الموضوع: قول رايك في الجنوط بصراحة

الجنط السبور (أعرض) من الجنط الحديد ، وبالتالى لما بتعرض الكاوتش بيبقا (الشكل) مظبوط وبيبقا بروفيل الكاوتش قائم بشكل رأسى و (المداس) بتاع الكاوتش مفرود على الأرض بشكل صح ، أما الجنط الحديد فى الحالة دى هيخلى بروفيل الكاوتش (مسلوب للداخل) ، وممكن المداس يترفع عن الأرض من الأطراف خصوصاً لو الهوا مش مظبوط ، وده عن تجربة كاوتش 205 ركبناه فى لانوس بتاعة واحد صاحبى على الجنط الحديد وبعدين إضطرينا نغيره بجنط أسبور نفس الإرتفاع (13) برضوا بس عشان فرق (العرض) فقط

المقاس كان 13/60/205 للى عنده لانوس وطبعاً غير ثبات العربية راساً على عقب ومافرقش حاجة عن أبعاد الفابريقة(نصف مم!) 13/70/175 ، وأنا كمان على نوبيرا كنت لازم أركبه على كاوتش 205 بس لأنى عملته 15

الخلاصة إنه مهم جدا جدا لأن فيه إختيارات مقاسات وأشكال متعددة ، وبلاش الصينى لو وحش ، أنا جايب تايوانى والفرق كان حوالى 200 جنيه ، بقالوا سنة وياما أكلت مطبات والحمد لله الجنط سليم

والرنجات لو على المقاس بالتمام مش أوسع والكاوتش مترصص مش هيبقا فيه غربلة أبداً

شكرا ليكو جدا والله يا جماعة على المشاركة بتجاربكوا ولس ناقص بس أماكن وعناوين الناس المحترمة اللي بتبيع حاجات نضيفة ومضمونة ومستنيييين الاعضاء الكرام