الموضوع: عزل الماروتى

للأسف سئ جدا ,, انا كنت فى مره ركنتها فى الشمس و بعدها بحوالى نص ساعه او ساعه كنت معدى جمبها قلت اركنها فى الضله

فعلا لما دخلت بدماغى حسيت انى نازل فى حله ميه سخنه بدون مبالغه ! بس الحق يتقال فتحت الشباك و شغلت المروحه ع البارد على اعلى حاجه لحد ما ركنتها ( حوالى نص دقيقه ) و كانت قصه السخونه دى قلت للنص تقريبا ,, يعنى ممكن نكبرلها

حوار التكييف ده ناس كتير بتقول ينفع على اساس العربيات ال800 سى سى اللى راكبلها ,, وناس تقول هياثر لأنه مش نازل معاها و مش متظبط

اعتقد قصه التكييف دى لسه محدش وصل لقول فصل فيها لحد دلوقتى

المشاركة الأصلية كتبت بواسطة m7nsh

للأسف سئ جدا ,, انا كنت فى مره ركنتها فى الشمس و بعدها بحوالى نص ساعه او ساعه كنت معدى جمبها قلت اركنها فى الضله

فعلا لما دخلت بدماغى حسيت انى نازل فى حله ميه سخنه بدون مبالغه ! بس الحق يتقال فتحت الشباك و شغلت المروحه ع البارد على اعلى حاجه لحد ما ركنتها ( حوالى نص دقيقه ) و كانت قصه السخونه دى قلت للنص تقريبا ,, يعنى ممكن نكبرلها

حوار التكييف ده ناس كتير بتقول ينفع على اساس العربيات ال800 سى سى اللى راكبلها ,, وناس تقول هياثر لأنه مش نازل معاها و مش متظبط

اعتقد قصه التكييف دى لسه محدش وصل لقول فصل فيها لحد دلوقتى

يا باشا يركبلها طبعا تكييف و هى اصلا فى الهند بتنزل بتكييف.
انا كنت مركب تكييف على دايهاتسوا ميرا 97 كانت 850 سى سى و 3 اسطوانات... بس المشكلة ان سحب العربيه هيضعف اوى لكن ممكن تعوضه شوية بالحرق و طبعا ملوش اى تأثير على المحرك نهائيا................. و مفيش حاجه اسمها ميستحملش لان ده تكييف مجرد سير بياخد قدره من المحرك مش تيربو مثلا.

المشاركة الأصلية كتبت بواسطة m7nsh

طب والله اخبار ممتازه ,, ممكن تقولنا السحب قل بنسبه كام فى الميه تقريبا ؟ و ياترى ممكن يتعوض ببنزين 90 ( اصل فرق السحب بين 80 و 90 فى الماروتى السما و الأرض بس انا بحط 80 برده :)) ولا ايه ؟

و ياريت تقولنا برده متطلبات الحوار ده و يتكلف كام بالتقريب و فين وتبقى عملت جميله شديده فى كل الماروتيه الحرانين :)

السحب ممكن اقولك قل حوالى 50% و للاسف العربيه اتباعت من كام سنه و سقت عربيات اقوى فحكمى مش هيكون صحيح اوى فى موضوع السحب.. لكن العيوب الواضحه جدا هى ان العربيه بتتقل جدا و انت طالع على الاول.
و العربيه اصلا من غير تكييف كانت كويسه على الاول و التانى طياره و لحد التالت كانت كويسه بس التالت فى المطالع مش قوى اوى اما الرابع و الخامس فسحبهم كان ضعيف اصلا (حتى بدون تكييف) لكن مع تشغيل التكييف العربيه سحبها هيبقى اضعف لكن ممكن تعوضه بأنك تقرص فى الغيار شويه و برده استهلاك البنزين مش هيبقى وحش اوى.
لكن انا هقولك على عيب فى التكييف المتركب ان برودة الهواء مش عاليه اوى لكن طبعا بروده عاليه او واطيه ارحم من انك تتشوى فى الحر و تكره نفسك و العربية.
و اكتر المشاكل اللى ممكن تقابلك فى تركيب التكييف انك تلاقى سربنتينه نضيفه.. لان الموضوع كله كومبرسور و سربنتينه و فريون R134a و التوصيلات.................

انا كنت مركبه بحوالى 2700-3000 عند واحد اسمه علاء فى الحى السابع بس الكلام ده من سنة 2000 يمكن و اعتقد انه لسه شغاااال و بشوف قدامه عربيات كتيير ماركات متنوعه و فخمه.

لكن انا لى زميل شغال فى الموضوع ده و ليه خبره جامده جدا فى تكييفات العربيات و الاتوبيسات و التكييفات المنزليه و بيشتغل بأيده و هو مهندس ميكانيكا قوى و شخص محترم جدا. هسأله بكره و هشوف رأيه و لو هينفع هقولك ممكن يتكلف فى حدود كام علشان لو هتركب بره ميتضحكش عليك.

المشاركة الأصلية كتبت بواسطة m7nsh

لا أملك إلا أن أقول جزاك الله خيرا

ومعاك جدا فى كل الكلام اللى قلته ,, بس معلش بقى شكلك نسيت الماروتى و أيامها
لأنها اصلا مفيهاش خامس هههه هى 4 غيارات (بهزر معاك طبعا )

اوقات ونا ماشى بروح دايس دبرياج ال يعنى هجيب الغيار اللى بعده و اكتشف انى ماشى ع الرابع :10D5C8~1107:

بس كده بجد تبقى كملت جميلك معانا و مستنيين لما تقول للباشمهندس

تقبل خالص تحياتى

اه انت 4 نقلات انا مش فاكر اصل انا عربيتى كانت 5 علشان دايهاتسو ميرا مش ماروتى. و ان شاء الله اكمل جميلى بكره.

هو طلع مش بيركب لكن بيعمل صيانة و اصلاح فقط.. لكن يعرف واحد كويس فى المعادى و انا عارف واحد فى الحى السابع فى مدينة نصر اللى كنت مركب عنده.
بالنسبة للتكلفة قالى هتبقى من 2800-3000 جنيه زى ما قلتلك و خلى بالك علشان هما ما بيصدقوا يلاقوا زباين و يعملوا مصالح عليهم. و الله الموفق