هم يضحك وهم يبكى هاها هىء هىء

ياجماعه أنا حصلى موقف ينطبق عليه المثل ده كنت واقف بعربيتى فى إشاره فى مدينة نصر (واقف بالعربيه بكررها تانى واقف بالعربيه) وفجأه ألاقى ميني باص بتاع الشركات ده بيحود من جمبى وراح شايلى المرايه روحت مزمرله راح كاسر عليا أكتر قولت ده مخدش باله روحت طالع بالعربيه كده شويه لقدام وبصتله لقيته راجل كبير روحت إكتفيت بكلمة إيه ياعم مع كلاكس وقولت خلاص عوضك على الله وأفاجأ بالراجل يقولى إيه ...!!!!!
إنت مبتشوفش معندكش مرايات :B4_556: !!!!!
روحت طالع بالعربيه ومعرضها قدامه وقولتلوه نعـــــــــــــــــــــــ ــــــــــــم وروحت نازله :049: قول ماشافنى همد إيدى وأنزله من الشباك قالى أى إتلافات هعملهالك المهم إنت تكون سليم صراحه الكلمتين دول سبتونى وخصوصا إنه راجل كبير لو شاب ده أنا كونت ..... بس بعد كده قعدت أضحك مع إنى كنت :_Alshmokh08[1]: لو حد عنده موقف زى كده ياريت يبكينا ويضحكنا معاه


تم النقل بواسطتـــى

مشـرف كماليــات السيارات

مرة عربية 128 دخلت فيا من الجنب و نزلت لقيت راجل عجوز بيقولياسف ياابني قولتله مفيش حاجة يا حاج و كنت ماشي
مرة بقى كارو ماشي و دخل فيا من الجنب برضه بنزلاكلمه بيقولي الحمار هو اللي دخل فيك انا مالي
؟؟؟؟؟؟؟؟؟؟؟؟؟؟؟؟؟؟
طب اقوله ايه

تصرفك يدل على نبل اخلاقك
اسأل الله ان يعفوا عنك كما عفوت عنه وان يعفوا عنا انه ولى ذلك وهو على كل شئ قدير
انا كل يوم وانا سايق عربيتى بقابل كتير من الأنواع دى بس برجع والله قبل ما اتنرفذر:_Alshmokh08[1]: اقول لنفسى ماعلش انتا ماتعرفش ظروفه وانتا برده بتغلط سامحه علشان لما تغلط برده غيرك يستحملك
واقول برده لو احنا ما استحملناش بعض هانجيب اليهود يعنى يستحملونا
والله المستعان
وربنا يعافينا

فعلا ده بيحصل كتير ربنا يهدينا ويهديهم

اقتباس:

---

المشاركة الأصلية كتبت بواسطة crazylambada

مرة بقى كارو ماشي و دخل فيا من الجنب برضه بنزلاكلمه بيقولي الحمار هو اللي دخل فيك انا مالي
؟؟؟؟؟؟؟؟؟؟؟؟؟؟؟؟؟؟
طب اقوله ايه

---

يعني الحمار هو الللي سايق
امااال هو لزمتة اية حاجة تضحك والله

اقتباس:

---

المشاركة الأصلية كتبت بواسطة crazylambada

مرة عربية 128 دخلت فيا من الجنب و نزلت لقيت راجل عجوز بيقولياسف ياابني قولتله مفيش حاجة يا حاج و كنت ماشي
مرة بقى كارو ماشي و دخل فيا من الجنب برضه بنزلاكلمه بيقولي الحمار هو اللي دخل فيك انا مالي
؟؟؟؟؟؟؟؟؟؟؟؟؟؟؟؟؟؟
طب اقوله ايه

