بتفضل فرش جلد ولا قماش و لماذا ؟؟
وممكن يكلفك كام ؟؟
عرض للطباعة
بتفضل فرش جلد ولا قماش و لماذا ؟؟
وممكن يكلفك كام ؟؟
بص هو على حسب نوع العربيه نفسها فى عربيات ماينفعش فيها الجلد للتناسق مع الشكل لكن كل السيارات الرياضيه لا يليق بها الا الجلد
انان عن نفسى معايا فولكس بيتلز ماينفعش فيها غير الجلد
كنت عملت الصالون بالكامل عند السروجى اتكلف 1200جنيه
جلد طبعا
علشان بيتغسل ويستحمل
اكيد الجلد كفاية منظرة وسهل التنضيف
جلد بدون منازع
متهيألي نركب جلد في الشتا وقماش في الصيف
:C_laugh[1]:
الجلد بيستحمل وبيدى شياكة أكتر للعربية
جلد وبركب عليه الكليم اللي ب 50 جنيه وبغير الشكل بين الكليم والجلد
الجلد سهل التنظيف ولا يهمه ميه ولا تراب
جلللللللللللللد طبعاااااااااااااا
افضل الجلد:S_thum1[1]:
اسهل فى التنظيف واشيك
انا ركبت لعربيتى النيسان الصنى عند سبير كار
الكراسى والدواسه ب 700جم
وكان فرش الكراسى جلد ممتاز كان احسن حاجه فى الجلد العادى
والله المستعان
انا بحب القماش علشان النقاشات اللى فيه
الجلد طبعا اجمل واشيك
بس كتير قالولي بلاش علشان بيسخن في الصيف
حل الموضوع ده كان بسيط جدا
2عراقة للسائق والراكب الامامي ب 65ج
بس يبقى معاك كل مميزات الجلد ومتجنب عيبه الوحيد بالعراقة
طب ياجماعة الخير انا عايز اكسي العربيه جلد من جوه معايا لانسر سبورت والفرش بيج وبيتبهدل اوي فكنت بفكر اعمله هو والتابلوه والابواب هيتكلف حدود كام ومين احسن واحد بيعمله وايه عيوبة لاني عايزة للحفاظ اكتر علي صالون العربيه من المنظر
لو حنحط عراقات على الفرش الجلد يبقى كدة الجلد مالوش اى لازمة لان العرقات حتبوظ منظرة وشياكتة لان العرقات بقت بتتحط فالتاكسيات والميكروباصات اعتقد ان الفرش الجلد لما بيكون سادة من غير اى حاجة خاااااااااااالص بيكون اشيك كتير وبيدى ستايل للعربية جامد وخصوصا لو اسود بس من غير مندخل معاة لون تانى لان فى ناس بتعمل فرش جلد لونين لون اسود ودة الاساسى واللون التانى بيكون واخد من لون العربية ..اسمحولى اللى بيعمل كدة بيبقى مزعج جدا مع احترامى لكل اللى مركبين فرش جلد لونين ..بس كدة انت بتعمل ازعاج بصرى جوة العربية وبتبقى دوشة دة رايى ومش عارف مين معايا ومين ضدى
أنا من رأيي إن الفرش الجلد أفضل من القماش لعدة أسباب :
1 - شكل عصري .
2 - سهل التنظيف .
وطبعا الفرش الجلد نوعين :
1 - جاهز .
2 - تفصيل .
أنا بعشق النوع التفصيل بيخلي الصالون تحفة ... وبيبقى زي الفرش الجلد الأصلي اللي بتنزل بيه بعض العربيات .
ويا سلام بقى لما تبقى العربية كلها ليها أرضية جلد فوق الموكيت ( ده طبعا غير الدواسات الجلد ) بتبقى العربية تحفة وكمان سهل تنظيف أرضيتها بسهولة ... وكمان دواسة جلد للشنطة :S_thum1[1]:
ويا سلام أكتر واكتر لما يكون الفرش الداخلي بيج :049:
أكيد الجلد أفضل بكتييييييير
طيب ممكن نعرف مين احسن اماكن بتعمل فرش جلد تفصيل ويكون مجرب قبل كده..وبيتكلف تقريبا كام........وشكرا.
أنا بقه عكسكم مش بحب القعدة على الجلد !
