مركز صيانة محترم والله ( أولاد مقار)

**abdelaziz-waleed** · 11-01-2009 01:56 AM

المشاركة الأصلية كتبت بواسطة Ahmad Allawy

تمام يا باشا تسلم ايدك..
المهندس مصطفي ده اللي هو الطويل الاصلع شوية ده صح..؟؟
ده معاه حتة كورسا 97 ..

ما شاء الله عليها ربنا يباركله فيها و يحفظهاله..
لونها نحاسي كده.. جديدة تقريبا.. ماشية 65 الف كم..
ما شاء اله تبارك الله

معلش. الكورسا بتحن بقي..

هو فعلا يا علاوي
شخصية محترمة جدا ولما بتكون المصنعية تقيلة شوية
بروحله بيعملي خصم 10% على المصنعيات فقط مش قطع الغيار
ربنا يستر على عربية الراجل لو حصل فيها حاجة هاقوله

**Mustafa_Farouk** · 11-01-2009 09:29 AM

المشاركة الأصلية كتبت بواسطة Ahmad Allawy

مصنعيه ايه بالظبط يا مصطفي..
ماهو علي حسب الحاجة اللي انت هتعملها..
يعني بيتهيألي لازم تروح هناك و تسأل..
و الميزة انهم شغالين جمعه و سبت..
اجازتهم الحد بس..

السلام عليكم،

أنا بس عايز أفهم في حدود كام ؟؟ يعني في اوتو ماستر أي حاجة بتعملها في الصيانات الدوريه، بتكون في مصنعية ١٥٠ جنيه مصري، عشان كدة كنت عايز أعرف هناك بتكون في حدود كام؟ خصوصاً أنا قربت أعمل صيانة ال ٥٠ .

**abdelaziz-waleed** · 11-01-2009 10:05 PM

المشاركة الأصلية كتبت بواسطة Moustafa_Farouk

السلام عليكم،

أنا بس عايز أفهم في حدود كام ؟؟ يعني في اوتو ماستر أي حاجة بتعملها في الصيانات الدوريه، بتكون في مصنعية ١٥٠ جنيه مصري، عشان كدة كنت عايز أعرف هناك بتكون في حدود كام؟ خصوصاً أنا قربت أعمل صيانة ال ٥٠ .

حبيب قلبي مصطفى باشا
تكلفة الصيانة الدورية 180 جنيه شاملة تغيير الزيت والفلاتر وغسيل السيارة ماعدا الفيكترا C والاسترا H تكلفة الصيانة 230 جنيه

**superkenwood** · 12-01-2009 10:37 AM

هوه لازم أحجز بالتليفون قبلها بكام يوم زي منصور الهرم ؟

**abdelaziz-waleed** · 13-01-2009 01:12 AM

المشاركة الأصلية كتبت بواسطة superkenwood

هوه لازم أحجز بالتليفون قبلها بكام يوم زي منصور الهرم ؟

لا ياباشا مش محتاج تحجز خالص
اهم حاجة تروح بدري يعني الساعة 9 الصبح مثلا
وياريت لو يكون يوم جمعة. تسيبلهم العربية وترجع تاخدها
اخر النهار. او لو خلصت المختبر بيتصل بيك يقولك تقدر تيجي تاخد العربية
بس ماتنساش تاخد رقم تيليفون المختبر علشان تتابع معاه

**superkenwood** · 13-01-2009 09:27 AM

ان شاء الله حأروح لهم في الصيانة الجاية .. أنا الحمد لله قفلت الـ 120000 كيلو .. أعمل صيانة على ايه ؟

**Ahmad Allawy** · 13-01-2009 09:36 AM

مش عارف.. اسألهم هناك بيتعمل ايه ف الصيانة دي..
و يا ريت.ز طلب بقي من اي حد رايح توكيل ولا مركز صيانة معتمد..
يحاول يجيب جدول الصيانات..
صيانة كام بيتعمل فيها ايه.. عشان ده مهم..
و الف شكر مقدما..

**Mustafa_Farouk** · 14-01-2009 10:20 AM

المشاركة الأصلية كتبت بواسطة abdelaziz-waleed

حبيب قلبي مصطفى باشا
تكلفة الصيانة الدورية 180 جنيه شاملة تغيير الزيت والفلاتر وغسيل السيارة ماعدا الفيكترا C والاسترا H تكلفة الصيانة 230 جنيه

السلام عليكم ،

أنا بعمل الصيانة الدوريه في اوتو ماستر ب-١٥٠ جينه مصري وعلى معتقد إن سعر موحد على كلو،عشان العربية داخلة على ال-٥٠ وجمع الصيانات اللي قبل كدة كانت نفس السعر دة،و في واحد صاحبي معها افيو برضو بيدفع نفس سعر الصيانات الدوريه.

