كلام سليم :S_thum1[1]:
والله انا الموضوع ده حاصل في عربيتي ومشيت فيه شويه ونفضت بعد كده
العجله الشمال اخرت بس كنت طالع فوق رصيف والقنطره عندي كده كده معووجه بس مكنش السبب منها
استنين لحد ما غيرت المقصات برضو العجله ماخره يبقى الموضوع مش من المقص
(في حل بسيط انك تروح لبتاع زوايا محترم يعملك زرجينه للعجله الشمال وهتتزبط بس برضو لو في حاجه معوجه عندك هتفضل زي ما هي سواء قنطره او شاسيه)
طبعا روحت زبطت زوايا في مركز خدمه قالي غير المقص قولتله مغيره قالي يبقى احتمال من القنطره(ممكن برضو يكون زادت خبطها مع طلوح الرصيف) وانا بعد كده نفضت بصراحه
بس انت المفروض تروح لعفشجي طلقه يكشف على الشاسيه والقنطره
وكمان المقص
او يا اما تكشف شاسيه على الجهاز بتاع الشاسيهات ده
وتشوف بقى مين يهم المتسبب في التاخيره
عامه لما تيجي تطلع مطب هتلاحظها ان في عجله بتطلع قبل التانيه
ومتحاولش تعمل اي شغل في الناحيه اليمين عندك عشان هي السليمه
ولله يا جماعة حلها بسيط
انا كان عندى العجلة مأخرة العجلة اليمين و الحمد للة الراجل عندة اجهزة حديثة عندة مقاسات الشاسية بتاعت الفابريكة و الزوايا بتاعتها بردو و عملت زوايا و ترصيص لل4 عجلات و زرجينة
مع العلم كان عندى عجلة مأخرة 3 درجات و الحمد لله زى الفل دلوقتى ..
رحت لعفشجى بص على العربية وشال الحاجات اللى كان بتاع الزوايا مأخر بيها العجله اليمين (بتاع الزوايا كان بيقول علشان تظبط مع التأخير اللى فى العجله الشمال) وطلع جرب العربيه قال لى مفيش فيها حاجه وكل اللى عاوزاه ضبط زوايا وضبطها بميزان بلدى وكنت مأجل مشوار ضبط زوايا بالكمبيوتر لظروف الشغل عندى خصوصا وانى الايام دى برجع على صلاة الفجر
والنهارده وانا راجع من الشغل خدت ملف ومن الواضح انى كنت داخله بسرعه كبيرة مش متناسبة مع الملف فاللى حصل ان العربية عومت منى وكانت هتقف بالعرض فى وسط الطريق( الحمد لله ان الكلام ده الفجر ) لولا انى مسكت جامد فى الدريكسون وكانت النتيجه انى خبطت الجنط الخلفى بكل سرعه العربية و عزمها فى الرصيف و تسببت فى تنى شفة الجنط على الكاوتش
فمن الواضح ان الاضرار بس فى شفه الجنط وسمعت وقريت ان فى استعدال و بيه بيرجعوا الجنط والشفة كالاول
طب هل فى اضرار تانيه ممكن تكون حصلت من الخبطه اللى حصلت فى العجله الخلفية ( العجله والجنط خدوا الخبطه كلها)
والحمد لله انها جت على قد كده و ده نتيجه تسرعى وخطأ فى تقدير الموقف
هو دهاقتباس:
ولا بتاع ال زوايا؟
أن شاء الله خير يا أستاذ/ مجدى......وبقدر الأمكان ماتسوقش العربيه الا وأنت فايق جدا.........وربنا يسترها مع الجميعاقتباس:
طب هل فى اضرار تانيه ممكن تكون حصلت من الخبطه اللى حصلت فى العجله الخلفية ( العجله والجنط خدوا الخبطه كلها)
الحمد لله جت سليمه الى الان و الخسائر كانت
1- تنى شفة الجنط والحمد لله اتصلحت
2- الكاوتش باظ وخليته استبن
3- بليه الاكس اتقسمت نصين والعفشجى غيرها
وبالنسبه لموضوع الزوايا بتاع الزوايا (اسمه شيبوب مشهور جدا فى الشرقية وهو واحد غير اللى رحت له فى الاول ) قال لى ان العجله اليمين ( مش الشمال ) هيا اللى راجعه لورا و قال ان السبب ممكن يكون فى عيب فى الكاوتش وان لما احس بان الزوايا فيها حاجه ابدل العجلتين واشوف
وقولت له مش هتعدل لى الطارة ( فاكره هيعدلها من تحت ) قال لى دى سهله فى ثوانى تتفك وتتعدل فقولت له لا بلاش خليها كده احسن كمنى كنت قريت موضوع هنا فى المنتدى مش فاكر فين ملخصه ان علشان نظبط طارة الدريكسيون الصح بتعاها تتظبط من تحت ومش تتفك من فوق علشان كده الدركسيون ممكن ميلفش للاخر ( يمين او شمال)
وده جزاء اللى بيسهر فى الشغل ويتاخر فيه ويرجع الفجر :8954[1]:
والحمد لله جت سليمه