أنا أعرف واحد كان معايا فى شغلى القديم معاه رينو كليو موديل 2002 كانت عاملة لحد السنة إللى فاتت فوق 250 الف كم و كانت التها زى الفل
عرض للطباعة
سبحان الله انا كلمت الرجل بتاع الاعلان ده فعلا قبل ما اتفق اني اروح اكشف علي ال 2006 وطلع معرض وديه لوحدها سدت نفسي لان كان لي تجربة مع بتاع معرض قبل كده قال علي حاجة وبعض لما روحتله اخر الدنيا طلعت حاجه تانبة خالص! وبعدين قالي انها الشكل القديم مش عارف ازاي وهي 2007؟؟ وان فيها شرخ بسيط في الزجاج القدام وكسر في الفانوس الي ورا ومفيش مثبت سرعة فقلقت وانا اصلا مش عاوز اتعامل مع معارض
تقريبا والله اعلم دايما المعارض عندهم عربيات لقطه يعني عاملة 10-20 الف وسعرها اقل من المتوسط!! مش عارف ازاي !! ففي الغالب بيبقي فيها حاجة غلط
انا دلوقتي( زي احد الاعضاء هنا مكان كاتب )في فرع العبور ومستني الكشف الهلامي ده يارب استفيد منه بحاجة لان انا صبري للاسف قصير وقررت اني اخلص وخلاص بس المهم ميكنش فيه مشاكل كبيرة يا رب لان ديه اول تجربة شراء عربية لي وبصراحة قلقان موت
سلام
أولاً ربنا معاك
ثانياً تابعنا أول بأول و قولنا أيه الأخبار..........و أصبر الموضوع هيطول شوية.
اولا شكرا علي اهتمامك
ثانيا الحمد لله التقرير طلع كويس انا كان اهم حاجة عندي ان الموتور والكهرباء يطلعو تمام لكن كالعادة طبعا في العفشة بيطلعوا كل حاجة بايظة لدرجة انه كاتب (طقم جنوط +طقم كاوتش) مع ان شكل الكاوتش حالته كويسة والجنوط علي الاقل مش ظاهر فيها مشاكل وفي التقرير شوية حاجات تانية عاوز ابقي استشيركم فيها بالتفصيل
بس دلوقتي بما اني ان شاء الله ناوي اخلص كنت عاوز اسال عن ايه الحاجات المفروض استلمها مع او في العربية؟؟ خصوصا كارت التشغيل مش عارف كنت قريت فين ان المفروض معاه مفتاح عشان الباب في الطوارئ وكده يا تري ده صحيح؟؟؟ يا ريت حد يوضح ايه بالضبط الحاجات اللي اتاكد اني استلمها مع العربية
شكرا
1- عدد 2 كارت تشغيل ( كل كارت هتلاقى فيه جزء بيتفك و يطلع منه المفتاح )
2- كتالوجات العربية والكاسيت وكتيب الصيانة
3- مفتاح العجل
4- مفك صليبة
5- أستبن
6- أريال السقف
7- طفاية سجاير
8- ولاعة سجاير
ألف مبروك و ربنا يبعد عنك شرها
:verygood:لو المكان قريب من مصر الجديدة أنا مستعد أجيلك و نتمم سوا على كل حاجة