اخبار التكييف في Gen2

**ahmedsiyam** · 02-03-2009 11:13 AM

بس المهم بقى خد عندك لما بشغل التكييف على طريق سفر بعد ساعتين متواصل شغل ماسورة التكييف بتعمل تلج و تتسد تمام و تقفل الهوا الى ادخل للكابينة

نفس اللى حصل معايا بالظبط

**ussamalh** · 02-03-2009 01:20 PM

الله يخليك قولى حلتها ازاى
او كلم امر و فكرهه عشان يحلها زى ماحلها ليك

**MohabSaeed** · 03-03-2009 12:58 AM

المشاركة الأصلية كتبت بواسطة ussamalh

انا كنت زى احمد نصيبى فى الجين 2 فى التكييف مش حلو
عربيتى كانت زيك يا احمد بتفصل بسرعه و بعدين الاساتذه فكوه التبلوه و غيروا مكان الحساس و طبعا ل عربية الان الطابلوه فيه حاجات ببتهز على سرعه عالية

بس المهم بقى خد عندك لما بشغل التكييف على طريق سفر بعد ساعتين متواصل شغل ماسورة التكييف بتعمل تلج و تتسد تمام و تقفل الهوا الى ادخل للكابينة
روحت بيها التوكيل 7 مرات و مش عارفين يعملوا حجاه
اخر ما زهقت صورتها فيديو للمهندس امر لان لو الصيف دخل عليا كده تانى بجد هاروح بيها على حماية المستهلك

حضرتك موضوع التلج الى بيحصل على ماسوره التكيف . بقى بيحصل بعد ما غيرت مكان الترموستات ولا برضه كان بيحصل قبل ماتغير مكان الترموستات ؟

**ussamalh** · 03-03-2009 09:16 AM

بعد ماتغير مكان الترموتستات التلج ابتدى يظهر

**m_marmoush** · 03-03-2009 09:40 AM

العربيه عندى ماشاء الله تكييفها تلاجه
جوه البلد بيأثر على السحب و الأستهلاك وده شىء طبيعى فى كل العربيات

بس على الطرق السريعه مابيأثرش خالص فى أى حاجه

أنا بشغل التكييف على طول فى طرق السفر وكلها مسافات كبيره زى الغردقه ودهب و معنديش أى مشكله من أى نوع فى التبريد

المشكله الوحيده اللى قابلتها معاه كانت أنه بيعمل ريحه بعد مأفله ودى حلتها فى التوكيل و نضفوا الكويل و خدوا 40 جنيه مصنعيه

أنا مكان الترموستات زى ماهوه ماغيرتوش للعلم

**ahmedsiyam** · 03-03-2009 10:09 AM

الله يخليك قولى حلتها ازاى
او كلم امر و فكرهه عشان يحلها زى ماحلها ليك

انا ماحلتهاش المشكلة دى و بعت العربية كده

**ussamalh** · 03-03-2009 10:21 AM

الحل انى ابيعها الواضح كده

**MohabSaeed** · 03-03-2009 02:40 PM

المشاركة الأصلية كتبت بواسطة ussamalh

بعد ماتغير مكان الترموتستات التلج ابتدى يظهر

المشاركة الأصلية كتبت بواسطة ussamalh

الحل انى ابيعها الواضح كده

هدى نفسك يا استاذ اسامه .. الموضوع كله محتاج طول بال مع التوكيل . لان العربيه لسه بتاعتهم لغايه دلوقتى طلاما لسه فى الضمان .
عربيتك فيها مشكله . يبقى ماتسيبش حقك خليك وراهم .

اعتقد مشكله التلج ديه نتيجة ان الكمبريسور بيشتغل فتره اطول من الازم بعد تغير مكان الترمستات و الله اعلم .

هو التوكيل كاسول حبتين تلات حبات
كفايه انه منزل الجين 2 الجديده من غير مايكون متوافر ليها قطع غيار !!! انا مش فاهم ازاى الكلام ده انزل عربيه و ملهاش استوك قطع غيار فى المخازن ؟؟؟

**ussamalh** · 03-03-2009 03:40 PM

المشكلة كمان فى حجاه
ان كل شغل التكييف مكانه فى الطابلوه و فك الطابلوه بتاع الجين محتاج يومين فى التوكيل ده غير سوء التركيب بعد الفك
يعنى حتى مش قادر استشير حد من بره التوكيل فى التكييف لانه هيفك ازاى الطابلوه