استفسار بخصوص ظبظ زوايا البولو

**snakeson2** · 23-02-2009 11:37 PM

السلام عليكم ورحمة الله وبركاتة

ممكن نعرف مين احسن واحد بيظبط زوايا البولو 2001 لاني عملتهم كذا مرة ومفيش فايدة .

**ehab_mansour** · 24-02-2009 08:05 AM

المشاركة الأصلية كتبت بواسطة snakeson2

السلام عليكم ورحمة الله وبركاتة

ممكن نعرف مين احسن واحد بيظبط زوايا البولو 2001 لاني عملتهم كذا مرة ومفيش فايدة .

وعليكم السلام ورحمة الله وبركاته

عليك وعلي مركز بردجستون في كالتكس عباس العقاد دول أحسن ناس بشهادة كل الناس في المنتدي وهناك مهندس نجاد هو هيعملك اللازم شوف كده اللينك ده
http://www.nilemotors.net/Nile/showthread.php?t=31221
وربنا يسهلك وتتظبط صح

**umoussa** · 25-02-2009 02:21 AM

على فكرة انا لما سألتك حاطط جنوط 14 ولا 13 مش علشان المنظرة دا علشان ظبط الزوايا وتعديل زوية الكاستر

فياريت ترد عليا

**snakeson2** · 26-02-2009 02:24 PM

انا اسف ياباشا علي التأخر في الرد . انا في اسوان دلوقتي ومفيش الا مكان واحد فية وايرليس في ماكدونالدز .
انا الجنوط عندي الاصلية الي راكب عليهاالطاسات .
مقاس 13
والكاوتش كونتنينتال اعتقد 165 . المقاس المزبوط بتاعها!
عالعموم انا زبطت قبل كدة عند واحد اسمة درش ورا حديقة بدر مرتين والمرة التانية الي كان تحت العربية بيزبط الزوايا قالي مش عارف اية كدة معووج وخد 40 جنية عشان يعدلة عالعموم انا حسيت انة بيشتغلني لانة وبط في مكان الكاوتش حاجة حديد زي الكريك وقعد يقرط عليها !
ومفيش اسبوع والعربية بتصفر في الملفات وبتحدف يمين
عالعموم انا بظبط الكاوتش علي 29 هوا عشان قرف المطبات
.
ياريت سعادتك تفيدني بالازم اانا راجع القاهرة يوم التلات ان شاء الله .
وكان عندي استفسار بخصوص الجنوط هل ممكن اغير لمقاس 15؟
انا شفت في باب التنك بتاع البنزين مكتوب ممكن المقاس دة بس كان راسم كذا واحد وكاتب حاجات بالالماني مفهمتهاش .
واية الكاوتش المناسب للمقاس دة لو ينفع !

**umoussa** · 26-02-2009 03:15 PM

انت عارف الراجل ده عمل أيه؟

عملياً هو عمل زرجينة، فعلياً هو ثنى المقص وكدا المقص بالسلامة يا بيه.

مفيش عربية فولكس بيتعملها زرجينة علشان كل العربيات على عفشة متحركة.

الصنايعي اللطيف ده لبسك في الحيط

لازم لما ترجع ان شاء الله تروح أي فرع من فروع بريدجستون وهما حيعملوا اللازم ولو تحب اجي معاك فرع مدينة نصر انا تحت امرك.

بالنسبة لموضوع الجنوط كدا تمام انا كنت فاكر انك مركب جنوط ودا كان حيستلزم تبديل وضع بيض المقصات

**snakeson2** · 26-02-2009 05:56 PM

حسبي الله ونعم الوكيل ! الواحد مبيتعلمش ببلاش!
عالعموم ياباشمهندس انا جاي القاهرة يوم الثلات وان شاء الله هكون فاضي من الاربع شوف الوقت الي يناسب سعادتك ونروح مع بعض عالعموم انا تلفوني 0103986850 واسمي محمد , ممكن حضرتك تبعتلي مسج وانا اكلمك !
شكــــــــــــرا يا باشا

**umoussa** · 26-02-2009 08:15 PM

أنا كمان في الجونة حالياً وحكون في القاهرة أول الأسبوع القادم

على تليفون إن شاء الله

أسامه

-

الموضوع: استفسار بخصوص ظبظ زوايا البولو

LinkBack

أدوات الموضوع

عرض

-

-

-

-

المواضيع المتشابهه

استفسار بخصوص عدادات البولو 94 - 99

استفسار بخصوص زوايا الفيرنا 2012

بخصوص ظبط زوايا

زوايا مطلوب واحد بتاع زوايا وعفشجي كويسين

استفسار عن ظبط زوايا فى اللانوس ...................

الكلمات الدلالية لهذا الموضوع

المفضلات

المفضلات

ضوابط المشاركة