ما هى تكاليف صيانه الياريس فى التوكيل

**محمد ابراهيم 1** · 01-09-2007 02:13 AM

**tamohsen** · 13-09-2007 04:10 PM

بص هاقولك علي الأسعار مع العلم ان اخر صيانه كانت في شهر يونيو الماضي ومعرفش اتغيرت ولا لأ مع هيستريا الأسعار اللي في البلد دلوقت
صيانه الالف : كشف عام بسيط علي العربيه كلها وغسيل العربيه من الخارج والموتور- مش هاتدفع ولا مليم
صيانه 5000 : تغير زيت وفلتر "ممكن تختار موبيل 1 او عادي" - تربيط العفشه - لو عندك اي شكوي تقولها-وقت الصيانه حوال ساعه - التكلفه الاجماليه حوالي 275 شامله موبيل 1
صيانه 15000 : كشف علي التيل وشويه حاجات كده زائد تغير زيت وفلتر وغسل موتور بالفوم - التكلفه حوالي 450 شامله موبيل 1

**hero** · 13-09-2007 09:44 PM

هي صيانة الياريس كل 10 آلاف كيلو ....مش كل 5 زي الكورولا ...اصلك ذكرت صيانة الـ 5 آلاف وبعديها علي طول الـ 15 الف....معني كدة ان ما فيش 10 آلاف....

**tamohsen** · 16-09-2007 11:10 AM

مظبوط الصيانه كل 10 الاف

**hero** · 16-09-2007 12:53 PM

غريبة قوي سياسة توكيل تويوتا في مصر ....الكورولا فئة اكبر من الياريس ومع ذلك بيعملها صيانة كل 5 آلاف كيلو وبيغرم ايلي راكبها يجي ربع تمنها علي الـ 100 الف كيلو ما ينتهوا ....
وفي نفس الوقت بيعمل صيانة الياريس كل 10 آلاف كيلو ....ولا دي طريقة علشان يحسس الزبون ان الياريس عربية اقتصادية حتي في الصيانة بتاعتها ...

سؤال تاني ...هو في صيانة الالف ...ما غيروش زيت الفابريقة .....يعني العربية فضلت بية لحد ماتغير في صيانة الـ 5 آلاف ....
وبرضة المصنعية بتاعه الـ 15 الف ...زايدة حوالي 275 جنية عن الـ 5 آلاف من غير ما يغيرو اي شيء (انت كاتب انهم كشفوا بس)

**Nile Heart** · 16-09-2007 01:25 PM

وهو مين بيروح الصيانه كل 5 الاف يا هيرو!! ده بالكتير كل 10 الاف ولغاية الضمان ما ينتهى

انا مثلا رحت كالآتى
الف
- 5, 10, 15, 20, 25, 30, 35, 40 (فى ال 25 وال 35 تقريبآ ماعملتش حاجه خالص)
وبعد كده 60 , 80, وناوى على ال 100 ان شاء الله

وهاقضيها كده كل 20 الف بأذن الرحمن

**tamohsen** · 16-09-2007 02:18 PM

وبرضة المصنعية بتاعه الـ 15 الف ...زايدة حوالي 275 جنية عن الـ 5 آلاف من غير ما يغيرو اي شيء (انت كاتب انهم كشفوا بس)

لأ الفرق اقل من كده حوالي 150 جنيه بس + فرق سعر الزيت اللي غلي من كام شهر
هما بيعملو كشف و فحص علي الحاجات المذكوره بكتيب الضمان
هتلاقي Sharky كاتب بالتفصيل عنها في موضوع مثبت

**Sharky** · 16-09-2007 11:01 PM

غريبة قوي سياسة توكيل تويوتا في مصر ....الكورولا فئة اكبر من الياريس ومع ذلك بيعملها صيانة كل 5 آلاف كيلو وبيغرم ايلي راكبها يجي ربع تمنها علي الـ 100 الف كيلو ما ينتهوا ....
وفي نفس الوقت بيعمل صيانة الياريس كل 10 آلاف كيلو ....ولا دي طريقة علشان يحسس الزبون ان الياريس عربية اقتصادية حتي في الصيانة بتاعتها ...

أولا يا باشا الكرولا و الياريس الصيانة بتاعته بتبقى كل 10.000 كم لو حتغير زيت موبيل 1 أو بتبقى كل 5.000 كم لو حتغير XHP يعنى شوف إنت عايز تمشيها بمزاجك.

سؤال تاني ...هو في صيانة الالف ...ما غيروش زيت الفابريقة .....يعني العربية فضلت بية لحد ماتغير في صيانة الـ 5 آلاف ....

فعلا دا صحيح و تقريبا كل العربيات الجديدة بقت كده بتغير زيت الفابريقة عند 5.000 كم مش عند 1.000 كم

وبرضة المصنعية بتاعه الـ 15 الف ...زايدة حوالي 275 جنية عن الـ 5 آلاف من غير ما يغيرو اي شيء (انت كاتب انهم كشفوا بس)

المصعية بتاعة 5.000 كم تقريبا بـ330.00 جم بالضريبة فى توكيل توتويا العبور (مركز معتمد ) مش العباسية (التوكيل ) و صيانة 15.000 كم تقريبا ب 475.00 جم شاملة الضريبة و تزيد عن 5.000 كم بـ145.00 جم و تزيد فى الأعمال بتغيير البوجيهات +فحص دورة التبريد +فحص بدال الفرامل و فرامل اليد +فحص العدادات +فحص و تربيط نظام التعليق الأمالى و الخلفى + تبديل مواضع الإطارات
يعنى من الأخر بتزيد علشان البوجيهات و المصنعية على الكشوفات الجديدة يعنى 70.00 جم بوجيهات و 75.00 جم مصنعية زيادة

ممكن حضرتك تشوف اللينك دا فيه كل التفاصيا عن الصيانة و قطع الغيار
http://www.nilemotors.net/Forum/viewtopic.php?t=7261