**biboelking200** · 23-02-2009 04:32 AM

انا تقريبا اضحك علي يا جدعان في الموضوع ده
انا روحت الساعه 8 الصبح يعني واصل هناك الساعه 8 الصبح وماشي الساعه 6 اخر النهار
اللى حصل بقي من غير ما اطول عليكوا يعني
اني كانت رايح اعمل صيانه ال66 في العربيه عادي زي بقي الناس كده لا بي ولا علي المهم يعني اخدوا العربيه واقوللي خير قولتلو علي اللى فيها اني صوته عالي وبتاع ومش عملت صيانه فيها خالص قبل كده قالي مش تقلق وتعال خدها علي الساعه 3 ولا حاجه بالكتير
المهم قولت بيس وامشي واجي علي الساعه 3 زي ما الراجل ده قالي كل شويه يتصل بي يقولي اصلي مش عارف ايه بايظ ومش عارف ايه بايظ وبوظ الدنيا خالص المهم يعني انه في الاخر ركب الحاجات دي
سير كاتينه وطلمبه مياه وبوجيهات شداد سير الكاتينه وخد عندك بقي فلتر بنزين
وخد عندك بقي مصناعيات بس 575 وضريبه مبيعات 200 وخد عندك الحاجات اللى ركبت ديه بحوالي 1385 يعني كله كله 2200
بس وادي كل الحكايه المهم اني قايل للمختبر اللى كان معي انه ميزودش عن 1500 ج لاني مش معي غيرهم
والعربيه بعد ده كله لسه فيها كلام
يعني انا عاوز بس حد يقولي اللى حصل ده ايه الكلام عليه وللعلم العربيه لا اتشحمت ولا حصل فيها اي حاجه لاني زهقت من الراجل اللى كان هناك ده يعني لحد الساعه 1 مثلا ولا حاجه لغيت ما انا مشيت وجيت مش كان عامل حاجه في العربيه فيعني الخدمه هناك ممتازه جدا بصراحه ومش عاوز اقولكم بقي علي المعامله يمكن انا شويه ظالم الناس بس هو ده اللى حصل ولو حد يعرف حد هناك ممكن اقوله علي اسم المختبر وهو يقوله انا فاضلت واقف علي رجلي من الساعه 2 لحد الساعه 5 لحد ما اخد علي العربيه ده غير الاحراج اللى انا كانت فيه لاني المختبر الله يباركلوا يعني مقليش اني الفاتوره هتبقي تقيله كده

**Ahmad Allawy** · 23-02-2009 09:24 AM

المشاركة الأصلية كتبت بواسطة biboelking200

انا تقريبا اضحك علي يا جدعان في الموضوع ده
انا روحت الساعه 8 الصبح يعني واصل هناك الساعه 8 الصبح وماشي الساعه 6 اخر النهار
اللى حصل بقي من غير ما اطول عليكوا يعني
اني كانت رايح اعمل صيانه ال66 في العربيه عادي زي بقي الناس كده لا بي ولا علي المهم يعني اخدوا العربيه واقوللي خير قولتلو علي اللى فيها اني صوته عالي وبتاع ومش عملت صيانه فيها خالص قبل كده قالي مش تقلق وتعال خدها علي الساعه 3 ولا حاجه بالكتير
المهم قولت بيس وامشي واجي علي الساعه 3 زي ما الراجل ده قالي كل شويه يتصل بي يقولي اصلي مش عارف ايه بايظ ومش عارف ايه بايظ وبوظ الدنيا خالص المهم يعني انه في الاخر ركب الحاجات دي
سير كاتينه وطلمبه مياه وبوجيهات شداد سير الكاتينه وخد عندك بقي فلتر بنزين
وخد عندك بقي مصناعيات بس 575 وضريبه مبيعات 200 وخد عندك الحاجات اللى ركبت ديه بحوالي 1385 يعني كله كله 2200
بس وادي كل الحكايه المهم اني قايل للمختبر اللى كان معي انه ميزودش عن 1500 ج لاني مش معي غيرهم
والعربيه بعد ده كله لسه فيها كلام

يعني انا عاوز بس حد يقولي اللى حصل ده ايه الكلام عليه وللعلم العربيه لا اتشحمت ولا حصل فيها اي حاجه لاني زهقت من الراجل اللى كان هناك ده يعني لحد الساعه 1 مثلا ولا حاجه لغيت ما انا مشيت وجيت مش كان عامل حاجه في العربيه فيعني الخدمه هناك ممتازه جدا بصراحه ومش عاوز اقولكم بقي علي المعامله يمكن انا شويه ظالم الناس بس هو ده اللى حصل ولو حد يعرف حد هناك ممكن اقوله علي اسم المختبر وهو يقوله انا فاضلت واقف علي رجلي من الساعه 2 لحد الساعه 5 لحد ما اخد علي العربيه ده غير الاحراج اللى انا كانت فيه لاني المختبر الله يباركلوا يعني مقليش اني الفاتوره هتبقي تقيله كده

انت كنت رايح تعمل صيانة..؟؟ ولا تشوف العيوب اللي فيها وبس..؟؟
الصوت العالي ده اكيد كان سببه طلمبة المية.. و الكاتينة.. ودلوا لمفروض بيتغيروا عندك كل 60 الف كم تقريبا
كده العادي متقلقش..

الموضوع: مركز صيانة محترم والله ( أولاد مقار)

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مطلوب مركز صيانة تلفزيونات محترم فى اسكندرية

مركز صيانة مقار

حد جرب مركز صيانة أولاد صبحي سند في السيراتو؟

عنوان مركز صيانة محترم

لو سمحتم ميكانيكي او مركز صيانة محترم مش جزارين في الجيزة

الكلمات الدلالية لهذا الموضوع

المفضلات

المفضلات

ضوابط المشاركة