استفسار عن تركيب فوجات وشراء طاسات .

**Amera** · 27-02-2009 06:27 PM

عندى سؤال بخصوص سعر شراء فوجات لفيرنا2008 ، 1600, F\O, Manual, واية هى احسن انواع فى السوق وبالنسبة لسعر التركيب . وكنت عايزة اعرف سعر الطاسات للفيرنا علشان عندى طاسة اتفرتكت من عربية خبطتنى ، اكون شاكره ليكو .

**KoDaK_Gti** · 27-02-2009 08:18 PM

الطاسات مش هتعدى 120 جنيه للطقم
الفوجات مش عارف

**Amera** · 27-02-2009 08:40 PM

شكرا ليك يا Kodak_Gti ، واتمنى مساعدة باقية الاعضاء .

**أشرف فتحى** · 27-02-2009 09:02 PM

السلام عليكم
انا معايا فيرنا برضه ولسه شارى 2 طاسه الواحده على 20 جنيه من بتاع كاوتش جنبى وعنده كميه كبيره وكلها اصلى بس لانه بيبيع جنوط بياخد الجنوط والطاسات القدام وانا شفتهم فقلت اغير المتجرحين اللى معايا وعلى فكره لما سألت على الطاسات بتاعه الفيرنا فى شارع دمشق البياع قاللى الواحده ب 75 جنيه ليه ما اعرفش!!!!!
وطاسات الفيفا اشيك بكتيييييييييييييير من طاسات الفيرنا لو هاتغير الاربعه
عموما انا لسه معايا الطاسه اللى كانت راكبه عندى لو محتاج حاجه مؤقته تمشى بيها نفسك
وبالنسبه للفوجات الموجود صينى وبيبدأ من 90 الى 130 جنيه بس الحكايه مش فوجات وخلاص دانتا هاتغير دراع النور وتركب كتاوت لو ما عندكش فوجات اصلا
والسلام عليكم

**vernawy2008** · 27-02-2009 09:21 PM

بالنسبة للفوجات انا جبتهم تايوانى بـ 150 ج و الزرار بـ 45 ج و ركبت الزرار مكانه جنب زرار الانتظار و ركبتهم و ما شاء الله شكلهم جميل جدا و غيروا شكل العربية خالص
وعلى فكره الاسعار دى شامله الكتاوت و التركيب

و الله الموفق

**Amera** · 27-02-2009 09:35 PM

انا متشكره ليك يا ashraf_fathy0 بس لية سعر الطاسات غالية كدة هى صناعة اية ؟
وبشكر vernawy2008 على المساعدة .

**KoDaK_Gti** · 27-02-2009 09:44 PM

الطاسات من 80 ل 120 جنيه
حسب المحلات

**أشرف فتحى** · 27-02-2009 09:48 PM

المشاركة الأصلية كتبت بواسطة Amera

انا متشكره ليك يا ashraf_fathy0 بس لية سعر الطاسات غالية كدة هى صناعة اية ؟

وبشكر vernawy2008 على المساعدة .

والله لو يابانى دى طاسات عجل امال فى التوكيل هاتتباع بكام ؟؟؟
عموما حتى اللى راكبه فى العربيه الاصليه مكتوب عليها صنع فى مصر واللى سألت عليها كانت بتاعه الفيرنا الفيفا وكانت عند واحد بس فى الشارع كله
على فكره غبور عامل خصم 15% على قطع الغيار ممكن تلاقيها عنده بس ماعرفش بكام
وبرضه العرض لسه سارى لو عايز اديلك الطاسه اللى فكيتها بس هى بصراحه متجرحه ولو عربيتك جديده هايبقى شكلها مش قد كده

**hanystar** · 27-02-2009 10:22 PM

المشاركة الأصلية كتبت بواسطة Amera

عندى سؤال بخصوص سعر شراء فوجات لفيرنا2008 ، 1600, F\O, Manual, واية هى احسن انواع فى السوق وبالنسبة لسعر التركيب .

قبل ما تشترى الفوجات شوفى التوكيل الأول
عشان لو ركبتيهم برة ممكن التوكيل يخرج العربية من الضمان .

**Amera** · 27-02-2009 11:02 PM

المشاركة الأصلية كتبت بواسطة ashraf_fathy0

والله لو يابانى دى طاسات عجل امال فى التوكيل هاتتباع بكام ؟؟؟
عموما حتى اللى راكبه فى العربيه الاصليه مكتوب عليها صنع فى مصر واللى سألت عليها كانت بتاعه الفيرنا الفيفا وكانت عند واحد بس فى الشارع كله
على فكره غبور عامل خصم 15% على قطع الغيار ممكن تلاقيها عنده بس ماعرفش بكام
وبرضه العرض لسه سارى لو عايز اديلك الطاسه اللى فكيتها بس هى بصراحه متجرحه ولو عربيتك جديده هايبقى شكلها مش قد كده

انا بشكرك على العرض بس هاشوف طاسات الفيفا لو عجبتنى ممكن اجيبها وبردة هاشوف اسعارغبور اية ظروفها .

الموضوع: استفسار عن تركيب فوجات وشراء طاسات .

LinkBack

أدوات الموضوع

عرض

-

-

-

-

-

المواضيع المتشابهه

تركيب فوجات كيا كارينز -صور-

استفسار بخصوص تركيب فوجات

تركيب فوجات للنيوسيراتو

### تركيب فوجات للانسر بالصور ###

تركيب فوجات للسفيا (بالصور)

الكلمات الدلالية لهذا الموضوع

المفضلات

المفضلات

ضوابط المشاركة