المشاركة الأصلية كتبت بواسطة badry
شكرا على اهتمامك و مستنى ردك يا استاذ ميلو...
و على فكرة الحسبة اللى قاللى عليها استاذ خالد ابراهيم كانت كالأتى:
سعر العربية اللى هيتكتب فى العقد و مش هدفعوه 150000...و دى سوبارو امبريزا الأوتوماتيك الكامله..
ايجار شهرى 4000 و عليهم 10% ضريبة مبيعات..
يبقى لو حسبنا قيمة الأيجار فى 3 سنين اللى هى اقصى مدة ايجار...يبقى انا مجموع اللى دفعته من غير الضريبة 144000...و ساعتها ادفع 6000 (علشان يبقوا 150000) و العربية تبقى بتاعتى...
و لو عايز افسخ العقد فى اى وقت...هدفع 3 شهور شرط جزائى ده غير ان كل اللى هكون دفعته هيعتبر ايجار و انتهى...
و كمان قاللى ان ده عرض خاص لحد اخر يناير و احتمال يتمد و احتمال لأ....و كان عارف انى مش صاحب شركة و لا حاجة..
بس فى حاجة مهمة حصلت...لما رحت ابوغالى بتاع روكسى عشان اتفرج على العربية...لقيت المبيعات بتوع الفرع مش عارفين اى حاجة!!! و قولتلهم على اسم اللى كلمنى قالولى مانعرفوش...و بعدين سألونى على رقم تليفونه...و استغربوا ان نمرته بتبدأ بنفس ارقامهم...يعنى تبع نفس شريحة البيزنيس بتاعت ابوغالى...و كلموه و عرفوه و قالولى ده مدير كبير بس فى حته تانية و ان دى اول مرة يعرفوا نظام التملك بالأيجار ده...
المهم انا قلقت من ان النظام ماكانش معروف... و من موضوع ال total loss لو حصل يبقى فلوسى راحت على الفاضى...ايه اللى يضمنى انهم يدونى عربية غيرها زيرو بعد سنتين و نص مثلا من بداية الايجار...
لما نشوف ايه الجديد........