207 - ماتيريا - فابيا - بولو - بروتون - تيجو

**moono** · 26-02-2009 02:44 PM

السلام عليكم

يا جماعه انا ان شاء الله هشترى عربيه خلاص خلال شهر بس المشكله الاساسيه عندى انى مش عارف ايه الافضل ليا

يا ريت تساعدونى اجيب ايه وليه ؟

انا بفكر فى :
1- بيجو 207 1600 مانويل
2- ماتريا كامله اتوماتك
3- اسبرانزا تيجو 2000 اتوماتك كامله
4- اسكودا فابيا 1600 مش رياضيه
5-بولو 1400 كامله
6- بروتون 1600 اتوماتك كامله

انا اكتر اتنين حاببهم البيجو والماتريا

بس خايف من اعاده البيع وقطع الغيار

خصوصا انى سمعت ان البيجو ملهاش قطع غياراستيراد

برجاء سرعه الرد ايه احسن وليه

**adel1414** · 27-02-2009 10:09 AM

حضرتك مختار عربيتين حلوين جدا انا من اشد المعجبين بيهم ولو انى بميل للماتيريا اكتر...حقول لحضرتك على حاجة مهمة ..مدام مش بتفكر فالانسر والتويوتا ..يبقى سعراعادة البيع مش حيكون فى صالحقك اوى ودة كمان لو حضرتك ناوى تبيع قريب..لكن لو عايز عربية تعد معاك فترة مش اقل من5سنين يبقى تقريبا سعر اعادة البيع مش حيزعلك اوى ..............اما بالنسبة لقطع الغيا حقل لحضرتك ان كلللللللل الجديد اسعار قط غيارة (بالنسبة للتوكيل وانا برشحة لان الاصلى مهما كان فهو اضمن واحسن لا يوم مايحصل حاجة لاقدرالله مش حيفيدنى الكام جنية اللى وفرتهم)لكن الناس بتتكلم بمدى توافرها خارج التوكيل..وربنا يوفقك لما تطمئن..بس انا لو بختار ليا حختار الماتيريا

**adel1414** · 27-02-2009 10:11 AM

متاسف جدا الكيبورد بيعلق فى بعض الحروف

**moono** · 27-02-2009 04:57 PM

الف شكر يا باشا

انا حاببها جدا بس عيبها ان فى ناس كتير مش بيحبو شكلها

وبيشبهوها بعربيه نقل الموتى وعربيه النينجا

وخايف ادفع فيها 107 الف وامشى الناس يتريقو عليها

يعنى بدل متكون برستيج تبقى مهزءه

بس هى جامده جدا من بره ومن جوه وواسعه جدا

**ows212** · 27-02-2009 05:50 PM

عربية جميلة فعلا
هاتها مايهمكش كلام الناس
بس انسى اعادة البيع نفس القصة للبيجو

**أبو عبدالله** · 28-02-2009 12:07 PM

المشاركة الأصلية كتبت بواسطة ows212

عربية جميلة فعلا
هاتها مايهمكش كلام الناس
بس انسى اعادة البيع نفس القصة للبيجو

أؤيد نفس الكلام

انا شايف العربيه تحفة ولما بشوفها في الشارع بجد بتعجبني جدا والله خصوصا اللون الأبيض

**Sharky** · 01-03-2009 02:21 PM

رأى الشخصى هى مش برستيج خالص
و أظن دا رأى الشعب المصرى بدليل عدم إنتشارها و تقلها فى إعادة البيع
و بالنسبة لقطع الغيار على ما أظن هى غير متوفرة خارج التوكيل لإن صغيرتها السيريون لا يتوافر لها قطع غيار خارج التوكيل غير عدد قليل منها بناءا على كلام ملاكها

رأى خليك فى الفابيا أو البيجو أشيك منها بكتير

**Ayman_52** · 02-03-2009 05:41 AM

اهم حاجه ان حضرتك تكون حاببها...والماتيريا انا مش عارف الناس بتنقد شكلها ليه؟؟

.. انا الصراحه بيعجبنى

..

فلو عاجبه حضرتك اعرف عنها كل حاجه الاول ولو ثبتت فى دماغك توكل على الله

اما بخصوص باقى الخيارات ارشح..
بروتون جين2 او بيرسونا
صفقه مربحه جدا....وكل عام بتثبت نجاحها اكتر

ولو محتاج اى استفسار فيهم انا تحت امرك

**moono** · 07-03-2009 11:08 PM

انا الحمد لله قصرت الاختيار بين

التريوس بلاتنيوم مانويل 118 الف

الماتريا فل اوبشن 109 الف

يا ريت اصحاب الخبره فى العربيات دى ينصحونى بسرعه عشان ناويت ان شاء الله اشترى الاسبوع ده

ساعدونى بليز