### تركيب فوجات للانسر بالصور ###

**إسلام شاهين** · 19-10-2007 11:11 PM

النهارده نزلت في جولة كده بداية بالتوفيقية اللي مالقيتش فيها حاجة جديدة وطلعت على شارع دمشق غالي نار ) لاقيت هناك الفوانيس الرنجات اللي كنت صورتها قبل كده الجديد فيها إن منها غامق ومنها فاتح عند السجان الغامق ب 1750 والفاتح ب 1650 طبعا غالي جدا اللي يشحك بقه فوانيس الفوجات عند السجان اللي في التوفيقية ب 375 وعند السجان اللي في دمشق ب 475وهما هما سألت الراجل ليه ؟ قالي التوفيقية حاجة وهنا حاجة ثانية !!!!!!!!!!!!!!!!

المهم نزلت على سبير كار لقيتهم هما هما برضه بس سعرهم بالتركيب ب 350 .

بصراحه الفوانيس جميلة جدا والكرتونه نازل فيها ضفيرتها بمفتاحها بالأفايز حتى وكمان المفتاح وبصراحه الشغل جميل جدا جدا وآدي الصور :-

**aboalm** · 19-10-2007 11:14 PM

ياعم الف مبروك بس انت كده فاتح بيت تانى مع البيت الاولنى

**اسلام المصرى** · 19-10-2007 11:18 PM

ألف مبروك يا اسلام :) ربنا يباركلك فيهم , أنا شايف سعرهم معقول مش خسارة فى العربية :) ياترى التركيب أخد وقت أد أيه؟ و قوة الأضائة أخبارها ايه؟ أنا طبعا شايفهم منورين فى الصورة بس طبعا الصورة تختلف عن الحقيقة.
مبروك عليك يا باشا بجد انا مبسوطلك :D

**إسلام شاهين** · 19-10-2007 11:23 PM

الله يبارك فيك يا سمسم يا حبيبي النور قوي جدا والحمد لله جربتهم وأنا راجع ماحتاجتش أنور النور العادي خالص ، بالنسبة للتركيب خد حوالي ساعة بالضبط ، وعلى فكرة علشان لو حد سأل على مكان تركيب المفتاح هو ليه طبه تحت على شمال الدريكسيون جنب مفتاح تعلية وتوطية النور ركب جنبها على طول .

أبو علم والله إنت عندك حق بس أنا قدام الحاجات ديه بالنسبة للعربية ضعيف جدا فوق ما تتصور يعني لما بشوف حاجة حلوه مابقدرش أمسك نفسي . :( :( :( :( :( :( :( :( :( :( :(

**Dr Ahmed** · 19-10-2007 11:34 PM

ألف مبروك يا حبيبى ، جمال جدا جدا.. ومسيرى هنزل سبير كار وأصرف هناك تحويشتى كلها! بس أخلّص اللى فى إيدى!
ويارب يسترها معاك من العين

**nader makram** · 19-10-2007 11:47 PM

الاستاذ atolba قال:
ana rakkebt foglamps barra el tawkeel , bas 3amelhom banadafa 2wy wa el salook met`3ataya wa mafeesh 2y 7aga 3aryana mel salook wa sho`3l 100 100 wa 7atet fuse 15amp. as the original wa very strong cutouts
هو الفيوز والكتاوت ضرورى و حضرتك عملت كدة والا مش لازم ؟
شكرا

**إسلام شاهين** · 19-10-2007 11:53 PM

ياباشا الضفيرة اللي في الصورة فوق معاها الكتاوت بتاعها وفيوزها أنا مجبتش حاجة خالص .

**اسلام المصرى** · 20-10-2007 12:00 AM

شكرا لردك يا اسلام , وذى ما قال د. أحمد ربنا يسترها معاك من العين!
أنت ئوام كده غيرت التوقيع يا اسلام :) ربنا يباركلك فيهم يا رب :) أنت كده زعلتهم منك :)

**AlmAhAtmA** · 20-10-2007 12:29 AM

بسم الله ما شاء الله يا ابو اسلام
شكلهم جميل قوي قوي
انت ركبت زينون ولا لسه
مع الزينون الموضوع حيبقي مختلف تماما

بجد الف شكر يا اسلام المواضيع مفيده جدا من ايام الباركنج سينسور و قبل كده
جزاك الله كل الخير

**إسلام شاهين** · 20-10-2007 12:33 AM

حبيبي ( العريس المنتظر ) وحشتني جدا جدا جدا
الله يبارك فيك يا هاني كلك ذوق ، بالنسبة للزينون شوفت النهارده عند سبير كار نوع هيلا كوري واطي زينون وعالي هالوجين في لمبة واحده وكان ليا أنا ب 950 ، المهم سألتهم على اللمض لاقيتها عندهم الجوز ب 275 علشان لو اتحرقوا يعني ، بس أنا مش عارف الواطي زينون والعالي هالوجين ده كويس ولا إيه نظامه ؟؟

الموضوع: ### تركيب فوجات للانسر بالصور ###

LinkBack

أدوات الموضوع

عرض

-

-

-

-

المواضيع المتشابهه

تركيب فوجات كيا كارينز -صور-

بالصور تركيب فوجات زي الاصلي مش غالية أوي

تركيب فوجات للسفيا (بالصور)

تركيب عتب و فرش جلد للانسر بالصور

تركيب باركينج سنسور للانسر بالصور

الكلمات الدلالية لهذا الموضوع

المفضلات

المفضلات

ضوابط المشاركة