العربية مركونة مدة طويلة

**yahyanaabil** · 27-02-2009 01:43 PM

المشاركة الأصلية كتبت بواسطة pharohtemo

أنا متعود أفصل كابل البطارية علشان بأسافر كل أسبوع لمدة 5 أيام و مرة نسيت أفصله و سافرت أسبوعين و العربية دارت عادى بس الكهربائى نصحنى مأعملش كده تانى لأنه بيأثر على البطارية و مستوى المياه لو سائلة.
أنصح بفصل الكابل و الكشف على البطارية كل شهرين أو ثلاثة و كده تضمن إن البطارية تعمر معاك و تلحق أى حاجة غلط فى أولها.

ايه علاقه فصل البطاريه بعمرها؟؟؟؟؟؟

**samirayad** · 27-02-2009 01:59 PM

المشاركة الأصلية كتبت بواسطة Karim Salem

يا جماعة خلوا بالكو من موضوع فصل كابل البطارية.
هو طبعا احسن فى كل الظروف انك تفصل الكابل بس لو العربية من النوعيات الجديدة اللى بتشتغل بالكمبوتر زى الفوكس و الميجان و الاوبل لا انصح بكده لانه بيعطل عمل كمبيوترالسيارة. لازم تسأل الاول فى لاتوكيل هل ده هيضر و لا لأ...
و الله اعلم

+1

........وأشحن البطاريه كويس وعلى أساس تكون فاصل التكييف وجميع الأنوار والكاسيت......ومتفصلش أى كابلات وتوكل على الله........لأن لو فصلت الكابلات ورجعت توصل تانى بعد الأسبوع ده ...حتحتاج تعمل learning (أعادة تنشيط لذاكرة وحدة التحكم )....وممكن ماتتعملش كويس ويكون الوضع عندك أساسا كويس بتاع السلانسيه وتبوظ منك الأمور..........وعلشان كده يبقى فى الحاله دى مالوش لزمه فصل البطاريه......وأنا أساسا بأسيب العربيه بدون تدوير لمدة أسبوع ......ومفيش مشاكل والحمد لله

**pharohtemo** · 27-02-2009 03:54 PM

المشاركة الأصلية كتبت بواسطة yahyanaabil

ايه علاقه فصل البطاريه بعمرها؟؟؟؟؟؟

يا باشا أنا بقول الكشف على البطارية دورياً هو اللى يخلى البطارية تعمر معاك مش فصل الكابل.
فصل الكابل بيمنع تسرب الشحن من البطارية و يسهل تدوير السيارة عند توصيل الكابل مرة أخرى مع التأكيد على الكشف الدورى و قياس مستوى المياه كنوع من الصيانة الوقائية.