تعدي السرعات المقررة داخل و خارج المدينة
الإنتظار الخاطئ و ركن السيارة صف تاني
عرض للطباعة
تعدي السرعات المقررة داخل و خارج المدينة
الإنتظار الخاطئ و ركن السيارة صف تاني
انا استحالة اعمل اي حاجة من دول
إلا حاجة واحدة بس
لما يكون واحد راكن بعربية نص نقل ولا حاجة و بينزل بضاعة مثلا للمحل بتاعه و قافل الشارع
أو عربية زبالة واقفة بعرض الطريق عشان بتشيل زبالة من الشارع
في الحالتين دول بس
بكون مضطر اني أخطف غرزة عكس الاتجاه
بس مش بتكون كبيرة يا دوب حوالي 20 متر بس لحد ما الاقي حتة تانية اعدي منها للطريق بتاعي
مفيش حد بيعمل حاجة غلط خالص .
كلنا زى الفل . :S_thum1[1]:
ههههههههه
حلو الموضوع ده
علشان نحاول نصلح من نفسنا
عن نفسي ها أعترف أني دايمآ بمجرد ما بلاقي طريق مفتوح
بجري سؤاء بقا شارع رئيسي ولا جانبي موش فااارقة
بس أهم حاجة أني أكون مبسوط من غير ما أؤذي حد
وها أختار حتتة النور العالي بس موش دايمآ والله
للناس الرخمة بس وإللي غاااوي رزالة
بس من غير زينون موش ناقصه أعمييه ويلبس فياااا ده غير العداء بيني وبين المرور
لأ لأ لأ ...مش ممكن ... بقى معقول انا مبعملش حاجة خالص من دوووول ؟؟؟؟!!!!
انا بركن صف تانى لو هفضل فى العربية او فى حد من صحابي موجودين فى العربية ... غير كدا عمري ما اسيب العربية صف تانى وامشي ...
اخباري اية كدا؟
بلا فخر, انا اخترتهم كلهم تقريبا ما عدا استخدام النور العالى و عدم استخدام الأنوار,
و ذلك ليس فقط اختصارا للوقت و الجهد و لتعميم الفائدة الاقتصادية,
بل كحركة احتجاجية على قوانين المرور المضحكة الظالمة التى قد تضع اى منا فى غياهب السجن من أجل خطأ بسيط,
و سوف أظل أمارس احتجاجى حتى يتغير القانون, و كلما اختفى رجل المرور, سوف امارس جميع انواع المخالفات التى احتاجها بدون تهديد سلامتى و لا سلامة الأخرين.
اعتقد اننى سوف أصبح المطلوب الأول فى وقت قصير Most Wanted :36_6_3[1]:
تعدي السرعات المقررة داخل و خارج المدينة
التخطي من اليمين
إستخدام المحمول يدوياَ
دية بصراحة الحاجات الى انا بعملها
تعدى السرعات داخل و خارج المدينة و معظم التعدى ده بيكون لمواكبة السرعة العامة فى الطريق علشان غير كده حاتبقى حادثة أكيد
التخطى من اليمين فى حالة الناس اللى نايمة على روحها و سايقة بالبيجاما
مش دايما المحمول
انما باقى الحاجات ابدا
انا اخترت صف تانى لان ساعات ببقى عاوز اشترى حاجه مش هتاخد دقيقه وملاقيش ركنه لنص كيلو ادام وورا فبتخنق بسرعه واركن صف تانى
النور العالى ساعات بستخدمه لانى مبحبش استخدم الكلاكس فمينفعش مستخدمش الاتنين
الغرز والسرعات العاليه لما تكون معايا عربيه حلوه انما لو ب 128 بلتزم بالطريق :)
أنا بقى في حاجة بعملها بس ما لقيتهاش في الإختيارات! :C_laugh[1]:
ساعات كتير وأنا سايق بسيب مسافة كبيرة بيني وبين اللي قدامي (مع العلم إني ببقى ماشي بالسرعة الطبيعية)...عشان مش بحب ألزق فيه زي ما أغلب الناس بتعمل.....وطبعاً ده في كتير من المرات بيخللي اللي ورايا يتخنق مني ويروح معدّيني أو يفضل يضربلي كلاكسات :biggrin24: