هم يضحك وهم يبكى هاها هىء هىء

**wasta** · 28-02-2009 03:10 PM

ياجماعه أنا حصلى موقف ينطبق عليه المثل ده كنت واقف بعربيتى فى إشاره فى مدينة نصر (واقف بالعربيه بكررها تانى واقف بالعربيه) وفجأه ألاقى ميني باص بتاع الشركات ده بيحود من جمبى وراح شايلى المرايه روحت مزمرله راح كاسر عليا أكتر قولت ده مخدش باله روحت طالع بالعربيه كده شويه لقدام وبصتله لقيته راجل كبير روحت إكتفيت بكلمة إيه ياعم مع كلاكس وقولت خلاص عوضك على الله وأفاجأ بالراجل يقولى إيه ...!!!!!
إنت مبتشوفش معندكش مرايات !!!!!
روحت طالع بالعربيه ومعرضها قدامه وقولتلوه نعـــــــــــــــــــــــ ــــــــــــم وروحت نازله قول ماشافنى همد إيدى وأنزله من الشباك قالى أى إتلافات هعملهالك المهم إنت تكون سليم صراحه الكلمتين دول سبتونى وخصوصا إنه راجل كبير لو شاب ده أنا كونت ..... بس بعد كده قعدت أضحك مع إنى كنت لو حد عنده موقف زى كده ياريت يبكينا ويضحكنا معاه

تم النقل بواسطتـــى

مشـرف كماليــات السيارات

**crazylambada** · 28-02-2009 05:45 PM

مرة عربية 128 دخلت فيا من الجنب و نزلت لقيت راجل عجوز بيقولياسف ياابني قولتله مفيش حاجة يا حاج و كنت ماشي
مرة بقى كارو ماشي و دخل فيا من الجنب برضه بنزلاكلمه بيقولي الحمار هو اللي دخل فيك انا مالي
؟؟؟؟؟؟؟؟؟؟؟؟؟؟؟؟؟؟
طب اقوله ايه

**aboezz44** · 01-03-2009 12:45 AM

تصرفك يدل على نبل اخلاقك
اسأل الله ان يعفوا عنك كما عفوت عنه وان يعفوا عنا انه ولى ذلك وهو على كل شئ قدير
انا كل يوم وانا سايق عربيتى بقابل كتير من الأنواع دى بس برجع والله قبل ما اتنرفذر اقول لنفسى ماعلش انتا ماتعرفش ظروفه وانتا برده بتغلط سامحه علشان لما تغلط برده غيرك يستحملك
واقول برده لو احنا ما استحملناش بعض هانجيب اليهود يعنى يستحملونا
والله المستعان
وربنا يعافينا

**أشرف فتحى** · 01-03-2009 12:51 AM

فعلا ده بيحصل كتير ربنا يهدينا ويهديهم

**magyver** · 01-03-2009 01:28 AM

المشاركة الأصلية كتبت بواسطة crazylambada

مرة بقى كارو ماشي و دخل فيا من الجنب برضه بنزلاكلمه بيقولي الحمار هو اللي دخل فيك انا مالي
؟؟؟؟؟؟؟؟؟؟؟؟؟؟؟؟؟؟
طب اقوله ايه

يعني الحمار هو الللي سايق
امااال هو لزمتة اية حاجة تضحك والله

**shrifelmasry** · 03-03-2009 07:11 AM

المشاركة الأصلية كتبت بواسطة crazylambada

مرة عربية 128 دخلت فيا من الجنب و نزلت لقيت راجل عجوز بيقولياسف ياابني قولتله مفيش حاجة يا حاج و كنت ماشي
مرة بقى كارو ماشي و دخل فيا من الجنب برضه بنزلاكلمه بيقولي الحمار هو اللي دخل فيك انا مالي
؟؟؟؟؟؟؟؟؟؟؟؟؟؟؟؟؟؟
طب اقوله ايه

