شكرااااااااااا
عرض للطباعة
قدر الله وما شاء فعل حمدا لله علي سلامتك اولا وان شاء الله كلة يتعوض وترجع العربية احسن من الاول
لله الامر من قبل ومن بعد وحمدا لله على سلامتك وخروجك من حادثه زى كده سليم لو عاوز رأيى العربيه مش متدمره عشان تقول ابيعها حوادث واللى هاتجيبهولك اقل من 30 % من تمنها لان اللى بيشتريها بيستغل انك مش هاتعرف تصلحها وانه عاوز يعمل اكبر مصلحه فى الموضوع فياريت تصلحها الاول ولو ما عجبتكش ابقى بعها ومش هاتخسر اللى صرفته فى تصليحها
الحمد لله على سلامتك اولا
ثانيا انا شايف انها الحمد لله ممكن تتصلح وترجع تمام التما والله انا شوفت هيونداى مش عارف اقولك ايه (كانت معجونه خالص) ودلوقتى وقفه عند السمكرى تشوفها تقول انها عاوزه تترش بس
وفى حاجه عاوز اقول لحضرتك عليها ممكن تسأل وتغير النصف الامامى كله بنصف استيراد (يعنى يادوب هيركب علطول ومش هيحتاج شغل سمكره زى اللى فيها ) وربنا يوفقك وعلى فكره هتلاقى الارباع والانصاف موجودة فى الحرفيين وربنا يوفقك باذن الله
اولا قدر الله وماشاء فعل
انت الصح الي انا شايفه واغلب الاعضاء انك تصلحها وهترجع زي الاول باذن الله
لكن مش تبيعها دلوقتي هتخسر فيها جامد جدا
انا لغيت موضوع البيع على حالتها و عاوز ادور على سمكري محترم يشدها .. فياريت تساعدوني جزاكم الله خير
قدر الله وما شاء فعل والحمد الله على سلامتك وربنا يعوضك بأحسن منها إن شاء الله، كويس انك لغيت فكرت البيع على حالتها عشان كنت هتخسر أكثر من لو كنت صلحتها بالنسبة للسمكري ممكن تروح لمركز سمير على في الحرفيين وتشوف التكلفة كام تقريبا بس هو أسعاره غالية حبيتين بس شغله نظيف واستنى ردود بقيت الزملاء وربنا يوفقك.