حادثه اوبل كورسا 2003

**themafrik** · 23-02-2009 09:10 PM

السلام عليكم ورحمه الله
انا زاهر عبد الجواد مشترك فالمنتدى من زمان بس بصراحه متفرج اكتر
معايا اوبل كورسا 2003
العربيه عملت بيها حادثه على طريق السويس واتقلبت 3 مرات والحمدلله جت سليمه
بس العربيه كل السمكريه اللى شافوها قالوا محتاجه سقف بالقوايم بتاعته واكصدامين وفوانيس و قنطره موتور وطقم تبريد كامل لانى دخلت فحيطه بسرعتى قبل ما تتقلب المهم الحرفيين سالت فيها على سقف فيها اسعار مختلفه جداااااااااااا من اول الف لغايه سته الاف ومحدش صادق فى كلامه وناس قالوا بورسعيد وناس قالوا كفر تهرمس فالهرم وفعلا مش عارف اعمل ايه لان كل اللى اكلمه فالتليفون يقولى تعالى بس ونتفاهم
ياريت يا جماعه اللى عنده خلفيه عن اسعار الحاجات دى او امكان الاقيها فيها يقولى
واسف جدا على الاطاله وهاحاول ارفع صور العربيه ولو معرفتش

**themafrik** · 23-02-2009 09:15 PM

وللعلم انا سالت عند العايدى فالحرفيين ومعظم اوبل الحرفيين وسالت عند واحد اسمه شنتل تقريبا فى ميدان لبنان وناس سالولى فى كفر تهرمس وبسمع اسعار مختلفه جدااااااااااااااااااااااا اا وغريبه جدا كمان
اول سمكرى شاف العربيه قال هياخد 6000 سمكره وشغل ايده بس
طبعا اخدت العربيه من عنده وودتها الشرقيه بس واقفه على السقف وبقيه القطع دى
وعلى فكره ناقص كمان مرايه كهربا وشويه رفايع كده

**samirayad** · 23-02-2009 10:42 PM

قدر الله وماشاء فعل .....وحمدا لله على سلامتك............

**Ahmad Allawy** · 23-02-2009 10:44 PM

أولا فداك.. و الف سلامة عليك.. و مش مهم العربية ولا الفلوس..
غير كده بقي..
ممكن تشوف العايدي.. و تشوف برضه الشيخ محمد قشطة اللي ف الحي السادس.. بس قوله انك من طرف وليد عبد العزيز صاحب الفيكترا الكحلي بتاع حلوان..
ولو العايدي.. ممكن تكلم المهندس فادي علي الرقم ده.. 0181861139 و قوله يشوفلك الحاجات اللي انت عايزها من عند العايدي.. عشان هو بيتعامل معاه كتير,, بياخد منه الحاجة بسعر كويس..
و ربنا يوفقك و يكرمك ان شاء الله..

**lancerevolution** · 23-02-2009 10:45 PM

الحمد لله إنك سليم

**KHALED AYMAN** · 23-02-2009 11:40 PM

لا حول ولا قوه الا بالله ....
الحمد لله انك سليم و محصلكش حاجه لان العربيه تتصلح او حتى تتغير انما انت لا مينفعش ....
بس انت كنت طاير بالعربيه ولا ايه ؟؟ ايه الى حصل ؟؟؟