المنطقة الحرة

**cpt_shawky** · 31-08-2007 06:04 PM

أحد أصدقائي أخبرنى انه سيقوم بشراء سيارة من بورسعيد واخبرته ان هذا الموضوع له مشاكل كثيرة لانه السيارة ستصبح منطقة حرة فاخبرنى انه التجديد يكون كل ثلاثة شهور وانه ينتظر مثل الكثيرون انتهاء المنطقة الحرة فيناير 2009 وبالتالى ستصبح السيارة ملاكى بدون اى مشاكل هل صحيح هذه المعلومات واذا كانت كذلك لماذا لا نشترى سيارات مستعملة من هناك مع دفع جماركها وبالتالى تكون سيارة مستعملة بسعر اعلى من المتاح فالاسواق هنا؟؟؟؟؟......أرجو الأفادة من كل الأخوة الذين لديهم معلومات حقيقية وليس عن سمع

**Abdallah** · 31-08-2007 06:17 PM

أولا: سيارة المنطقة الحرة اولا غير خالصة الجمارك وتعتمد على دفتر مثل دفتر التربتيك ولها مدة خروج خارج المنطقة الحرة بحد اقصى ثلاث شهور فى السنة من تاريخ تسجيلك للسيارة ولا يقودها الا مالكها او احد افراد عائلته ( الزوج - الزوجة - الاولاد فوق الثامنة عشر ) ولا تستطيع شرائها الا اذا كنت من مواليد بورسعيد ومقيم بها لمدة 10 سنوات على الأقل.

ثانيا : لو حضرتك اتمسكت فى لجنة من غير دفتر او العربية مش بأسمك ولا بأسم مراتك العربية هتتسحب منك وبتدفع غرامة 1/3 ضريبة لكى تسترد العربية والمرة التانية بتدفع 2/3 ضريبة والمرة الثالثة والاخيرة بتدفع الضريبة كاملة وتتاخد منك العربية نهائى.

ثالثا: مين قال ان عربيات المنطقة الحرة هتبقى ملاكى ؟؟؟
حتى الان مفيش اى معلومات اذا كانت المنطقة الحرة هتتمد ولا هتنتهى فعلا بأنتهاء سنة 2007 ومفيش معلومات برضة عن الى هيعموله معانا بمعنى اذا كانوا هيخلونا نسدد جمارك السيارات ولا هيعملوا زى ما حصل فى العريش بعد حرب 73 وتبقى ملاكى مع حظر البيع إلا فى بورسعيد, الله اعلم.

طبعا المعلومات الى بقولهالك كلها موثوق فيها نظرا لأنى مقيم فى بورسعيد وعندى سيار ة منطقة حرة بورسعيد :)

**cpt_shawky** · 31-08-2007 06:22 PM

طيب انا فمرة زرت بورسعيد لقيت سيارات بلوحة منطقة حرة بورسعيد وسيارات تانية بلوحة ملاكى بورسعيد فلو افترضنا ان حضرتك اشتريت سيارة مستعملة من هناك بما انك مقيم هناك وسددت جماركها كده اصبحت ملاكى هل لحظتها ممكن تبعهالى وتبقا ملاكى القاهرة ؟ لأن هو ده السيناريو اللى صديقى ناوى يعمله

**Ahmed Hassan** · 31-08-2007 06:27 PM

المنطقه الحره لا يمكن تخليص جماركها الا اذا كانت مشتراه على الزيرو.. و انت مالكها الأول.. و في الحاله دي هتكون التكلفه اعلى من لو جبتها خالصه الجمارك من البدايه :mrgreen:

**cpt_shawky** · 31-08-2007 06:31 PM

وضاع الحلم......ههههههههه...تمام كده بس ازاى شفت سيارات معلقة ملاكى بورسعيد:lol:

**hero** · 31-08-2007 07:30 PM

دة لان انت لو لشتريت سيارة من الزيرو في بورسعيد بترخصها ملاكي زي اي محافظة.....ولو عايز تستورد سيارة وماتدفعش جماركها...بترخصها منطقه حرة....
والله اعلم

**oshy** · 01-09-2007 06:20 AM

متحاولش فى حوار بورسعيد عشان ده حوار فاشل أنا و والدى قبل ما اشترى الأرجنتا اللى معايا نزلنا بورسعيد عشان كام عربيه فى دماغى سألنا على الطرق حتى عربيات المعاقين مافيش فايده :( :( :(