استهلاك البنزين عندي عالي كل 100 كيلو 14 لتر

الاستهلاك رهيب عندي العربيه هيونداي اكسنت موديل سنه 2000 و 1500 سي سي

بحط بنزين 92 علي طول و مغير حساس الاكسجين و مغير البوجيهات و منظف بوابه الخانق و منظف فلتر الهواء و مفيش اي تسريب في نظام الهواء عندي

كشفت علي ماسوره العادم مفيهاش اي اخرام العربيه في الصبح بتجيب مياه بيضاء من ورا

كشف علي الكمبيوتر اي عيب طلع عندي العيوب دي

p1123
Long term fuel trim, at idle - mixture too rich

p1128
Long term fuel trim, at increased engine RPM - system too lean

علي موقع هيونداي بيقول اكشف علي حساس MAF و TPS

ولازم TPS تكون علي الدوران العادي 0 دا مظبوط و علي RPM 2000 تكون 3.5 بس انا عندي بتوصل ل 4 و علي 3000 تكون 5.1 انا عندي بتوصل ل 5.5 و ساعات بتكون مظبوطه

و MAF
في الدوران العادي لازم تكون 2.8 دي مظبوطه عندي و علي 2000 مفروض تبقي 6 عندي بتوصل ل 7

(• Check that the Mass Air Flow (MAF) Sensor (P/N 28164-22610) operation meets the specifications listed below. If the MAF sensor output is significantly lower than the reference value (10% or more), then replace the MAF sensor.)

هنا في الموقع بيقول لو القريات اقل من اللي مذكور ب 10% اغير الحساس المشكله هنا اني القريات عندي اذيد مش اقل

و في الموقع بيقول لازم اكشف لو في اي تسريب في الهواء كشفت بالمياه و الصابون بس ملقيتش اي حاجه او جايز معرفتش اشوف مظبوط

العيب التاني 1128 ظهرلي اول لما لقيت الاستهلاك زايد جدا و حطيت 80 علي 90 فساعات طبعا rpm يعلي و مفيش اي استجابه

* ان كنت غيرت لزيت تخليقي و الزيت اتاكل اكل و طار في حدود 1 كيلو في 3500 كيلو متر بس انا غيرت لزيت عادي توتال 5000 كوارترز و جاري التجربه و مفيش اي دخان ابيض بيطلع من ورا الحمد لله.

العربيه ساعات بتتخنق مني لما اكون قارص و ماشي بسرعه و اشيل رجلي من علي البنزين فجأه. شاكك في الفرامل عشان الهاند بريك عندي واطي قوي اول 3 تكات يبقي خلاص العربيه متتحركش خالص

دي كل الاعراض
ياريت حد يفيدني و شكرا

قد لا أستطيع الاجابة عليك و مساعدتك , لكني معجب جدا بطريقة عرضك للمشكلة ووصف الاعراض

بس واضح من كلامك أن نسبة البنزين أعلي من الهواء ’ طيب ماتكشف علي الرشاشات ممكن زمن الفتح بيكون أطول من اللازم

و علي كل حال ربنا يوفقك و تحدد العيب و يتم أصلاحه

بص انا بجد معجب بطريقة عرض المشكلة و كان نفسي اعرف افيدك كويس بس انا هاؤول الي اعرفة
كدة انت المشكلة ان حساس البنزين(TPS)
بيدخل بنزين زيادة للرشاشات و كدة انت مطلوب منك حجتين
1 انك تروح لحد يفك الحساس من البوابه و ينظفة
2 برضة حد يفك الرشاشات واحد واحد و ينضفة كويس
و المفروض فيه اسبراي مخصوص للموضوع ده تجيبة و متسيبش البيه الصنايعي ينضف ببنزين
و بعد كدة المفروض تروح على التوكيل يظبطوا الموتور على الكمبيوتر مش يكشفوا عليه لا يظبطوا البرنامج software
بس و اتمني ليك الحل علشان انا لما العحساس ده كان عاوز يتنظف عندي كانت العربية عليها عفريت و كل واحد يقول يتغير بس بعد التنظيف بقي كويس اوي

