ايه نظام البركنج الاصفر االى فى نص البلد دا

**yts17** · 23-02-2009 08:43 PM

ممكن حد يفهمنا بالزبت البراكنج اللى بيبقى على الارصفة الاصفر ابو كروت اللى فى نص البلددا نظامه ايه بالزبت .!

**A.Saad** · 24-02-2009 06:10 PM

انا معرفش الحساب ازاى
اهم حاجة
ماتديش للعامل الكارت يحطه فى الماكينة لانه ممكن يبدله بواحد فاضى ويبيعلك واحد جديد
ما تشليش الكارت لحد ما الرصيد يطلع على الشاشة

**أشرف العدوي** · 26-02-2009 03:42 PM

يا جماعة في جراج في وسط البلد تحفة
هو في باب اللوق مكان موقف الاتوبيس القديم
انا ركنت مرة فيه من الساعة 7 لحد الساعة 11 بالليل دفعت 2.75 فقط
بس بتلاقي في مكان بصعوبة شوية
مش عارف الساعة بكام بالظبط
و لا بيتحاسب على اساس ايه
بس انا اول ما بنزل وسط البلد بروح عليه على طول اركن العربية و اتمشي براحتى

**asbeats** · 27-02-2009 05:44 AM

انت قصدك الباركنج اللي لما تركن تطلعلك حديدة جنب العربية,صح؟

انا حصل معايا موقف مع العالم النصابين اللي بيبيعوا الكروت

كان يوم راس السنة الهجرية ولقيت مكان فاضي اركن فيه,فضلت واقف بالعربية ومشغل الإنتظار ومستني حد ييجي محدش جه,ولما زهقت رحت راكن العربية وهي مايلة ونزلت على التوفيقية اشتري حاجات وقلت ربنا ربنا يستر ومحدش يخبطها لأنها مش مركونة كويس

المهم خلصت مشواري وجاي اطلع لقيت اللي نازل فوق دماغي زي الباراشوت بيقوللي فين الكارت وراسه وألف جزمة لازم اشتري كارت ب 11 جنيه باين.قولته كنت فين ساعتك وانا بركن,قاللي مانا موجود,المهم انا مارضيتش اشتري ونادهلي الريس بتاعه,وبعد مناهدة ووجع قلب مشيت من غير مدفع حاجة,وللعلم انا كنت ناوي اديله حاجة كده بس لما استفزني حلفت مانا دافع ولا مليم.

الغريب بقه ان كان فيه واحد تاني معاه كارت وحطه في المكنة والحديدة مش عايزة تنزل اصلا,والراجل واقف محتاس,جاله واحد من بتوع الباركنج قعد يلعب في الحديدة اللي طالعة وفك حاجة فيها فنزلت من غير كارت ولا يحزنون!!! وصاحب العربية واقف بضرب كف بكف

عمار يا مصر!!!

**mahamedaraby** · 27-02-2009 05:58 AM

اعتقد بعد ظهور العمله المعدنيه ملهاش لزمه الكروت يعنى تحط جنيه او اتنين احسن من حوار الكروت اللى ملهوش لزمه

حتى لما بنقلد الحاجه بنقلدها غلط

**yts17** · 27-02-2009 08:19 PM

يعنى ايه الحل البتاعة دى كويسا ولا لأ . ولا نروح نزنق فى شوارع جانبية

**heshaaam** · 07-03-2009 04:23 AM

المشاركة الأصلية كتبت بواسطة أبـو آســـــر

يا جماعة في جراج في وسط البلد تحفة
هو في باب اللوق مكان موقف الاتوبيس القديم
انا ركنت مرة فيه من الساعة 7 لحد الساعة 11 بالليل دفعت 2.75 فقط
بس بتلاقي في مكان بصعوبة شوية
مش عارف الساعة بكام بالظبط
و لا بيتحاسب على اساس ايه
بس انا اول ما بنزل وسط البلد بروح عليه على طول اركن العربية و اتمشي براحتى

مش ده اللى ف نص الشارع وامامه محلات دش وبعده بشوية ع اليمين البستان سنتر

حلو بس زحمة

**zaman288** · 07-03-2009 08:07 AM

الموقف اللي فباب اللوق ده تمام بس مشكلته لو الشمس جامده لانه مكشوف بس طالما كده كده في الشارع فهو ارحم وبيتحسبلك اول ساعه ب110 قرش وكل ساعه بعد كده ب55 قرش