هل الأوكتافيا موديل 98 فيها Abs؟

**ahmed_magdy_shaaban** · 01-03-2009 11:57 PM

كنت عايز أعرف هي العربية دي فيها Abs ولا لا؟
ولو مفيهاش هل ينفع يركب عليها؟

**ahmed_magdy_shaaban** · 02-03-2009 03:24 PM

دي تالت مرة أسأل علي حاجة و محدش يرد عليا يا جماعة. بلاقي مشاهدات و مفيش ردود

**MomoMedo** · 02-03-2009 03:42 PM

انا مش عارف والله يا باشا
ان شاء الله حد يرد عليك

**spider6666** · 07-03-2009 10:53 PM

ايوة ياباشا الاوكتافيا A4 موديل 98 و99 وما يلية كلهم فيهم نظام ال Abs

**Fadi Ezzat** · 07-03-2009 11:34 PM

ايوة فعلا فيها Abs

**Fadi Ezzat** · 08-03-2009 06:20 PM

ال abs يعنى مثلا انت لو جيت كنت ماشى على سرعة 100 وحصل موقف مفاجى والطريق وقف هتعما اية هتدوس
بكل قوتك على الفرامل صح ؟
واما تدوس اية الى يحصل الكاوتشات هتتزحلق تقوم العربية زاحفة تيجى تحود يمين او شمال علشان تفادى الى هتخبطة ماتعرفش
علشان الى بيزقك هى كتلة العربية لكن abs مابخليش الكاوتش يقفش بيخلية يفرمل قبل اما يقفش بسنة فتعرف تتحكم فى العربية ولذلك بيقولو علية النظام المانع للانغلاق
وحتى لو جيت فرملت جامد هتلاقى الدواسة عايز تنط لفوق علشان الكاوتش مايكلبشوارجو انى اكون افدتك

**mahmoudzaied** · 08-03-2009 10:28 PM

المشاركة الأصلية كتبت بواسطة umoussa

شوف يا سيدي
ABS = anti-lock braking system

يعني أيه Lock؟؟؟

تعالى نبدأ الموضوع واحدة واحدة، انت لما تكون عند الميكانيكي وبتزود زيت الباكم أو بتطلع الهواء الموجود داخل الدائرة بتاعة الفرامل، الميكانيكي بيعمل أيه؟ بيقولك أو بيقول للصبي بتاعة "كارك" يعني دوس على دواسة الفرامل وسيب وده علشان يجمع قدرة الانضغاط بتاعة الزيت الفرامل عند الأطراف "العجل". وبعدين يفتح الدائرة فيخرج الهواء.. خروج الهواء دا مش الموضوع الموضوع هة "كارك"..

لما تكون ماشي على أي سرعة 50 أو 60 أو 70 وتيجي تفرمل فجأة وخصوصاً لو فيه رمل على الأرض بيحصل Lock للفرامل؟ يعني أيه؟ يعني حضرت تيل الفرامل بيروح يقفش على الطنبورة وميسبهاش تبقى النتيجة أيه؟ العربية تتزحلق ودا في الميكانيكا بيقى العربية اتزحلقت والفرامل حصلها Lock أو بالألماني Block..

طيب أيه الطريقة الي تخلي العربيات تفرمل على السرعات العادية دي والعربية متتزحلقش وميحصلش Lock؟ أو Block؟ المسؤول عن الحكاية دي هو ABS طيب أزاي بيشتغل؟

بيشتغل بنفس طريقة "كارك" الي بيحصل انك لما تيجي تدوس على الفرامل فجأة على السرعات العادية دي أو حتى السرعات العالية، انت بتفضل دايس على دواسة الفرامل، يقوم ال ABS يشتغل حتحس انت ساعتها بحركة "كارك" تحت رجليك مع إنك مبتعملهاش لكن ال ABS بيعملها بدل منك والعربية مش حتتزحلق زي الفرامل العادية وحتقف في فترة أقصر بكتير جداً عن الفرامل العادية..

ال BS بيعمل أيه؟ بيروح يجمع قوة ضغطك على الدواسة ويعرفهه ويبدأ يقسمها بنفس القوة على فترات بمبدأ "امسك وسيب امسك وسيب" يعني إيه؟ يعني الفرملة بتروح تخلي تيل الفرامل يمسك ويسيب الطنبورة في حركة تبادلية سريعة تؤدي في الآخر إن العربية ميحصلهاش Locking أو Block وتقف..

في حاجات تانية بتكون مجهزة في برنامج عمل الABS زي EDL وESP بس الحاجات دي معتقدش موجودة في أوكتافيا ولو موجودة محتاجة تجهيزات عالية..

وللمعرفة برضو:

EDL = Electronic Differential Lock ودي وظيفة بتعمل Lock للعجل بحيث ان سرعة كل العجل تبقى واحدة وميحصلش انحراف في العربية .. يعني العربية متتزحلقش..

ESP = Electronic Stability Program ودا المسؤول عن عدم زحلقة العجل على الأراضي ا لممطرة والجليدية...

بالنسبة بقى لتركيب ABS في عربية مش مجهزة أصلاً

مفروض لو ينفع، حتغير التالي:

1. ضفيرة الموتور، لأن كنترول العربية لازم يحس بالـ ABS
2. الطنابير الأمامية والشمعدانات
3. الدنجل الخلفي لأن غالباً الأوكتافيا 98 الدنجل الخلفي قباقيب مش سكاكين

أتمنى تكون معلومة كافية

انت برنس على فكرة

**umoussa** · 08-03-2009 11:44 PM

الله يكرمك يافندم

اتمنى أكون وضحتلك الصورة مش أكتر

-

الموضوع: هل الأوكتافيا موديل 98 فيها Abs؟

LinkBack

أدوات الموضوع

عرض

-

-

-

-

المواضيع المتشابهه

يا رجالة هل البيجو 307 موديل 2008 فيها abs و ebd و esp ولا مفيهاش

يا جماعه هيه الأوكتافيا ال a4 موديل 2007 ليه مش موجودة كتير هنا ؟؟

316 موديل 92 فيها موتور 318 صوتها عالى و مزعج

الانترا موديل 2002 ايه رايكم فيها

هى الجوليت اخر موديل فيها كام ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة