تعمل إيه لو ماشى فى الطريق و قدامك نقل أو تريللا و سواقها ماشى معرضها و مش عاوز يعديك ( وهاتفرق لو كان ميكروباص؟)
أرجو أن يقوم كل واحد بإبداء رأيه و طريقة تصرفه .
عرض للطباعة
تعمل إيه لو ماشى فى الطريق و قدامك نقل أو تريللا و سواقها ماشى معرضها و مش عاوز يعديك ( وهاتفرق لو كان ميكروباص؟)
أرجو أن يقوم كل واحد بإبداء رأيه و طريقة تصرفه .
بص ياسيدي طبيعي جدا انك وانت ماشي شمال (طبعا دي الحاره الخاصه بالتريلات فقط ) تلاقي تريلايه طالعه بتكسر عليك ورايحه شمال عشان يعدي من تريلا تانيه ماشيه يمين ( ماهو مش حيفضل ماشي ورا تريلا ابطأ منه) المهم يطلع وافضل اديلو نور بغباء فيها بتاع نص ساعه ( لحد ماالمبه اليمين عندي اتحرقت :| ) على بال مايعدي من التريلا اللي جنبه ويدخل يمين تاني
المهم بعد ساعه كده بطلع قدامه واقوم مهدي ولما اسمع صوت فرملته الجميله وافضل ماشي بتاع 40 او 20 كمان واخنقه شويه كده وامشي بعد كده عادي ( عشان يحرم يطلع شمال تاني واضيع وقته)
اما بقى ساعات كتير ابقى ماشي بسرعه والاقي نقل ماشي شمال واكيد ماشي بطئ اديله نور كتير من بعيد(تأكيد ان اللمبه اتحرقت ومش حتشتغل تاني :shock: ) الاقيه برضه مش حيتحرك وانه مقتنع بكده فانا مش بضيع وقتي واخد يمين واخلص يمكن انا الغلطان برضه والله اعلم
لا اخوانا بتوع النقل الكبير ما ينفعش الهزار معاعم خالص دول مش بيتفاهموا :D
لو ميكروباص ماشي.افتكر في مره كنت رايح اسكندريه زراعي و من عند كفر الدوار كده لقيت واحد بتاع ميكروباص زنق عليا بطريقه مستفزه المهم بعديها عديته و سيبه الاقيه بيجري ورايا و برضه عاوز يعدي ف انا مش عارف ماله دا المهم فضلت ساحبه ورايا لحد ما دخلت مدخل اسكندريه و عند الكمين اللي في اول اسكندريه روحت جاي واقف و هو ورايا و نزلت بهدلته و العساكر جم افتكروني رتبه ف وجبو معاه احلي واجب و سيبته و مشيت :D .
انما نقل كبير لاء و الف لاء ما انصحش باللعب مع الكبار ابدا
د انا بقيت معلم فى تأديب سواقين النقل دول!!
رايح جاى على طريق الأساعيليه كل يوم, اللى ماشى شمال وعامل فيها اهبل اجى امامه واهدى حبه حبه لحد ما أقف تماما وبعدها استمتع بصوت موتوره وهو بيموت عشان يجمع ويا سلام لما يكون محمل أو فى مطلع!
وفى 90% من الحالات الاقيه راح لليمين ومشى مؤدبَ!