شكرا علي الرد نسيت اقول ان الرشاشات قمت بالكشف عليها بجهاز الالترا سونيك و قالوا مفيهاش اي مشكله و تمام و البوابه قد تم تنظيفها و حساس الهواء الماب و الثروتال اتنظفوا و كمان السلوك الكهرباء اتنظفت

هناك طريق تنظيف الحساسات دي علي النت و قمت باتباع التفاصيل التنظيف بس مش عارف في ايه

بس المشكله هيونداي نفسها بتقول غير الحساس لو القريات بتاعه الحساسات اقل من المطلوب بس انا عندي اعلي من المطلوب

شكرا ثاني مره علي الرد

بص انا كان عندي المشكلة ديه و المفروض انك تلاقي الموتور بيفضل عالي و انت شايل رجلك
بما انك كشفت على الكل و كل القرايات اعلي من الطبيعي يبقي المشكلة عندك انه فيه خرطوم في منظومة حقن الوقود مسدود او مخروم
انا عندي الخرطوم ده اسمه خرطوم ال
PC valve
جرب شوف لو عندك حاجة زيه اكشف عليه
انا معرفش ده موجود في الهيونداي ولا لا

بطريقة الشرح دى احنا اللى حنستفيد منك
مش انت اللى حتستفيد مننا

لووووووووول

اقتباس:

---

ولازم TPS تكون علي الدوران العادي 0 دا مظبوط و علي RPM 2000 تكون 3.5 بس انا عندي بتوصل ل 4 و علي 3000 تكون 5.1 انا عندي بتوصل ل 5.5 و ساعات بتكون مظبوطه

---

شوف بقه الكلام ده وراجعه على الموضوع اللى كنت أنت عامله قبل كده وأنا قولتلك أيه.....لأن واضح أن فيه مشكله فى نقل الأشاره بتاعة وضع البوابه الصح بواسطة الtps......زى ما أتكلمنا قبل كده.......والموضوع مش بس تنضيف بوابه زى ما أنت عملت (لا ممكن يكون اللينك الموصل من البوابه للحساس لتشغيل مقاومة البوتنشيومتر اللى جوه الحساس هو اللى عامله لك الليله دى كلها)..........وأنا متوقع ذلك

_ وبرضه خللى بالك من كلمة ساعات دى.....يعنى ممكن يكون اللينك من البوابه للحساس متنى شويه أو مهوى وهكذا_ وبرضه أتأكد أن مفيش بوش فى المحور المفصلى بتاع تحريك البوابه

اقتباس:

---

المشاركة الأصلية كتبت بواسطة samirayad

شوف بقه الكلام ده وراجعه على الموضوع اللى كنت أنت عامله قبل كده وأنا قولتلك أيه.....لأن واضح أن فيه مشكله فى نقل الأشاره بتاعة وضع البوابه الصح بواسطة الtps......زى ما أتكلمنا قبل كده.......والموضوع مش بس تنضيف بوابه زى ما أنت عملت (لا ممكن يكون اللينك الموصل من البوابه للحساس لتشغيل مقاومة البوتنشيومتر اللى جوه الحساس هو اللى عامله لك الليله دى كلها)..........وأنا متوقع ذلك

_ وبرضه خللى بالك من كلمة ساعات دى.....يعنى ممكن يكون اللينك من البوابه للحساس متنى شويه أو مهوى وهكذا_ وبرضه أتأكد أن مفيش بوش فى المحور المفصلى بتاع تحريك البوابه

---

شكرا يا سمير باشا انا بجد استفدت من الموضوع بتاعك بس هنا انا بعرض كل المشاكل الللي عندي جايز حد يعرف ارقام العيوب و طريقه التصليح جايز في حاجه انا معملتهاش يعني زي الكشف علي الخراطيم جايز في خرطوم مسدود ربنا يسهل و الاقي الحل

شكرا بس انت رأيك اشوف بوابه تانيه و اجربها و اشوف الدنيا دي زي ما هيا ولا اتغيرت

و لا اشوف حساس هواء و اغيره و اشوف

كل دا سهل المشكله في التكلفه يعني حساس الهواء ثمنه 500 جنيه يعني لو العيب مش منه هتبقي مشلكه كبيره و تكلفه اكبر

و برضه البوابه نفس الموضوع سعرها عالي

عشان كده انا بحاول اشوف جايز يكون العيب في حاجه بعيده عن الموضوع دا

شكرا يا اخي علي الرد

اقتباس:

---

المشاركة الأصلية كتبت بواسطة kemks

شكرا يا سمير باشا انا بجد استفدت من الموضوع بتاعك بس هنا انا بعرض كل المشاكل الللي عندي جايز حد يعرف ارقام العيوب و طريقه التصليح جايز في حاجه انا معملتهاش يعني زي الكشف علي الخراطيم جايز في خرطوم مسدود ربنا يسهل و الاقي الحل

شكرا بس انت رأيك اشوف بوابه تانيه و اجربها و اشوف الدنيا دي زي ما هيا ولا اتغيرت

و لا اشوف حساس هواء و اغيره و اشوف

كل دا سهل المشكله في التكلفه يعني حساس الهواء ثمنه 500 جنيه يعني لو العيب مش منه هتبقي مشلكه كبيره و تكلفه اكبر

و برضه البوابه نفس الموضوع سعرها عالي

عشان كده انا بحاول اشوف جايز يكون العيب في حاجه بعيده عن الموضوع دا

شكرا يا اخي علي الرد

---

كويس أنى شوفت الموضوع قبل ما أروح الشغل..........

_ برضه كنوع من الأطمئنان المبدئى (شوف أخبار سلك التحكم فى البوابه )....وبالذات من عند بكرة الأكسراتير وأكشف كويس على كل الأماكن المتوقع حدوث مشكله منها زى تعليقه مثلا.......وياريت تعمى أو ترش بكرة السلك برضه بالمزيل اللى كنت بتستعمله ساعة تنظيف البوابه (لعل وعسى ).....ومع النفخ بالهواء طبعا بعد مزيل الصدأ مايقوم بالواجب.....وياريت زى ماكنت قولتلك تفك فيشة حساس الtps

....وتديها نظافه برضه بالأسبراى بنفس الطريقه.......وأنا بحاول معاك فى كل الأتجاهات (علشان كنا بلديات فى بور سعيد ) وخللى الليله الكبيره دى لما يغلب حمارنا زى مابيقولوا فى الأمثال

على فكره موضوع نظافة الفيشه من الداخل ده مع التقفيل كويس.......... لضمان جودة الأشاره اللى رايحه من الحساس لوحدة التحكم.................

يا جماعة انتم متاكدين ان سعر الحساس 500 جنيه في الهيونداي انا اشك علشان عندي في الفورد ب 450 جنيه و استيراد 400جنيه البوابة و الحساس معاها

اقتباس:

---

المشاركة الأصلية كتبت بواسطة aYaBooY

يا جماعة انتم متاكدين ان سعر الحساس 500 جنيه في الهيونداي انا اشك علشان عندي في الفورد ب 450 جنيه و استيراد 400جنيه البوابة و الحساس معاها

---

يا باشا سعره 500 جنيه و كمان بالواسطه سعره لاي زبون 600 جنيه و علي فكره نفس الحساس بتاع الهيونداي بيركب في الهوندا هوا هواه بالظبط

و الله المستعان

اقتباس:

---

* ان كنت غيرت لزيت تخليقي و الزيتطار في حدود 1 كيلو في 3500 كيلو متر بس انا غيرت لزيت عادي توتال 5000 كوارترز و جاري التجربه و مفيش اي دخان ابيض بيطلع من ورا الحمد اتاكل اكل و لله

---

طيب أنت مفكرتش فى الليله دى وممكن يكون لها دخل بأستهلاك البنزين اللى مش عاجبك.....على أساس أن كفاءة كبس غرف الحريق عندك مش ميه ميه........وممكن برضه يكون رينج القراءات اللى طلعتلك بالأسكانر ممكن قبوله (لأن أساسا مفيش حاجه ميه ميه )

اقتباس:

---

المشاركة الأصلية كتبت بواسطة samirayad

على فكره موضوع نظافة الفيشه من الداخل ده مع التقفيل كويس.......... لضمان جودة الأشاره اللى رايحه من الحساس لوحدة التحكم.................