هي اية قصة الزقازيق .... انا من سنة كنت طالع من الزقازيق واخد الطريق الزراعي لمصر و عند بنزينة كالتكس العسكري و قف الطريق لا كان حد حولى لا قدام ولا وراء ولا يمين و لا شمال هووووووووو يا مان
و مرة واحدة عربية كاروة قامت طالع من المزلقان اللى على اليمين و عاملة امريكانى و الباش حمار قام واخد فانوس من عندي و انا مش مصدق ... ما هو انا مش حولى حد و واقف فى نص السكة .... نزلت قالى يا بية و الله ما أقصد دة الحمار اللي عملها و جري بسرعة ، جية العسكري و قاعدنا نبص لبعض عشان الطريق و قف و قالى طيب انت شايف نعمل اية دلوقت " دة الباش عسكري اللى بيسألنى انا " فقلت لة بمنتهى الصدق يا تسحب رخص الحمار يا تكلبش العربية ... تقدر تقول حادثة مسخرة .

**Dr Ahmed** · 03-03-2009 08:45 AM

؟؟؟؟؟؟
على كده لازم الحمار ياخد رخصة قيادة علشان العسكرى يبقى يسحبها منه

فعلا الكارو بالذات فوضى فوق الوصف وبدون أدنى تنظيم

**wasta** · 03-03-2009 11:36 AM

هيه الكارو بس اللى فوضى اللى أنقح منها التكاتك أعوذ بالله من سواقين التكاتك أكيد مش كلهم طبعا

**shrifelmasry** · 03-03-2009 12:16 PM

المشاركة الأصلية كتبت بواسطة wasta

هيه الكارو بس اللى فوضى اللى أنقح منها التكاتك أعوذ بالله من سواقين التكاتك أكيد مش كلهم طبعا

بمناسبة التكاتك أخوي من شهر راكن عربيتة علي يسار الطريق و بعيد عن الاسفلت يجى متر ، و بعدين تك تك معدي السواق لقي واحد صاحبة قام موقف التك توك و نزل يسلم علية و هما بيتكلموا الباشا مش شادد فرامل اليد و لا يمكن اصلا ً التكاتك مفيهاش فرامل يد و بوووووم و معلش يااااااااااااا باشا و ......... اكمل النقط بباقي القصة التقليدية نهاية بعليها أقساط و فاتحة بيوت غلابة

**max_ziro** · 03-03-2009 05:54 PM

كرة كرو دخل فى من الجنب دخلة جامدة و عملة بهدلة فى العربية و انا واقف و كسرلى الاريل اول منزلت الراجل بيقولى الحمار كسرتلى رجل الحمار
طبعا انا اتحولت و مسكت الراجل عجنتة و قفشت ف دماغى اخد البطيخ الى معاة ههههههه بس للاسف كان اخر اليوم و البطيخ كلة وحش قولت خلاص هاخد الحمار و قفشت معاى و هاخد الحمار ابو رجل مكسورة هههههههه و بعدين الناس نزلت و كترت ياعم حلرام عليك ياعم دة عربجى كل راس مالة الحمار (طبعا الناس مشافتش الموقف من الاول و العربجى جاى عايز يضربنى و بيقل ادبة عربجى بقى و اية عايز ياخد منى فلوس عشان يعالج الحمار )و ف الاخر سيبتة و خلاص منغير كاخد منة حاجة للاسف هههههه..
مرة تانية راجل عجوز وقف مرة واحدة ف ملف و انا وراة طبعا دخلت فية بس الحمد لله بسيطة لا و اية بيقولى انت مش شايف اة انا واقف هههه قولتلو اسف يا حج و مشيت
ولله انا فى العادة هادى خالص بس موقف الكرو دة عصبنى جدا جدا و خصوصا العربية كان بقالها اسبوع و كنت جايب حجات و رايح للكهربائى عشان اركبها ...
ربنا يسترها معانا جميعا ..

الموضوع: هم يضحك وهم يبكى هاها هىء هىء

LinkBack

أدوات الموضوع

عرض

-

-

-

-

-

المواضيع المتشابهه

هم يضحك وهم يبكى.معركة الجلابية وصلت انجلترا

اسباب الانتفاضة - هم يضحك وهم يبكى

هم يبكى وهم يضحك

هم يبكى وهم يضحك

الكلمات الدلالية لهذا الموضوع

المفضلات

المفضلات

ضوابط المشاركة