طيب انا اقدر اشترى الكاسيت المسيتسوبيشى الاصلى من التوكيل؟ وياترى سعره وانواعه كام سواء سى دى او كاسيت عادى؟ والف شكر
في البومة 1300 أو 1600 بيكون معاها تجهيزات الراديو كاسيت اربع سماعات واريال وضفيرة
سعر الراديو كاسيت الأصلي 2000 جنيه وسعر السي دي تشنجر (6 سيديهات) الأصلي 1500 جنيه وبيتم شراؤهم من المعرض وليس من قطع الغيار
اتكل على الله واشتري 1600 منيوال مصري لأن ال1600 كويتي لازم تمون ببنزين95 عشان تحصل على كفاءة الماتور كامله
أما لو انت عايز كويتي اشتريها 1300 منيوال
وبالنسبه للضمان انت ممكن تشتري من عند الرواس هوا بيدي ضمان بس العربيات اللي بينزلها مش كويتي تقريبا سعودي أو اماراتي
وربنا يوفقك ويختارلك الصالح
خليك في المصري احسن عشان ال abs و الضمان
شكرا للجميع على الردود .. انا كنت النهاردة عند سمير ريان..لاقيت عنده اقل سعر معروض للعربية بصراحة .. ماكنش عنده خليجى وعنده توكيل مانوال 1600 ب 105 وحاسس انى كان ممكن اوصل مع المندوب هناك بقل من كدة بس انا مش شاطر،،،
ياريت توضيح للحاجات اللى هستلمها يوم استلام العربية من ورق واشياء اخرى بجانب ايه اللى المفروض اشيك عليه قبل ما استلم وهل لازم اجيب معايه حد خبير ولا كفاية انا اصل دى ان شاء الله اول عربية زيرو اجيبها كنت شغال فى المستعمل :-p..شكرا للجميع على المساعدة ونخدمكوا فى مناسبات مماثلة ان شاء الله
نصيحة من مجرب انا عندي لانسر و النترا الالنترا اشد بكتيير قوي الموتور و الصالون و كل حاجة اللانسر 101 حصان و الالنترا 120
عن تجربة مفيش فرق بين اللانسر الخليجي والمصري وموصوع البنزين عادي إنك تحط للعربية الخليجي وان شاء الله مش حتحتاج الضمان انا اعرف كزا واحد جايبين عربيات خليجي وعدى ثلاث واربع سنوات وإلى الآن لم يواجهو مشاكل
ونصيحة اخوية تشوف برضه الالنترا الي سعرها وصل دلوئتي ل واحد وتسعين الف ضمان الوكيل
الراديو كاسيت الأصلي هو راديو وكاسيت شرايط ومفيهوش سي دي اما وحدة السي دي تشنجر فهي وحدة واحدة سي دي بلاير وسي دي تشنجر لعدد 6 سيديهات
اولا مبروك مقدما العربية
اول نصيحة تستلمها الصبح مش بالليل علشان لو فيه خدوش او غيره تبقى باينه
الورق دفتر الصيانة وشهادة الضمان وكتيب دليل المالك
الاستبن والكوريك ومفتاح العجل والطاسات وولاعة السجاير
شكرا استاذ طارق على المعلومات القيمة ومعلش تعبتك معاية لكن ده العشم ..
اخر حاجة وصلنا ليها "طبعا انتو عارفين الحيرة بتاعت شراء العربية" ان احنا نفكر نجيب الانسر 1300 مانوال بدلا من 1600 فياترى ايه الاختلافات عن 1600 غير الموتور من ناحية الكماليات وياترى كل ال 1300 جنوطها مقاس 14 بس ولا فيه 15 يعنى ال1600 اعلى من على الارض عن ال 1300 ؟