---

:S_thum1[1]::S_thum1[1]::S_thum1[1]:

اقتباس:

---

المشاركة الأصلية كتبت بواسطة TATO_22

:S_thum1[1]::S_thum1[1]::S_thum1[1]:

---

أشكرك أخى العزيز.......ولو أن برضه موضوع الزيت التخليقى اللى كان بيستهلك بسرعه عند أخونا صاحب السؤال ......مخلينى حاسس أن كفاءة كبس الغرف عنده ليها علاقه بأستهلاك البنزين (وتقريبا ده الأحتمال الأقوى )......والمفروض يعمل أختبار كبس للمحرك علشان نشوف النسبه كام .....علشان برضه منظلمش عملية التحكم الألكترونى عنده....................:S_thum1[1]:

شكرا علي الرد
قبل الزيت التخليقي كنت حاطط موبيل Xhp و كان بيقعد 3000 كيلو و مش بيقل خالص و كان بيقعد 3000 كيلو و مش بذوده خالص

حاليا انا رجعت لزيت معدني تاني و لغايه دلوقتي مفيش اي نقص في الزيت الحمد لله بس برضه انا لسه مكملتش 1000 كيلو و يارب ميقلش عشان مكنش داخل علي عمره

و كان البنزين في نفس المعدل و اللي خلاني اغير لزين تخليقي اني قريت في المنتدي انه بيقلل استهلاك البنزين

ان شاء الله هروح اقيس الكبس بتاع الماتور و هقول علي القريات بتاعته و ربنا يسهل

طيب كان لون الxhp بيستمر معقول ومبيسودش تقريبا....................بعد فترة تشغيل مش طويله

اه كان بيستمر بس اللون بينزل اسود شويه

هوا الكبس بتاع الماتور مفروض يبقي القياس بتاعه كام

هو المفروض ضغط الكبس لأى أسطوانه ميقلش عن 100 رطل/بوصه المربعه....(يعنى 6.89 بار)

معلش لنا عندى نفس المشكلة انا معايا اكسنت 1500 99 نفسى اعرف هيا فيها حساسات و لأ و اية سبب استهلاك البنزين الزيادة

اقتباس:

---

المشاركة الأصلية كتبت بواسطة dr_walid

معلش لنا عندى نفس المشكلة انا معايا اكسنت 1500 99 نفسى اعرف هيا فيها حساسات و لأ و اية سبب استهلاك البنزين الزيادة

---

ماهو لازم حضرتك تبين موقف أستهلاك الزيت عندك ....وأيه ملاحظاتك على آداء العربيه وأيه الصيانه اللى عملتها أخيرا وهكذا........

_ ومعروف أن الأكسنت ال1500 حقن ألكترونى وبالتالى فيها جميع أنواع الحساسات اللازمه لعملية التحكم ....حساسات حراره - حساس أكسجين - حساس وضع الخانق- حساس كرنك - حساس ماب وهكذا......وياريت تقولنا على موقف البوجيهات وأسلاكها وبرضه ممكن تروح تكشف على الرشاشات لأن موضوع أستهلاك البنزين ده ليه أسباب كتير قوى.....بس لو كانت العربيه بتاكل زيت كتير عندك (حيكون ضعف الكبس أول سبب محتمل )

شكرا اولا علي الرد
معلش انا لسة جديد في السواقة و مرفش يعنى اية استهلاك الزيت
بس انا لسة عامل صيانة ال 100000 في التوكيل ولشة مغير البوجيهات
و نفسى اعرف هيا فين مكان الحساسات دى و ازاى اعرف ان فيهم مشكلة و الرشاشات ازاى ا نظفهم و فين
و شكرا مرة اخري على اهتمامك:S_thum1[1]:

اقتباس:

---

معلش انا لسة جديد في السواقة و مرفش يعنى اية استهلاك الزيت

---

ده حيبان معاك لمل تتابع مقاس الزيت على عصاية المقاس وتشوف حتزود زيت ولا لا

اقتباس:

---

و نفسى اعرف هيا فين مكان الحساسات دى

---

حساسات وضع الخانق (البوابه ) والماب وبلف الأيدل تقريبا فى منطقه وحده (وراء بكرة الأكسراتير اللى عليها السلك اللى بيفتح ويقفل بوابة الهواء).........وحساس الكرنك على البلوك من فوق تحت مجمع الهواء(المانيفولد)....وحساس الهواء(بعد فلتر الهواء وقبل منطقة البوابه ).....وعلى فكره أنا عامل مواضيع عن جميع أنواع الحساسات فى المنتدى التعليمى (لو أردت الأطلاع )