انا مش عارف انا موهوم ولا لآ بس فعلا بقيت أحس ان نسبة اللى بيمشوا شمال بقت أقل :) يظهر انى ربيتهم
اقتباس:
اخوانا بتوع النقل الكبير ما ينفعش الهزار معاعم خالص دول مش بيتفاهموا
صح معاك حق بس ممكن برده تهزر من بعيد لبعيد ن اى اقتراب منهم مش هيكون فى مصلحتك بتاتا :D :D :D :Dاقتباس:
اخوانا بتوع النقل الكبير ما ينفعش الهزار معاعم خالص دول مش بيتفاهموا
ولا حاجة احاول اعدى منه واشتمه ولكن انت الخسران لو حاولت تفهمه ان هوا غلطان لانه فاكر ان هوا الانسان الصح الوحيد فى العالم
وانا كمان مش باسيبهم ابدا
لازم بعد ماعدي منهم افرمل واغلس عليهم قوي وفي منهم كتير جدا بيضرب السرينة العالية اللي بتسرع دي ولا بتاثر معايا
اظرف واحد بقي كان من اسبوعين كانت تريلا بمقطور مرسيدس وكان ماشي اكتر من 140 والمقطورة عمالة تطوح ومبهدل الناس وراه زلط وعامل رعب
جريت وراه وحرقت وجيت قدامة اغلس علية قعد يغرس وكان هايقلب عربيات ناس وبهدل جامد قوي قمت جريت وعند كمين الكيلو 42 دخلت الكمين بسرعتي وهديت مرة واحد واناعارف اني اتصور رادار عشان في ردار دخلت على الامين اللي هناك انا اعرفة قولتة السواق ده مبهدل الطريق كلة وبيجري ورايا وهو عارف اني عارف اني في رادار ثابت يومي هنا قاللي شايفينة جاي بيطوح ومستنينة عداني من غي رما ياخد الرخص وطلع جدع جدا وقال للظابط كمان فهمة ومسكوة روقة المهم وانا في المراية شايفة شاب صغير ماكملش 25 سنة وشكلة كان شارب طينة
ونفس الحركة عملتها في طريق اسكندرية اللي بعد البوابات بلغت نقيب المباحث اللي واقف في الكمين وقلتلة عمل لولادي رعب برضه قاللي ده مش شغلي بس والله يا اروقهولك بجد :mrgreen: :mrgreen: :mrgreen: :mrgreen:
برعشله نور لو مرضيش يعدينى بخطف غرزه يمين و بكمل طريقى عادى و بقول حسبى الله و نعم الوكيل انما لو قل أدبه فى المرايه بتاعته و أنا ماشى وراه بعدى منه عادى بس بخليه يلعن اليوم اللى اتعلم فيه السواقه :lol: :lol: :lol:
الهزار مع النقل خطر و خاصة لو الطريق فاضي او مهجور شوية لأنه ببساطة ممكن يخلص عليك
ايوه يخلص عليك ، صدقوني بتحصل دي عالم رايحه فداهيه و دايما سكرانين طينه
لازم الواحد يتأكد من الطريق مأمون قبل ما يفكر يرد عليهم
:lol: :lol: :lol: :lol: :lol:اقتباس:
اجى امامه واهدى حبه حبه لحد ما أقف تماما وبعدها استمتع بصوت موتوره وهو بيموت عشان يجمع ويا سلام لما يكون محمل أو فى مطلع!
دى أحسن فكرة و بتنرفز السواقين جامد موت , بس الحذر مطلوب برضه أحسن يعمل فيها أهبل و يخبط العربية من ورا .
أكتر من 80 % من سواقين التريللات و النقل على الطريق عندهم قناعة تامة إنهم ملوك الطريق و اللى يخاف يوسع , المهم الواحد يكون قلبه جادم و حذر فى التعامل معاهم و تأديبهم على الطريق.
و لا حاجة ارعشله لو ما تحركش هاعدى من اليمين
العمر مش بعزءة :wink: :wink: :wink: :wink:
انا تقريباً مفيش اسبوع يعدي غير ما اعمل كدة وخاصاً لو مطلع :twisted: بس دة مع الاغبية اللي سايق نقل بمقطورة وماشي في الحارة الشمال وعلى 50 ولا 60.اقتباس:
وانا كمان مش باسيبهم ابدا
لازم بعد ماعدي منهم افرمل واغلس عليهم قوي وفي منهم كتير جدا بيضرب السرينة العالية اللي بتسرع دي ولا بتاثر معايا
اما بتوع الميكروباص ففي الواقع دول اخطر من سواقين النقل لانهم في الغالب مش بيبقزا مبرشمين وبس زي سواقين النقل لا دول كمان بيبقوا عيال سنهم صغير ومعندهمش خبرة يعني ممكن لو رخمت علية يلوشني وابقى انا الخسران.
