حوارات مجموعة فولكس و أوبل و جنرال موتورز
اقتباس:
المشاركة الأصلية كتبت بواسطة hanady
أنا لدى الجيتا الفول أوبشن من 10 شهور.
العربية رائعة جدا، هى فعلا واطية شوية عن اللانسر البومة اللى قعدت معى كام سنة قبلها، و أول ما أستلمت الجيتا فى أول أسبوع حكيت فى مطبين عاليين قوى و معمولين بطريقة بشعة، و لكن اتعلمت التهدئة عند أخذ المطب و اخده بالراحة وبطريقة عمودية عليه (حسب المكتوب فى كتالوج السيارة، و ليس بالورب كما هو شائع) و فعلا مهما كان المطب عالى و وحش أصبح لا يحك بعد أول اسبوع من الأستلام رغم أنى أسكن محافظة مدنها بين المطب و المطب فى شوارعها مطب، فهى ليست بهذا الوطو الذى تتحدثون عنه.
بالنسبة للمقارنة بينها و بين الأوكتافيا (مع أحترامى لها) فالجيتا هى الأصل و الأوكتافيا هى النسخة المصنعة فى التشيك و التى سمحت فولكس فاجن مالكة شركة سكودا التشيكية لها بتجميعها فى التشيك، فهل يقارن التجميع فى التشيك بالأصل الألمانى؟؟!! أعتقد الأجابة لا تحتاج مناقشة و الدليل فارق السعر.
أما بالنسبة للوسع و العلو فالأثنان حاجة واحدة، أجلس داخل االمقصورة و أفتح غرفة المحرك نسخة من بعض (بس فارق علامة فولكس من علامة سكودا) ، الفارق الوحيد فى شكل المقدمة (الأوكتافيا عالية بينما الجيتا aerodynamic زيها زى الجولف شقيقتها الهاتشباك لكى تقلل مقاومة الهواء) و أيضا شكل المؤخرة (فى الأوكتافياsemihatchback و لذلك لها مساحة زجاج خلفى كأى هاتشباك، أما الجيتا فهى True Sedan)
أيضا الأوكتافيا أطول من الجيتا حوالى 4.2 سم
باستثناء ذلك لا توجد فروقات، أه نسيت الجيتا أنعم يكثير من الأوكتافيا (زيها زى اليابانى فى نعومته الفائقة) أما الأوكتافيا فهى خشنة كثيرا ولا اعرف السبب لأن الأثنين واحد زى الأصل و صورة المراية
أتمنى أن أكون أفدت صاحب سؤال المقارنة
انا بتفق مع حضرتك فى كل حاجه ما عدا كام نقطه بس :
1-الاصل لا الاوكتافيا ولا الجيتا الاصل هو الجولف و ركبلها شنطه فبقت جيتا .
2-الجيتا مش المانى دى مكسيكى يعنى تتساوى مع الاوكتافيا فى التقفيل خصوصا ان قطع الغيار واحده.
3-فرق الوسع ده ظاهر فى الكنبه الخلفيه مش الاماميه.
4-بالنسبه للنعومه فأنا مسوقتش الجيتا لكن انا اعرف انها نفس موتور الاوكتافيا و نفس التعليق و نفس الفتيس و نفس الباور فأزاى دى انعم من دى ؟؟حضرتك سوقتى اوكتافيا ؟؟
اانا مش بدافع عن الاوكتافيا ولا حاجه انا اساسا لو يرجع الزمن مكناش جبنا اوكتافيا و لا جيتا و كنا جبنا فيكترا .
تعليق على رد العضوالمحترم venus-doom
اقتباس:
المشاركة الأصلية كتبت بواسطة venus-doom
انا بتفق مع حضرتك فى كل حاجه ما عدا كام نقطه بس :
1-الاصل لا الاوكتافيا ولا الجيتا الاصل هو الجولف و ركبلها شنطه فبقت جيتا .
2-الجيتا مش المانى دى مكسيكى يعنى تتساوى مع الاوكتافيا فى التقفيل خصوصا ان قطع الغيار واحده.
3-فرق الوسع ده ظاهر فى الكنبه الخلفيه مش الاماميه.
4-بالنسبه للنعومه فأنا مسوقتش الجيتا لكن انا اعرف انها نفس موتور الاوكتافيا و نفس التعليق و نفس الفتيس و نفس الباور فأزاى دى انعم من دى ؟؟حضرتك سوقتى اوكتافيا ؟؟
اانا مش بدافع عن الاوكتافيا ولا حاجه انا اساسا لو يرجع الزمن مكناش جبنا اوكتافيا و لا جيتا و كنا جبنا فيكترا .
فعلا الجيتا معمولة فى المكسيك و هذا هو المصنع الرئيسى لأنتاجها (لا يوجد مصنع فى ألمانيا) لأنها معمولة أصلا لأمريكا التى لا تحب الهاتشباك (و منها الجولف العربية الشهيرة لفولكس) فتم عمل تعديلات فى الجولف أشهر عربية هاتشباك فى العالم، هذه التعديلات أنصبت على ان تكون أكثر فخامة و طول و تكون سيدان كما أراد الأمريكان فى استطلاع عملته فولكس فى أمريكا (لماذا لا تركبون الجولف؟).
و تم عمل المصنع الرئيسى فى مدينة مكسيكيةCalidad على الحدود المكسيكية الأمريكية ليسهل دخولها امريكا مباشرة و أنتج أول نسخة فى 1985 MK1.
و قبل النسخة الخامسة الحالية MK5 تم تجديد المصنع فى المكسيك و تم صرف مليار دولار على التجديدات (منها 450 مليون دولار لتجديد الروبتات التى ستصنع الجيتا) و بناء عليه أصبحت الجيتا هى السيارة الأوروبية رقم واحد فى مبيعات السوق الأمريكى (أكبر سوق سيارات فى العالم)، أما الأوكتافيا فلا توجد فى أمريكا من الأصل (المصدر Yahoo Autos). فلا يعيبها أن مصدرها مكسيكى فهو المصنع الرئيسى و لا يوجد مصنع فى ألمانيا. (المصدر Wikipedia).
أنا فعلا سوقت أوكتافيا (تملكها أثنين من زميلاتى) و لم ألحظ انها أخشن من الجيتا بتاعتى و لكنى أنقل رأى عام سائد حتى بين ملاك الأوكتافيا، و متاخدش الموضوع بحساسية فنحن نتبادل الأراء و الخبرات فقط.
ملحوظة أخيرة أول مرة اسمع أن الفكترا أحسن من الجيتا، فى عرف مين ده، و أيش جاب الأوبل (مجرد فرع من جنرال موتورز سيتم بيعه لأنها على و شك الأفلاس) بفولكس أشهر مصنع سبارات فى أوروبا و رقم ثلاثة على العالم، ده الأيزى ترونيك اللى نازل فى الفكترا الجديدة عامل مشاكل لا حصر لها