اقتباس:

---

الرشاشات ازاى ا نظفهم و فين

---

الرشاشات بتتنظف على جهاز أسمه الألترا سونيك (وممكن تبدأ الأول بأستخدام منظف رشاشات ) كنوع من المحاوله قبل حل الرشاشات وهو منتج بيباع فى البنزينات المحترمه وبيضاف على البنزين وعليه طريقة الأستخدام (ممكن تجربه الأول )

اقتباس:

---

شكرا مرة اخري على اهتمامك

---

أحنا كلنا تحت أمرك يا أخى فى أى مشكله تواجهك للمشوره......وربنا يوفقك وكله بيجى بالتدريب

شكرا مرة اخرى
ومعلش لو سالتك تانى و جزاك الله خيرا

دا أنت تأمر فى أى وقت....وأنا اللى حزعل لو ما سألتش........أمال أحنا فى المنتدى ليه......:C_laugh[1]:

الستاذ kemkes
قال انة كشف بالكمبيوتر
دة ممكن اعملة فين
و شكرا مرة اخرة:Zb_sor1[1]:

اقتباس:

---

المشاركة الأصلية كتبت بواسطة dr_walid

الستاذ kemkes
قال انة كشف بالكمبيوتر
دة ممكن اعملة فين
و شكرا مرة اخرة:Zb_sor1[1]:

---

لو لمبه الاعطال منوره عندك روح اكشف او الاعضاء ممكن يشوفوا اقرب واحد ليك فين و يدلوك عليه بس حرام تروح تدفع 50 جنيه و انت اصلا اللمبه عندك مش منوره
علي العموم في واحد في شارع ضياء ممكن ابقي اجيبلك اسمه بيكشف

بس برضه حلاام تدفع فلوس في الهواء

عشان نص اللي بيكشفوا كل اللي يقدروا يعملوه لو اللمبه منوره يقولك العيب دا ايه

بس لو عيب خبيث بقي ممكن يلبسك في قطار زي العيب اللي عندي كل واحد بيقولي حاجه اخر لما زهقت جبت ارقام العيوب و دخلت علي هيونداي وشوفت العيوب دي ايه لقيت حاجات تانيه خالص غير اللي هما قالوهالي

و الله الموفق

اقتباس:

---

المشاركة الأصلية كتبت بواسطة kemks

لو لمبه الاعطال منوره عندك روح اكشف او الاعضاء ممكن يشوفوا اقرب واحد ليك فين و يدلوك عليه بس حرام تروح تدفع 50 جنيه و انت اصلا اللمبه عندك مش منوره
علي العموم في واحد في شارع ضياء ممكن ابقي اجيبلك اسمه بيكشف

بس برضه حلاام تدفع فلوس في الهواء

عشان نص اللي بيكشفوا كل اللي يقدروا يعملوه لو اللمبه منوره يقولك العيب دا ايه

بس لو عيب خبيث بقي ممكن يلبسك في قطار زي العيب اللي عندي كل واحد بيقولي حاجه اخر لما زهقت جبت ارقام العيوب و دخلت علي هيونداي وشوفت العيوب دي ايه لقيت حاجات تانيه خالص غير اللي هما قالوهالي

و الله الموفق

---

معلش هيا لمبة الاعطال موجودة فين فى العربية

اقتباس:

---

المشاركة الأصلية كتبت بواسطة dr_walid

معلش هيا لمبة الاعطال موجودة فين فى العربية

---

موجوده فى التابلوه اللى قدامك وبيكون مكتوب عليها فى الغالب كلمة CHECK .....يعنى أفحص العيب اللى عندك فى دايرة التحكم ....وبتفضل منوره على طول وأنت متحرك بالسباره

معلش انا اتأخرت كتير بس المشكله ان الواحد شغال الصبح و بليل و الاجازه جمعه و كل الميكانيكيه قافلين طبعا عندنا في بورسعيد بهوات بقي :C_laugh[1]:

بس نعمل ايه حقهم في اجازه برضه

علي العموم روحت عشان اشوف كبس المحرك ولفيت تمام بس ملقيتش غير واحد بس في بورسعيد و عاوز 80 جنيه عشان بس يشوف كبس المحرك طبعا سبته و مشيت عشان حاسس انه بيستهبل و الواحد مش بيحب حد يستهبله بس لو السعر كده تمام يبقي اروح اعمله و امري لله

