هل بتعمل صوت و لا التوجيه و الثبات ولا ايه .....
عرض للطباعة
هل بتعمل صوت و لا التوجيه و الثبات ولا ايه .....
انت ايه المشكلة عندك مرة الكبالن و مرة المقصات ممكن تقول الصوت الي بتسمعه احسن
عموما المقصات لما تتلف بتعمل صوت خبطة جامدة في اي مطبات و ديه علاجها بيكون تغير جلب مقصات و لما بتكون مخبوطة شكلها بيبان للعفشجي و بتكون محتاج تغيرها
بتعمل صوت
و كمان بتعوم العربية لو بوش الجلب زااد
شكرا على متابعتك و ذاكرتك
المشكلة فى صوت طقطقة فى الدورانات , فالميكانيكى قالى كبالن (انا مش عارف داخلى ولا خارجى لأنى ما سألتوش )
وقالى كمان انه شاكك فى المقصات و قالى اكشف زوايا الاول و هوه بتاع الزوايا ممكن يقولك لو فيها حاجة
هوه بس كان مجرد كشف عند الميكانيكى و لسه ما جبتش حاجة فمستنى لما جيبى يتقل شوية و اجيب الحاجات دى واخلص .
بص الكبالن لما تديك صوت طقطقة متصلة في الملف الجامد يعني لافف الدركسيون على اخرة تبقي بدات تنتهي و المفروض تسيبها شوية لما تبداء تديلك صوت طقطة مع لفة دركسيون اقل
و عموما انت ممكن تبص على كاوتشات الكبالن لو مقطوعة ممكن تغيرهم و تغير الشحم الداخلي و ده ممكن يطول في عمر الكوبلن شوية
اما المقصات ديه بتكون عبارة عن كتله من المعدن و فيها جلب او قطاعات كاوتش بالبلدي و لما بتكون حتت الكاوتش ديه مقطعة و منتهية تحس ان العربية بتهبد و بتتكسر مع اقل مطب
و في الحالة ديه بتجيب طقم جلب ميزان و طقم جلب مقصات و بتغيرهم
اما لو العربية بتعوم معاك و اي مطب صغير او حتة مدغدغة في الاسفلت بتسمع في ايدك يبقى انت كدة بتتكلم على بيض الدركسيون و ده عبارة عن قطعتين لكل جنب في العربية داخلي و خارجي
و دول المفروض انك تكشف الاول عند حد بتاع زوايا و هوا يقولك على حالة كل حته ايه و لما تيجي تغير يفضل العفشجي اكتر من الميكانيكي بس
وربنا يكفيك شر الطريق و شر كل صنيعي معندهوش زمة و عاوز يشتغل الخلق
شكرا لك يا ayabooy
الكبالن العفشجى و لا الميكانيكى هوه اللى بيركبهم ؟
الاسوأ من انعدام الذمة هوه الجهل المطلق و الافتاءات اللى تودى فى داهيه .
شكرا لك مرة اخرى .
العفشجي يعمل الكبالن من ضمن العفشة
و الميكانيكي بيعمل كل شغل العفشجي بس العكس لا
و هنا اقدر اقولك يا اما ميكانيكي شاطر و بيشتغل بايدة مش بيتمريس على الصبيان و ميمدش ايده يا اما امة عفشجي
و ادي العيش لخبازه و على فكرة انا بروح لميكانيكي و بدفع عنده اكتر من غيرة علشان موضوع انه بيشتغل بايدة
طيب انا عندي بتعمل صوت طقطقة في الملف وانا واقف مش وانا ماشي يعني لما اكسر الدريكسيون وانا واقف بيعمل الصوت دة طقطقة لكن وانا ماشي مفيش اي مشكلة مع العلم اني كرونة مش كبالن فدة يبقي اية؟
اكشف علي علبة الدركسيون بدام بيظهر معاك صوت الطقة و انت بتلف الدركسيون على الواقف
ممكن تكون العلبة فيها بوش او محتاجة حشو و ممكن تكون البطاحات بتاعت المساعدين عاوزة بلي او تغير و لو العربية بتعوم
ممكن تشيك على البيض بالمرة بس ده ملهوش دعوة بصت الطقة
و ممكن يكون فيه عندك شرخ في الشاسيه بس ده احتمال بعيد على البلونيز
دى أعراض تلف البليه اللى أسفل كاوتش البطاحاتاقتباس:
--------------------------------------------------------------------------------
طيب انا عندي بتعمل صوت طقطقة في الملف وانا واقف