الأنتريهات الجلد اللي بتبقى في عيادات الدكاترة أو الشركات شيئ مزعج جدا بالنسبة لي ولو اني بقعد مجرد دقائق , فما بالك بعربيتي الشخصية ؟
انا شايف الجلد مش معمول للبلاد الحارة إطلاقاً , أنا بحب القعدة على نسيج طبيعي يعني قطن أو صوف أو كتان ,أما البولي إستر أجارك الله
الجلد بالذات لو كان لون العربية من بره او لو التابلوه
انا غيرت الفرش كل فترة عشان احس بالتغيير في العربية
http://www.postimage.org/aVyNPaS.jpg
حاليا لو الفرش اسود والنص ازرق نفس لو الطارة والدواسات والفتيس
الجلد طبعا بس لو كان نوع كويس و يا سلام لو طبيعي. اما الجلد الصناعي اللي بيبقي ناشف و مبيخدش شكل الجسم او الكرسي فده لا و الف لا. و حسب علمي احسن واحد عنده فرش جلد مخصوص لمعظم انواع العربيات فهو سبير كار اللي في وسط البلد. واحد صاحبي جاب فرش لللانسر بتعتو من عندهم و طلع 100 100 وعلية العلامة بتاعت الميتسوبيشي و تحس انو متفصل مش جاهز
ya gam2a momken 3nwan spare car we rakam telephonos
please :ask:
دة رقم سبير كار يا goofy
27933331 - 27933332
ودة الموقع بتاعة http://www.sparecar.net/
واى خدمة يابشا
ـــــــــــــــــــــــــ ـــــــــــــــــــــــــ ـــــــــــــــــــ
الحلوة اتكلمت
thanks meromar:120105~352:
الجلد جميل جدا بس مشكلته في الصيف و الشمس العربيه بتبقي و لعه لازم تشغل التكيف ربع ساعه قبل ما تركب
جلد طبعا
بس استحمل فى الصيف او فيمها
او ممكن شماسات وستاير كبس غامقه
كفاية ان الجلد مبيعملش كهرباء استاتيكية
يلا بينا .... كهربا ستاتيكه ؟؟؟ دي حوار دي ولا ايه ؟؟
الجلد طبعا اشيك وعملي اكتر
عربيتي لونها فضي والدواخل بتاعتها رمادي في اسود
عملت جلد امريكي بس تفصيل وشد مش كسوة لونهم نبيتي
ايون نبيتي واللي شاف العربية عارف قد ايه متناسقين مع بعض بدليل ان فولكس ايوس نزلت بعد كدة بنفس الشكل والدواخل
والارضية عامل فرش جلد فوق الموكيت لونه اسود بس محدش ياخد بالة منه اطلاقا
الجلد عملي جدا وفي الصيف مع التكييف مش فارقة جلد من قماش
وفوطة مبلولة بتظبطة وبعد كدة سائل ملمع الجلد بيخلية تحفة ولمعتة خرافية خاصة مع واحد موسوس نضافة زيي
فى كل الاحوال الجلد احسن
جلد والمقعدة قماش
يا جماعة الجلد طول عمرة هيبقى أفضل من القماش فى الكراسى
كفاية أن الكرسى بيبقى أولا شكله نضيف
ثانيا بيبقى مشدود بطريقة كويسة
ثالثا لو على السخونية و الشمس طيب مافيه تكييف يعنى
نفس الكلاماقتباس:
جلد وبركب عليه الكليم اللي ب 50 جنيه وبغير الشكل بين الكليم والجلد
الجلد حلو بس في الصيف بيبقي بشع
من وجهة نظرى الجلد افضل,اسهل فى التنظيف,
بس عيبوبة السخونة فى الصيف(الا اذا هاتركب جلد طبيعى)
انا عن نفسي بكره الجلد بيخلي العربية في الصيف لا تطاق القماش احسن وبعدين في نوعيات قماش بتدي شياكة جامدة جدا ومريحة
السلام عليكم ورحمة الله وبركاته
اعتقد القطيفة أشيك
ولو على النظافة
أولا ممكن تغطي مساند الرأس بالشال وبيدي شكل حلو ولما يتسخ خده اغسله
وباقي الأجزاء ممكن لما تتوسخ تجيب السائل بتاع تنظيف السجاد وقماشة واتفرج
لسه مركب فرش جلد للسيفيك 2009 من عند سبير كار ...هو غالى شويه(1870 جنيه) بس بصراحه تحفه