---

هي اية قصة الزقازيق .... انا من سنة كنت طالع من الزقازيق واخد الطريق الزراعي لمصر و عند بنزينة كالتكس العسكري و قف الطريق لا كان حد حولى لا قدام ولا وراء ولا يمين و لا شمال هووووووووو يا مان
و مرة واحدة عربية كاروة قامت طالع من المزلقان اللى على اليمين و عاملة امريكانى و الباش حمار قام واخد فانوس من عندي و انا مش مصدق ... ما هو انا مش حولى حد و واقف فى نص السكة .... نزلت قالى يا بية و الله ما أقصد دة الحمار اللي عملها و جري بسرعة ، جية العسكري و قاعدنا نبص لبعض عشان الطريق و قف و قالى طيب انت شايف نعمل اية دلوقت " دة الباش عسكري اللى بيسألنى انا " فقلت لة بمنتهى الصدق يا تسحب رخص الحمار يا تكلبش العربية ... تقدر تقول حادثة مسخرة .:C_laugh[1]:

؟؟؟؟؟؟
على كده لازم الحمار ياخد رخصة قيادة علشان العسكرى يبقى يسحبها منه

فعلا الكارو بالذات فوضى فوق الوصف وبدون أدنى تنظيم

هيه الكارو بس اللى فوضى اللى أنقح منها التكاتك أعوذ بالله من سواقين التكاتك أكيد مش كلهم طبعا

اقتباس:

---

المشاركة الأصلية كتبت بواسطة wasta

هيه الكارو بس اللى فوضى اللى أنقح منها التكاتك أعوذ بالله من سواقين التكاتك أكيد مش كلهم طبعا

---

بمناسبة التكاتك أخوي من شهر راكن عربيتة علي يسار الطريق و بعيد عن الاسفلت يجى متر ، و بعدين تك تك معدي السواق لقي واحد صاحبة قام موقف التك توك و نزل يسلم علية و هما بيتكلموا الباشا مش شادد فرامل اليد و لا يمكن اصلا ً التكاتك مفيهاش فرامل يد و بوووووم و معلش يااااااااااااا باشا و ......... اكمل النقط بباقي القصة التقليدية نهاية بعليها أقساط و فاتحة بيوت غلابة

كرة كرو دخل فى من الجنب دخلة جامدة و عملة بهدلة فى العربية و انا واقف و كسرلى الاريل اول منزلت الراجل بيقولى الحمار كسرتلى رجل الحمار
طبعا انا اتحولت و مسكت الراجل عجنتة و قفشت ف دماغى اخد البطيخ الى معاة ههههههه بس للاسف كان اخر اليوم و البطيخ كلة وحش قولت خلاص هاخد الحمار و قفشت معاى و هاخد الحمار ابو رجل مكسورة هههههههه و بعدين الناس نزلت و كترت ياعم حلرام عليك ياعم دة عربجى كل راس مالة الحمار (طبعا الناس مشافتش الموقف من الاول و العربجى جاى عايز يضربنى و بيقل ادبة عربجى بقى و اية عايز ياخد منى فلوس عشان يعالج الحمار )و ف الاخر سيبتة و خلاص منغير كاخد منة حاجة للاسف هههههه..
مرة تانية راجل عجوز وقف مرة واحدة ف ملف و انا وراة طبعا دخلت فية بس الحمد لله بسيطة لا و اية بيقولى انت مش شايف اة انا واقف هههه قولتلو اسف يا حج و مشيت
ولله انا فى العادة هادى خالص بس موقف الكرو دة عصبنى جدا جدا و خصوصا العربية كان بقالها اسبوع و كنت جايب حجات و رايح للكهربائى عشان اركبها ...
ربنا يسترها معانا جميعا ..

اقتباس:

---

المشاركة الأصلية كتبت بواسطة crazylambada

مرة بقى كارو ماشي و دخل فيا من الجنب برضه بنزلاكلمه بيقولي الحمار هو اللي دخل فيك انا مالي
؟؟؟؟؟؟؟؟؟؟؟؟؟؟؟؟؟؟
طب اقوله ايه

---

***
:44:قول له عيب عليك تبقي معاة وتسيبوا يسوق:44:

الحق فعلا على الحمار كنت مستنى منه ايه!!!!!!!!!!!!!!!!!!!
ماهو انت ماخدتش بالك انه الحمار هو اللى سايق