يا جماعة بلاش تهريج مع دول .. انا ليا واحد صاحبي معاه نيو أكسنت .. واحد ميكروباص .. استفزه و كسر عليه و فضل ماشي على الشمال .. صاحبي اتنرفز و عداه و جه قدامه و فضل مهدي .. و شتم السواق .. النتيجة ان الراجل خبط السيارة من الخلف قصدا .. و جري .. و معرفش يجيبوا تاني ..
بتخيل نفس المنظر مع سواق تريلا .. و خصوصا ان الأغلبية منهم يا سكرانين يا حشاشين .. ياما غلابة بس نايمين :)
تم التعديل بمعرفتي
Nader
قابلهم كتير خصوصا فى طرق البحر الأحمر من أول العين السخنة لغاية الأقصر و بصبر عليه للأخر و افضل متابعه لاول كمين و لما يهدى افوت منه و انزل اعمل فيلم للظابط عن مدى تهور السواق و ان فيه عربيات اتخبطت بسببه و انه و انه لدرجة ان مرة ظابط قابل السواق ببوكس فى وشه بس بجد كان يستاهل و مرة ظابط كان مصر يبعت معايا حد يسوقلى لغاية الغردقة علشان حالتى النفسية المنهارة :lol: :lol: :lol: :lol: :lol: :lol:
يا جماعة كبروا دماغكو انتو فى مصر بلد العجايب ولو فضلتوا تهتموا بكل الأمور دى مش هتخلصوا
واحد أعرفه عدى من نقل بمقطورة على الدائري وبعدي النقل خبطة من ورا بزاويةاقتباس:
المشاركة الأصلية كتبت بواسطة hazem_khidr
العربية لفت حولين نفسها وخبطت في يجي أربع عربيات وكل القوايم باظت
بعد ما وقف لقى سواق النقل نزل وقاله إنت اللي غلطان وخناقة وفي الآخر معرفش ياخد حق ولا باطل
بدون خلاف أو نقاش , المقصود من الموضوع ده كل واحد يقول تصرفه و تفكيره فى المواقف دى و فى النهاية نوصل لحل يكون الهدف منه السلامة والأمان لكل أعضاء المنتدى على الطريق و ربنا يكفينا شر السواقين الهمج اللى بنشوفهم كل يوم فى الطريق
لا اخوانا بتوع النقل الكبير ما ينفعش الهزار معاعم خالص دول مش بيتفاهموا
لو اتخنقت منه بديله سارينة وبعدى من المفتوح.
