بص ياباشا هو السيستم ده اساسه اساسه اتعمل للعربيات الهاي بيرفورمانس زي الفيراري ..........قصدي انه كان هدفه الاساسي الاداء العالي وسرعة النقلات والعربيات الرياضية تركيزها الاساسي في تحقيق اداء أعلي مع قدر معقول من الراحة.......أداء أعلي =راحة أقل........لما نزلوه السيستم في العربيات الصالون علي حد علمي اول حاجة نزل فيها كان في الالفا روميو(سيلسبيد )وكانت معايا لغاية من سنه فاتت خليتني أجباري فهمت السيستم عن ظهر قلب هههههه..........عموما علشان ماطولش عليك عايز تطول عمر السيستم ماتقرص علي الموتور يعني ماتوصلوش لأر بي أم عالي وهي النقلات هاتبقي خفيفة علي الأسطوانة ومكونات الفتيس بصفة عامة لأن هناك تناسب طردي مابين الأر بي أم وسرعة النقلات وعنفها وأحساسك بها......نقطة انك تشيل رجلك في النقلات عكس الهدف من السيستم وهو سرعة النقلات بدون اي خسارة في الثواني بسبب النقلات.......عايز تنقل بدري وبخفية يبقي ماترفعش الأر بي أم........تمام كده ولو فيه حاجة غامضة في السيستم أأمر