هههههههههههههههههههههه
ردود فعلالحمارجامدة جدا
و بقوليلزميلي اللي اتعرض لنفسالموقف
لما جري كنت تجري وراه بعربيتك
الموضوع ده عملتهبسمع عربية تانية كان حيشيلني نصالعربية و انامتعود
على الحاجات دي بس اختي اصيبت بهستريا بسببالموضوع
و شديت معاه فين بقى في شارع القومية و كنت مقفل عليه السكة
و اخد اللي فيه النصيب
مرة بقى كنت فيالقاهرة في جسر السويس
و عربية نصنقل كانت داخلة فيتاكسي كانت داخلة فيا
الطريق كان واقف
فكنت حروح امسك بتاع نص النقل
لقيت بتاع التاكسي عمل الواجبكله و زيادة حبتين

بتوع الكارو دول محتاجين الحرق رغم انهم بيصعبو عليا بس بجد طبقة غريبة والعربيات الكارو ماشة تجرح فى العربيات الجديدة
بس بجد فيه ناس معندهاش دم وتقولك انك انت اللى غلطان
يلا بلد العجايب

اقتباس:

---

المشاركة الأصلية كتبت بواسطة Dr Ahmed

؟؟؟؟؟؟
على كده لازم الحمار ياخد رخصة قيادة علشان العسكرى يبقى يسحبها منه

فعلا الكارو بالذات فوضى فوق الوصف وبدون أدنى تنظيم

---

دكتور احمد
تحياتي
أرجو ان تدلني كيف كتبت كلمات القران الكريم بهذا التشكيل
بارك الله فيك و جزاك خيرا
اسمح لي ان اطلب المراسلة علي E-MAIL
شكرا

انا اللي كنت مرة سايق وكنت مستعجل شوية وكنت باخد غرز بس على السرعه المعقولة طبعا و فجاه اخدت غرزه لقيت كارو في نص الطريق واقف وبيشرب الحمار نزلت بقوله ايه ده يا عم ... قالي الحمار عطشان بلاش اشربة يعني ؟ ... قولتله بقه كلام من المنقى انت واهلك والحمار وكان عيل بتاع 22 سنه كده بس الحمد لله كلته علقه انا واللي في الشارع عجنته لما بقى بينهق زي الحمار العطشان والله حاجه تخنق بحس انه حمار سايق حمار

والله ياجماعه أنتو ظالمين الحمار أخر ظلم
أنا فمره بقى ماشى فى الشارع وقابلنى كارو المهم أنا مسكت اليمين لقيت الحمار لوحدو راح ناحيه الشمال والعربجى قعد يضرب فيه عشان يجى فى اليمين يعنى الحمار عمل الصح والعربجى بيزقو على الغلط طلعت من الشباك وقلتلو والله المفروض هو الى يقعد مكانك ويسوقك

فداك يا باشا,,,,,,,,,,,,,,,

هههههههههههههههه
انا من كتر المواقف الي بتحصل معايه مش هقدر احكيها
الله المستعان

اقتباس:

---

المشاركة الأصلية كتبت بواسطة momomero

والله ياجماعه أنتو ظالمين الحمار أخر ظلم
أنا فمره بقى ماشى فى الشارع وقابلنى كارو المهم أنا مسكت اليمين لقيت الحمار لوحدو راح ناحيه الشمال والعربجى قعد يضرب فيه عشان يجى فى اليمين يعنى الحمار عمل الصح والعربجى بيزقو على الغلط طلعت من الشباك وقلتلو والله المفروض هو الى يقعد مكانك ويسوقك

---

انت بتقول فيها ..
طب ايه رأيك ان القطط و الكلاب بتعدي الشارع أحسن من كتير من الناس ..

اى تلفيات هيعملهالك طيب وليه الاتلافات من الاول يعنى لو كانت جت فى حاجة كبيرة كان هيبقا ايه الحل

حصل خير ... يمكن الراجل مخدش باله ...

هما بتوع الكارو دول اساسا مافيش اى حل ليهم
بتحس اساسا انهم مش بيفهمو نهائى
وعشرتهم للحمير اثرت فيهم
انا مره واحد بعربيه كارو دهسلى الرفرف
وبصراحه ماعرفتش اتصرف اى تصرف معاه
وهو لا مبالاه

انت عارف المصرى مبيغلطش ومبيشوفش

ديه مبادئ التربية