الموضوع: ايه الفرق بين الإيزيترونك والتيبترونك ؟؟

المشاركة الأصلية كتبت بواسطة فادى

فى علبة تويوتا, كانت أغبى ما يمكن, و كانت تغير النقلات بمزاجها تماما و لم استطع أن أستنبط لماذا تم تغيير النقلة فى هذا التوقيت بالضبط!

التويوتا ليها 3 اوضاع فى الفتيس
1- المانيوال عن + او - وطبعاً مفهوش مشكلة زى الفل شد زى ما انت عايز بتسوق مانيوال وبتدى وا تنزل نقلة + او - من الفتيس او من دراعات خلف الدركسيون
2- الوضع ES وهو Easy Sport
وضع سواقة رياضية ويعطى عزم وقوة رائعة للعربية وينقل الغيارات على ار بى ام عالى

3- الوضع E الاقتصادى يسمى Easy او Economical ودة زى الاتوماتيك ويتم النقل الغيارات عن طريق الضغط على دواسة البنزين
يعنى لو انا على الاول وعايز اجيب تانى ارفع رجلى سنة بسيطة من دواسة البنزين وادوس بنزين تاخد الغيار الثانى على طول وهكذا
اما لو مشلتش رجلى من على دواسة البنزين وفضلت ديس العربية تفضل على الاول ويتطلع ار بى ام جامد وصت الموتور يعلى اوى
يعنى كانك بتسوق عربية مانيوال وجيب الاول وديس بنزين هتفضل تحرق على الغيار الاول

طبعاً لو دوست فرامل الكمبيوتر يشوف السرعة اللى عربية عليها ويجب الغيار المظبوط على السرعة دية

على فكرة ممكن من عاتلات (دراعات) الدركسيون + او - تنزل او تزود الغيارات زى من انت عايز

الوضع E يستخدم داخل البلد فى سرعات متغيرة ويوفر جداً فى البنزين ويعطى ميزة قريبة من سواقة الاتوماتيك

الناس اللى عندة مشكلة مع الفتيس بتكون على الوضع E لسببين :
1- الضغط بشدة على دواسة البنزين فالعربية تحرق على الغيار كانهم بيسوقوا عربية اتوماتيك عادية ومتوقعة انها تنقل لوحدها ويقول العربية مشمخنوقة وصوت الموتور عالى !
2- الضغط المتقطع على دواسة البنزين فالفتيس ياخد كذا غيار على سرعات منخفضة ويقول العربية مش بتسحب خالص !

الخلاصة من وجهة نظرى المتواضعة
فتيس جديد ومحتاج وقت للتعود وفعلاً كان عندنا مشاكل معاه او ما جبنا العربية ودة لعدم فهم الفتيس بس اما تعودنا وفهمنا الفتيس كويس اقدر اقولك الفتيس رائع رائع ما شاء الله ولو هجيب عربية فى المستقبل ان شاء الله لازم يكون ايزى ترونيك برضة

موضوع اكثر من رائع