اوبل استرا - مساعدتكم يا شباب

**د.اشرف هنداوى** · 08-03-2009 09:53 PM

ايه رايكم في الاسترا ؟
فيه ممعروض موديل 2000 عاملة 52000 كم
و مطلوب 53000-كاملة مانيوال
كويس و لا ؟

شكرا مقدما

**tananybasha** · 08-03-2009 10:02 PM

على اساس حالتها و اللى يدلك اكتر دكتور الأسترا احمد علاوى و ان شاء الله مبروك مقدماً

**tamertamer** · 09-03-2009 02:27 PM

بص ياباشا السوق دلوقتى العرض كتير اوى لكن الطلب مفيش خالص السوق واقع جدا هذة السيارة انهردة متعديش 45 الف فى اى حال من الاحوال وممكن اقل كمان بس اهم حاجة الحالة لو عايز تركب

**A.Elsheikh.01** · 10-03-2009 12:40 AM

هى لو عامله 50 تبقى لوز اوى:10D5C8~1107:
مع انى كده خسفت بيها الارض على فكره يا علاوي
ولله يا حبيب قلبي بصيت عليها فى موقع كونتكت بتاع السيارات لقيت متوسط السعر فى اليومين دول من 55 ل60 يعنى هو ممكن يكون صاحبها مش عارف يبيع او ان فيها حاجه وهو مخبيها
( اول حاجه اكشف على السنسورات ودخلها على اسكنر وارفعها لفوق وشوف العفشه والشاسيه ووش التكيهات والسيور والصالون افتح باب من الابواب وبص على عضم البادى وشوف اللون اكيد انت هتحس بيه لو مرشوشه وبعد كده بص على العضم بتاع الكبيوت لو لونه تلاقيه جديد اوى او متغير شويه يبقى العربيه دى مردوده من خبطه ودق على السقف والكبوت بضافر من ضوافرك لو رن معاك رنه صاج تبقى مش مرشوشه لو الرنه مكتومه تبقى العربيه دى عملت حاجه )
نيجي على السعر لو العربيه دى معملتش حاجه خالص
انت ممكن تبقى اشطر منه وتخلصها معاه على 50
لو هو اشطر منك متقلقش انت برضه كسبت عربيه محترمه وممتازه وفل الفل
لو العربيه دى فيها حاجه متخدهاش ودور على حاجه احسن منها:k36:
(( عارف يا ابو علاوى والله واحد صاحبي كان لسه راجع من بره وكده ومعاه بي ام وكان زهقان منها اول ما قابلته فى البنزينه الى كنت داخل امون منها لقيته هو كمان هناك واول ما شاف العربيه معايا قالى عايزها
اتفقت معاه على 63 وقالى هيبيع البي ام وهايجي يخلص ))
بس احتمال انفضله فى البيع :)
عايز اقنيها :):):)