نكت خلوها تصدي 2009

**passat** · 25-02-2009 05:28 AM

مرة واحد اشتري عربية لقاها مصدية

خنفسة مسطولة بتقول لصاحبتها هنبات فين؟قالتلها في ال28 اللي هناك دي ,قالتلها جاتك خيبة انا هروح ابات في البي ام اللي وراها

تاجر بيبيع لانوس ب 75 الف,تاجر مشافش حاجه

وكيل صيني جديد ينضم الي مسرحية التجار كبرت

سألو تاجر عن حملة خلوها تصدي قال زوبعه في فنجان

مزاد العربيات عشان الازمة,مزاد تنازلي يعني اقل سعر هو اللي هياخد العربية

تاجر مصاب بانفلونزا العربيات يطلب العلاج علي نفقة الدولة

تاجر بيقول لتاجر صاحبو انت هترخص عربياتك؟قالو لا عربياتي هي اللي هترخصني

شركة عربيات تقلل الانتاج,حلم تنظيم الاسرة

علي غرار مسلسل يوميات ونيس: بابا شانا ماما اسبرانزا احنا ولادكو هنرفع راسكو

قرار حكومي بأعدام السيارات المصدية حتي لا ينتشر المرض

جميع معارض العربيات تعمل اوتوماتيكيا لتوفير مرتبات الموظفين

صحفي بيسأل وكيل عربيات هتديني كام و اشتملك حملة خلوها تصدي؟قالو اتنيل انا بقلل المصاريف

معرض الاهراش فور مولا للسيارات,كلو هرش و اهبل مولا

منع الاستيراد من غير بلد المنشأ,العربيات هتبقي بالرقم القومي

طلب معونة حكومية من شركات العربيات,الحكومة هتوفرلكو اماكن اكتر في الجمارك

مانشت لجذب الجمهور:اشتري عربية باسعار زمان وبين قوسين سنة 2007

اعلان تلفزيوني:عربية نضيفه بتجري وسط عربيات مصدية

احدث افلام عادل امام:عربيتي مش مصدية

تاجر راح يشتري عربية لقاها غالية,اشتري بردو

خروف شاف تاجر بيبيع ماتريكس ب90 الف قال:شوف الخروف؟

غبور عمل اعلان جديد بلعيبة الاهلي,اللعيبة طول الاعلان بيشوطو الكور في العربيات

اغنية خلوها تصدي تحقق اعلي الايرادات,عمرو دياب قالك سرقوها مني

عربيات بتمشي من غير سواق,هو ده الحل مع الجمهور اللي مش عاوز يشتري

والد عروسة بيسأل ابو العريس:هو ابنك عندو عربية ايه؟قالو ده يتوقف علي اسم مدام حضرتك

عريس وعروسة ليلة الزفاف مش لاقيين عربية تزفهم,العريس قال لابو العروسة انا مش هتجوز الا لما تشري عربية نتزف بيها,ابو العروسه قالو انت فاكرني تاجر؟

اتنين تجار بيعلو علي بعض في مزاد عربيات

عربيتين بيتخانقو علي زبون

تاجر مراتو مطلعه عينو ,قالها صدقيني لرخص تمنك

ابن تاجر قالو بابا عاوز مصروف,التاجر قالو خد من الزبون اللي هناك ده

للبيع:تاجر موديل 2008 جميع الكماليات وبحالة الفبريكا,معالج ضد الصدأ

اتنين تجار عالقهوة,واحد قال للتاني تشرب ايه؟قالو فيه حملة خلوها تصدي سكر زيادة؟

زبون غلس راح لتاجر عربيات قالو معندكش جبنة؟

لتعويض الخسارة,معارض العربيات مفتوحة للرحلات المدرسية,النفر بخمسة جنية

واحدة متدلعه راحت تشتري عربية,التاجر قالها العربية دي عليها 25 جنية دهب,قالتلو لا انا عاوزة علبة ميك اب كريستيان ديور

تاجر اتجنن,قتل الموظفين اللي عندو ,كل الشركات العالمية عايزاه يبقي وكيل ليهم

تاجر نزل عربياتو في البورصة

احدث علامات المرور:ممنوع سير السيارات المصدية

اختبار جديد عند الترخيص,جهاز قياس نسبة الصدأ