدا
ليبتون خرز
اخوكم يوسف
شاى ريد ليبل فظيع !!!
محدش جاب سيره شاي ربيع ليه ؟
ده تمام جدا
و احمد برده جامد اخر حاجه - علي رأي شاب اليومين دول -
بصفتي كيييييييييييييييييف شاي ....ليبتون طبعا ...وبعديه شاي بنتليز (بنجيبه كميات من السعوديه) ...واوحش شاي العروسه ...وشاي التموين لا يوصف :36_1_2[1]::36_1_2[1]::36_1_2[1]::36_1_2[1]:
الشاى المعبا خارج مصر بيكون افضل من المعبأ فى مصر
السكر الاصفر افضل لانه بيكون سكر قصب مش بنجر وتكون درجة التحلية ليه اعلى
انا بفضل ربيع او شاى ادم وده قليل جدا ما بالقهوش غير فى الفا ماركت
ههههههههههههههههههههه
دة دعاية لنوع معين و لا اية :U_thin1[1]::U_thin1[1]::U_thin1[1]:
على العموم مش مهم نوع الشاى أية
المهم النفس :O_stupid[1]::O_stupid[1]::O_stupid[1]:
أحييك على ذوقك الراقىاقتباس:
تويننج(شاى اخضر+نعناع)
انا فعلا بشرب شاى أخضر بالنعناع توينجز
انا داخل الموضوع و عارف اني حلاقي رد لكريم منير
انا بشرب شاي ليبتون و الحمد لله كان سبب في اني توقفت عن شرب الشاي نهائي
بشرب مشروبات طبيعيه زوجتي الفاضله خلتني اقتلع عن الشيشه و الشاي وحتي الحاجه الساقعه بتشربني دوم و كركديه و تمر هندي و باقي طائفه المشروبات الجميله دي
و علي فكره الموضوع فرق معايا جدا
ايه يا جماعة شاي ربيع و ادم وريد لابل دول ؟؟؟؟
إحنا بنتكلم عن الحاجات اللي موجودة في السوق المصري و بتلاقيها في معظم الماركتس !
انا بصراحة عمري ما شربتهم
إنما أنا شايف إن الليبتون كسبان الاستفتاء مش علشان جودته إنما علشان انتشاره فهو موجود في اي خن في مصر انما باقي الأنواع محتاجة مشوار لكارفور أو أي هايبر ماركت أو سوبر ماركت كبير شوية
وبعدين مش ملاحظين حاجة غريبة ؟
إننا بنشرب شاي مصنع في أي بلد , إلا البلد إللي بتزرعه !!
حد شرب شاي هندي , معبأ في الهند ؟؟؟
يا مزاجك العالى يا كريم
بس ممكن توضيح اكتر لمسألة خلط الشاى التى تعملها
و احب اضيف حاجة تانية
شاى ليبتون و انت نازل باحس انه مصبوغ غ غ غ غ
الميه اول ما تنزل عليه تلاقى الكوبايه كلها لونت غامق بدون انتظار فيمتو "على فكرة ممكن يكون زويل اشتقها من شاى شيمتو" ثانيه
كمان بالنسبة للأنواع الاخرى كدلما و احمد
التفل بتاع الشاى بتلاقيه ورق صحيح
بصراحة حسيت انى اشرب شاى
مش حاجة ملونه غامق
كمان فى حاجة حبببتنى فى احمد و تويننج
بقيت اشرب الشاى بدون سكر نهائيا و استمتع بطعمه
بصراحة ليبتون و الباقى تحس بطعم قابض قوى لم استطيع معه التخلى عن السكر
ملاحظه
كنت باشرب زمان 3 ملاعق سكر