السلام عليكم..
ازيكم يا معشر مالكي السوبارو الاعزاء..؟؟
انا سمعت امبارح بالصدفة من صديق.. ان ابوغالي عامل نظام جديد ف الشرا للسوبارو الهاي لاين فقط.. (مش متأكد من النقطة دي)
اسمه الايجار حتي التملك.. علي العربية اللي تمنها 150 الف جنيه.. الواحد يدفع ف الشهر 4000 جنيه..بدون مقدم نهائي.. و بيبقي معاه العربية بعقد ايجار.. و الكلام ده علي 3 سنين.. بعدها تبقي العربية بتاعته.. و هتبقي واقفة علي الواحد بحوالي 159 الف جنيه.. مجموع المبلغ المدفوع
هل حد فيكم سمع عن الموضوع ده..؟؟
و يا ريت.. اللي ليه اتصال بالتوكيل او رايح هناك قريب.. يجيبلنا تفاصيل.. و خاصة الجوانب اللي تقلق ف القصة دي..
زي ايه..؟؟
زي مثلا اني سمعت ان العربية لا قدر الله لو حصل ليها total loss تبقي راحت عليك.. لكن لو ممكن تتصلح.. هيصلحوها هما و يرجعوهالك تاني..
غير كده.. هل لو الواحد قرر انه ميكملش.. هل هياخد فلوسه اللي دفعها ولا راحت عليه زي مانا متوقع..؟؟
هل الواحد ممكن يبيع العربية خلال الفترة اللي فيها العقد ده ساري لحد يكمل عليه..؟؟ ياخد اللي دفعه.. و المالك الجديد او المستأجر بقي يكمل الباقي..؟؟

معلش انا باتقل عليكم شوية.. بس سمعت الموضوع ده و محتاج تأكيد و تفاصيل..
و اولا و اخيرا جزاكم الله خيرا..