علي فكره انا رجعت ل بنزين 92 و بس معدش بحط 80 علي 90
وغيرت فلتر الهواء وفلتر البنزين لسه مكملش 5000 كيلو

و زيت توتال 5000 اه بقاله فوق 300 كيلو ومنزلش المنسوب بتاعه كان ازيد من max بحاجه بسيطه و دلوقتي مظبوط بالظبط علي الماكس و بتهيقلي دا عادي عشان قريت في المنتدي ان الزياده بتتحرق في غرفه الحريق لغايه لما الزيت يبقي في المعدل الطبيعي

بس المشكله ان صوت التصقيف خنقني جدا و مع التفويله الجايه لو التصقيف مرحش انا هرجع ل 80 علي ال 90

عشان انا اصلا شاكك ان 92 بيغشوه ب 80 يبقي اغشه انا بنفسي و انا اولي بالفرق

شكرا ليك يا بشمهندس سمير علي الاهتمام

اقتباس:

---

اوز 80 جنيه عشان بس يشوف كبس المحرك

---

ههههه دة مجرد كشف بصرى مش اكتر 80 جنية اية هوة ميعرفش ان ال80 دول يعملوا فى 128 حاجات كتيير (مع اعتزارى لملاكها) لا طبعا سيبة

اقتباس:

---

المشاركة الأصلية كتبت بواسطة octooo

ههههه دة مجرد كشف بصرى مش اكتر 80 جنية اية هوة ميعرفش ان ال80 دول يعملوا فى 128 حاجات كتيير (مع اعتزارى لملاكها) لا طبعا سيبة

---

عندك حق و الله عشان كده انا سبته و مشيت بس كبس الماتور انا مشفتش حد بيعمله قبل كده بس علي حد علمي انه جهاز بيركب مان البوجيه و فيه عداد من فوق بيشوف ضغط الكبس

بس انا سمعت انه في مصر ب 30 جنيه و حاجات كده بس ياريت حد يأكدلنا علي السعر

اقتباس:

---

المشاركة الأصلية كتبت بواسطة dr_walid

معلش لنا عندى نفس المشكلة انا معايا اكسنت 1500 99 نفسى اعرف هيا فيها حساسات و لأ و اية سبب استهلاك البنزين الزيادة

---

انا كمان عندي نفس الاستهلاك تقريبا الصفيحة بتعمل 140 كيلو
مع العلم اني روحت لبتاع الكاربراتير وغيرلي البيكات وكشف علي البوجيهات لقاها مهببه والحمد لله نضفها وظبط الكاربراتير وركب وجربنا مشوار وسحب جامد وكشف تاني علي البوجيهات لقاها نضيفة قالي كده خلاص ومش هتلاقي استهلاك عالي تاني
بعديها ب اسبوع تقريبا فكيت بوجية منهم ابص عليه لقيته اتنيل تاني
مع العلم اني كنت في نهاية فترة تغير الزيت وغيرته امبارح الحمد لله وحطيت صفيحة بنزين 92 علي ال 80 اللي في التانك
كل ده محاولات في تقليل استهلاك البنزين
ايه رأيكو
وفي حاجة تانية تتعمل ولا لا
واشكركم جدااااااااااااااااا
صحيح العريية ريجاتا 1400 موديل 85

أنا عندي نفس المشكلة صرفية بنزين زيادة وعندما أكون ماشي بسرعة ودست على المكابح تطغى السيارة فجأة ولما أكون ماشي بهدوء بالواحد والثاني السيارة تمشي بصورة غير طبيعية مترددة غيرت حساس الهواء اللي على البوابة اختفت المشكلة ورجعت اليوم الثاني اعمل ايه

واضح ان الموضوع كبيييييييييييييير لان انا عندى مشكلة استهلاك بنزين برده مع العلم انى معايا دايو لانوس 99 بتستهلك 1 لتر كل 7 كيلومتر والعربية انجكشن المفروض يكون على الاقل 1 لتر يمشينى 100 كيلومتر وياريت حد يفيحنا فى اليلة دى .....