العربيه من اول امبارح مش مظبوطه...

- لما آجي أطلع بعد مطب او مع بدأ التشغيل.
الاقي العربيه زي ماتكون عاوزه تبطل...
- صوت الماكينة بقي عالي مره واحده.


الحمد لله انا محافظ علي العربيه من يوم ما جبتها...
ومش حاس ان في حاجه غلط غير اللي حاقولكم عليه.


من يومين بالظبط:

1- قمت بتغيير زي توتال 3000 متعدد اللزوجة مع الفلتر.
ولما سألت واحد صاحبي قاللي التوتال تقيل علي الماكينه وانت عندك الماكينة بسم الله ما شاء الله زي الزيرو.

فهل فعلآ الزيت تقيل والمفروض استخدم نوع تاني.

2- وده اللي في الاغلب حاسه عامل المشكلة.
انا متعود افول العربيه عند نصف التانك.
وكنت باستخدم بنزين 90 او 80 حسب الماديات والسفر.
ومره فولت 80 حطيت 43 لتر
وماحسيتش باي حاجه غريبه.

اول امبارح بالليل.
فولت من بنزينه توتال بنزين 80 "البنزينه جنب البيت" حطيت 23 لتر
وركنت العربيه عادي.

وتاني يوم رحت الشغل.
ومالاحظتش اي احاجه الا وانا راجع من الشغل وقت الغداء.
لاقت العربيه صوت الماكينة علي. وبدأت تقطع ولما ادوس بنزين تتظبط.

واحد صاحبي قابلني... لما فتح الكابوت قاللي العربيه متلته. والماكينه فيها صباب. قلت له لأ... انا شاكك انه البنزين.

النهارده بقي شويه كده وشويه كده.. تتظبط وترجع تقطع.

انا شبه متأكد ان المشكلة من البنزين... فقلت اسألكم ؟

ولو فعلا المشكلة من البنزين...

اللي انا ناوي اعمله.

- لما التنك يفضي خالص.. افول 90
- وبعدين افك فلتر البنزين انظفة.
- وكمان افك الطلمبة انظفها " ولا مالهاش لازمة - ولا مابتتنظفش ولا ايه"

وبعدين اجرب.
لو تمام. ماعدش امون 80 من توتال.