أضرار عدم كبس الدبرياج للاخر

**Ghamrawy** · 27-02-2009 11:29 PM

كنت عايز اعرف ايه هى اضرار عدم كبس بدال الدبرياج للاخر اثناء النقل و الاضرار تختلف من دبرياج زيت و كابل ؟؟

**m_awad** · 27-02-2009 11:42 PM

طبعاً بيسبب مشاكل كتيرة للفتيس من الداخل

كتكسير تروس الفتيس، ومن ثم حرق جميع أجزاءه

**samirayad** · 27-02-2009 11:51 PM

عدم الضغط الكامل على الدبرياش بيودى الى ظاهره هندسيه أسمها أنزلاق الدبرياش(أو القابض).....وده بيؤدى الى سرعة تلف الأسطح الأحتكاكيه بتاعة الديسك والأسطوانه.....وبالتالى تقليل عمر الدبرياش......

** ونفس التأثير بيحدث عند تحميل القدم قليلا بدون داعى أثناء السير بالسياره...........علشان كده بتلاقى اللى بيقولك متحملش على الدبرياش وأنت سايق......يعنى متحطش رجلك عليه الا ساعة النقل وهات الدواسه على الآخر

على فكره مبتفرقش (أى ان المشكله ثابته لو كان الدبرياش واير أو زيت)....هى هى نفس الأثر لو حملت على الدبرياش أو مجبتوش للآخر ساعة النقل....دا غير أنه بيتعبك فى نقل السرعه للفتيس وبيخللى تواجد عضه وصعوبه فى نقل السرعه اللى الفتيس......بس الأثر كله على الدبرياش هو اللى بيبوظ بسرعه وتلاقى العربيه بعد كده صوت المحرك بيعلى بدون سحب كويس وطبعا أستهلاك بنزين كتير..........

**khater87** · 28-02-2009 02:06 PM

عدم الضغط الكامل على الدبرياش بيودى الى ظاهره هندسيه أسمها أنزلاق الدبرياش(أو القابض).....وده بيؤدى الى سرعة تلف الأسطح الأحتكاكيه بتاعة الديسك والأسطوانه.....وبالتالى تقليل عمر الدبرياش......
** ونفس التأثير بيحدث عند تحميل القدم قليلا بدون داعى أثناء السير بالسياره...........علشان كده بتلاقى اللى بيقولك متحملش على الدبرياش وأنت سايق......يعنى متحطش رجلك عليه الا ساعة النقل وهات الدواسه على الآخر

اعتقد كمان انه ممكن تعمل بوووووووووووووش في النقلات

**Ghamrawy** · 28-02-2009 07:50 PM

اشكركم على ردودكم و فعلا الكسل ضريبته عاليه

**Maged_Samy** · 28-02-2009 08:52 PM

لاتحاول ايضا تحميل رجلك على الدبرياج اثناء القيادة ولا تحاول الدوس على الدبرياج لمدة طويله منتظر الاشارة تفتح مثلاً لان كل ده بيأثر بالسلب على الدبرياج ومجموعة نقل الحركة

**mrghost** · 28-02-2009 09:11 PM

اكتر شيء هيتأثر هو الفتيس ومع الوقت ممكن تروسه تتكسر ويكون فى عضه فى الغيارات

**فادى** · 28-02-2009 09:23 PM

مفيش أضرار!!
فيه مساحة من الفراغ فى اى نوع من الدبرياج, و مادمت وصلت لمرحلة فصل الدبرياج فلا أضرار, بعض السيارات تصل لهذه المرحلة بدون الضغط على الدبرياج كاملا,
و لو الدبرياج سلك, ممكن تضبطه عالى او واطى, و فى الحالة دى بتحدد المساحة الخالية اللى فى الأخر.
طبعا المؤشر اللى عندك هو حدوث "العضة" أثناء النقل من عدمه, لو لم تحدث, اذن انت فى منطقة الأمان.

**mohamed_rhem** · 01-03-2009 11:44 AM

المشاركة الأصلية كتبت بواسطة فادى

مفيش أضرار!!
فيه مساحة من الفراغ فى اى نوع من الدبرياج, و مادمت وصلت لمرحلة فصل الدبرياج فلا أضرار, بعض السيارات تصل لهذه المرحلة بدون الضغط على الدبرياج كاملا,
و لو الدبرياج سلك, ممكن تضبطه عالى او واطى, و فى الحالة دى بتحدد المساحة الخالية اللى فى الأخر.
طبعا المؤشر اللى عندك هو حدوث "العضة" أثناء النقل من عدمه, لو لم تحدث, اذن انت فى منطقة الأمان.

+111111111111
كلام سليم يسمي رجلشة البرياج

-

الموضوع: أضرار عدم كبس الدبرياج للاخر

LinkBack

أدوات الموضوع

عرض

-

-

-

-

المواضيع المتشابهه

سؤال ...ما هي أضرار جهاز المايكرو ويف؟

ما أضرار الهوا في دائرة التبريد

أضرار اللمبات الموفره....منقول

ما هى أضرار دخول أتربه على البوابه؟

هل يوجد أضرار من وضع مياه عاديه فى الريداتير ؟

الكلمات الدلالية لهذا الموضوع

المفضلات

المفضلات

ضوابط المشاركة