ادعوا كل اخونى بتوخى كل الحذر من جميع سيلرات النقل و خاصة النقل بمقطورة و عدم الهزار باى شكل معهم و بالنسبة انك تفرمل امام النقل ده شىء خطر جدا لان ممكن لاقدر الله ممكن اى شىء ممكن يحصل فى عربيتك و ما تعرفش تسحب تانى بسرعة و تقع الكارثة لا قدر الله و من المعلوم ان العربيات النقل لا تستطيع التوقف بسهولة المهم انك لما تشوف اى عربية نقل تحاول تبعد عنه باى شكل لان السواقين بتاعة النقل بالذات حاسيين انهم الوحيدون اللى بيعرفوا يسوقوا و ان الاخرين جايبيين عربيات ملاكى للفسح و اللعب
انا كنت مسافر على الزراعى و قبل كوبرى كفر الدوار ما يفتحوه كانت الحتة دى على طول زحمة فكنت و اقف فى الصف فى امان الله اتحرك متر و اقف و هكذا و فى لحظة العربية النقل اللى ورايا ادتنى بوسة لزقتنى فى العربية اللى قدامى لقيت يا موءمن الشنطة اتعجنت و الكابوت بقى على شكل حرف v و لسوء الحظ ان اللىكان قدامى برضة عربية نقل بس من الصغيرين
المهم انا لما نزلت و شفت العربية اللى خبطتنى حمد ربنا على كدة لقيت يا مؤمن عربية بمقطورة فى حجم الجبل و انا عربيتى المسكينة بحجم الفأر يا ولداه قلت الحمد لله انه ما طلعش فوق العربية او اعتقد انه كان ممكن يحصل بسهولة المهم بعد الزعيق و حضور البوليس الموضوع خلص على مفيش طبعا كان معايا اسرتى و مارضيتش يتبهدلوا قلت للسائق فى وجهة حسبى الله و نعم الوكيل و حمدت ربنا و مشيت و من ساعتها لما اشوف اى عربية نقل لو حتى فى التلفزيون باهرب منها اتقاء شرهم
اسأل الله العلى العظيم ان يحفظنا و يجنبنا اى سوء و اسف للاطالة
مش عارف انا ليا وجهة نظر تانى خالص:
- لو ماشى بطىء على الشمال يبقا أكيد اليمين مفتوح هاعدى من اليمين
- لو ماشى بطىء على الشمال وفى عربية نقل تانى على اليمين وبطيئة برضة يبقى مش هعدى بس فى الحالة دى كل الشارع هيقف ورايا وفى الحالة دى انا والشارع كلة مش هنبطل زمامير لغاية لما يعدينا
- اما لو كان ماشى بسرعة على الشمال ودة اللى انا عايز أوضحة أنه أأمن حاجة انك تمشى ورا نقل سريع ليه. لأنه مهما فرمل بكل قوته مرة واحدة انت برضة هتكون فى الأمان لأن مسافة التوقف أقل بكثير
وطبعا العكس فى منتهى الخطورة.
بصراحة اسيبه يعمل اللى هوعايزه وبهدوء شديد و بدون عصبيه أعديه بحرص وبعدين أفتح لحد ما أبعد عنه وأسيبه منه لله لأننى أحتك بهذه النوعيه من سواقى التريلات والنقل بعملى أحيانا و 99.99999% منهم ما بيسوقوش غير وهم عاملين دماغ والحدق يفهم ازاى بقى حتغيظ واحد عامل دماغ
قبل كده كان فى موقف عصيب اوى اتعرضله وانا فى طريق السويس بعد نقطة التفتيش وقبل مدينة الشروق المهم كان الطريق على اليمين زحمة اوى والشمال كان للى عايز يعدى من العربيات المهم لقيت عربية نص نقل ماشيه مش اقل من 150 جاى بسرعة ورايا
انا كنت ماشي على 120 كنت بالانسر المهم لقيته بيقرب جامد رحت عالى بالسرعة لحد 140 وبرضه لقيته بيقرب ولقيته فجاءة لازق ورايا بدون مبالغة ومولع النور العالى وعمال بيزمر بالسرينة المزعجة بتاعته ديه قعد على كده حوالى كيلو والبهيم مش شايف الطريق على اليمين زحمة ومصمم انى اعدية بجد انا كنت خلاص حفقد اعصابى بس عندت معاه ورحت ساحب لحد 160 ومرضيتش اعديه كان معايا والدى من كتر ما كان الموقف عصيب والدى متكلملش نهائى بس كان فعلا سواق رخخخخخخخخخخخخخخخم جاد
حسبي الله ونعم الوكيل فيه بجد :roll:
انا مش موافق راى التاديب ده لانهم علطول مبرشمين واصلهم عربجيه وربنا كرمهم واللى يفكر يادبهم يبقى بيجازف بحياته :wink: