-
العربية ولعت
موقف غريب و رزل حصلي من ساعتين بالظبط
و أنا بقفل العربية خلاص و بركن المطر ابتدا مرة واحدة بغزارة فقفلت العربية بالسنتر ومشيت خطوتين بعيد عن العربية فلاحظت نور من ورايا ببص على العربية لاقيت الكابينة كلها دخان و منورة جريت على العربية و فتحت الباب بالريموت ببص لاقيت نار من تحت التابلوة تحت الدركسيون أنا أصابني الرعب و مكنتش شايف من الدخان مدييت ايدي تحت الكرسي جبت الطفاية و المفاجأة ( الطفاية مش شغالة :Copy of majd(4):
أنا دايما بعين فوط صفراء تحت الكرسي عشان أمسح بيها العربية مديت ايدي تحت الكرسي جبتها و قعدت أكبس بيها على النار بعد ملفييت واحدة على ايدي و كنت بطفي بالأتنين التانيين ( الحمد لله الناربدأت تهدى لوحديها:_Alshmokh22[1]:) و قدرت أشوف المصدر كان مجموعة سلوك تحت التابلوه و بعد ما ساحو النار بدأت تطفى لواحديها. فتحت الكبوت بسرعة و قمت شادد كابل البطارية كان أخويا شاف الموقف من البلكونة و نزل يجري يساعدني بعد ما سمع الأنذار عمال يضرب.
أنا أعصابي سايبة لحد دلوقت و الله . هدور على كهربائي أشوف هيقوللي ايه اللي حصل
-
قدر الله و ما شاء فعل
بس هوة العربية اية ؟
-
-
قدر الله و ما شاء فعل
الحمد لله إنك مكنتش جوا العربية ساعتها
غالبا حيكون السبب إن عوازل الأسلاك دى تدهورت و عمرها الإفتراضى خلص فممكن و أنت نازل خبطها قربوا من بعض عملوا شرارة سبب الحكاية دى " أنا شوفت اسلاك بتعمل كدا بتطلع شرارة كان سلك السماعة بتاعت الكمبيوتر بقاله 7 سنين فالعازل كان منهار "
-
قدر الله وما شاء فعل وإن شاء الله سليمة
-
كويس ان الموضوع حصل قدامك
و لحقت عربيتك
الحمد لله على كل حاجة
-
-
الحمد لله انك سليم
قدر الله و مشاء فعل
-
-
متشكرجدا . أنا عندي سؤال , دلوقت هل أقدر أدور العربية و أطلع بيها و لا ايه . يعني أشوف السلوك المحروقة و أعزلها عن بعضها بلازق و أوصل البطارية و أدور العربية . ممكن يحصل حريق تاني ؟؟؟؟؟؟
نصيحة يا جماعة افحصوا طفايات الحريق كويس و أتأكدوا أنها شغالة أنا ان شاء الله أول حاجة هصلحها الطفاية . أنا كنت عاينها في شنطة العربية لحد ما واحد من يوميين قاللي خللي بالك حط الطفاية تحت الكرسي بتاعك دايما عشان تقدر تطلعها بسرعة في أي وقت ( معرفتش قيمة النصيحة دي و قيمة الطفاية أصلا الا لما حصل الموقف ده).
Content Relevant URLs by
vBSEO 3.6.0 PL2