كلنا طبعا عملنا حوادث بعربيتنا او بعربيت اهلينا وفي ناس عندهم خبرة في موضوع الحوادث وفي الي مبيقبلش بالعوض وفي اللي بيقول من اتلف شيئاء فعلية اصلحة ياريت كل يحكيلنا عن خبرتة في الحوادث واول حاجة بتفكر فيها
يعني انا مثلا مرة وحدة خبطتلي العربية ولسة انزل اشوف العربية لقيت الباب اللي جنبي مطابق فبؤلها بكل احترام مش تاخدي بالك لسة مكملتش الكلمة لقيتها بتؤلي من غير قلة ادب شوف انتا عايز كام
بصتلها كدا ومكلمتش رحوت واخد العربية وماشي
الواقع يا سيدي إنك في مصر ....................
كل حاجة هنا بالصوت العالي وفرض الرأي حتى لو كنت غلطان ( من الاخر احنا مش بنحترم بعض خالص ) .
أنا من وجهة نظري إن المتسبب في حاجة يتحمل نتيجة غلطه ( ده عرف في كل الدنيا ... كل واحد ياخد حقه باحترام ) .
الحادثة البسيطة أمرها هين وممكن الموقف ييمر بسهولة سواء بالتراضي أو بقيام المتسبب بالتصليح .
المشكلة لما تكون الحادثة ناتجة عن السرعة الزائدة للطرفين ( هنا قد يحدث احتكاك مباشر بين الطرفين ومحاولة القاء اللوم على الطرف الاخر .......... وطبعا في سيناريوهات كثيرة ....
المشكلة الكبرى لما تكون هناك حادثة مع دراجة عادية أو بخارية أو حتى شخص بيعدي الشارع
( أنا عن نفسي مريت بتجربة من فترة في محافظتي الريفية حيث كنت أسير في طريق فرعي بين القرى وكنت أسير بسرعة لا تزيد عن 70 وكان الوقت نهارا ... المهم ماشي عادي ( طبعا الطريق اتجاهين ويا دوب يكفي عربيتين وعلى اليمين ترعة وعلى الشمال ترعة صرف للأراضي الزراعية ) المهم وانا ماشي لاحظت أمامي على بعد ما يقرب من 150 متر عدد 4 دراجات رايحة يمين وشمال ... قلت أهدي شوية ... وبعدين رجعوا تاني يمين ... قلت خلاص أزود شوية وأعديهم ... أخدت خلاص الشمال ... وفجأه قبل حولي 20 متر منهم لقيتهم رايحين جايين ... وكنت راكب وقتها عربية لادا ... والفرامل مش هتعمل حاجة ... المهم حاولت أخلع من اليمين ... لقيتهم رايحين جايين ... فحاولت أرجع تاني للشمال واعدي لقيت واحد قدامي خلاص ... ففرملت جامد ولقيت نفسي هخبطه ... فأخدت شمال شوية على التراب ... بس للأسف مع الفرملة والتراب اتحدفت مني العربية في ترعة الصرف الصغيرة ... فنزلت مندفع بالعربية لغاية ما اصطدمت بأرضية الترعة وطبعا أخدت خبطة بسيطة كدة في الدركسيون ... طبعا كل الحوار ده حصل في ثواني معدودة ... أنا أول لما خرجوني من العربية كنت خايف جدا جدا لدرجة الرعب ( طبعا مش عشان العربية خالص ) ... أنا كنت خايف بجد أكون صدمت أي حد وحصل له حاجة ... بس الحمد لله كله تمام ... وطبعا اللادا أصيلة ... غيرت رفرف أيسر وفانوس أيسر وسمكرة على البارد في الباب الأيسر .............
أنا اسف علشان طولت شوية ...
الخلاصة إنك هنا في مصر مش هتعرف تاخد حقك حتى لو انت مش الغلطان ...
ورنا يسترها مع الجميع
:C_laugh[1]::C_laugh[1]::C_laugh[1]:
انا عربييتى تخصص تكاتك فى خلال الاسبوع اللى فات خابط بتاع 5 تكاتك لانهم بيبصرو يعدو من مكان ضيق جنبى انا ناحيه باب السواق يتنزق فى الاخر وانا طالع بجيبله الاكصدام بالرفرف بالاشارات
:C_laugh[1]::C_laugh[1]:بدون ادنى تلفيات عندى
اول مسمع صوت حكه بقف انزل ابص الاقى عربيتى سليمه بسيبه وامشى عادى جدا اكنى دخلت مطب
اكبر تلفيات عندى كان ان الاكصداام ريح شويه لجوة علشان خبطت توكتوك بيعدى بالعرض وبسرعه رحت خابطه برضه
:C_laugh[1]::C_laugh[1]:هعلق عليها احترس مدمرة تكاتك
هو ينزل طبعا يزعق بقله هوششش واسيبه وامشى
انا حصل معايا موقف غريب كنت ماشى فخبط عربية تاكسي فنزلت وبكل احترام قبل ماابص على العربيتين قدمت اعتذار بمنتهي الادب فليقته عمال يقل ادبة وبشدة بابص على العربيتين لقيتهم الحمدالله مافيهمش اي حاجة فقاولت للراجل انت تاعب نفسك لية لقيتة بيشتم وبيقولي يالا علي القسم بيخوفني فلما حسيت انة بيستهبل وعربيتة مافيهاش اى حاجة نهائى روحت قالب علي الوش التانى وقولتلوا انا باقي اللى عايز اروح القسم وساعتها قالى الله يسهلك وساعتها ادركت ان الزوق ماينفعش ومع الاخص سائقي التاكسي
تفعيلاَ لقوانين و أخلاق البني أدمين مرة ريحت علي واحد كان سايق النترا بدون قصد و طبعاَ نزلت علي طول و قلتله انا متأسف .. و هو الحقيقة كان متعاون جداَ و بمنتهي الحب قاللي "و أصرفها منين دي إن شاء الله ؟ الإكصدام ده تمنمية و عشيين جنيه (عشيين مش عشرين) .. انا عايز إكصدام جديد" .. قلتله يا راجل إتقي ربنا دي شوية خرابيش .. دنا ممكن أعملهملك دلوقت بالبولش .. قاللي لا انا عايز التمنمية و عشيين جنيه يا اما أروح القسم .. قلتله لأ أطلب البوليس و انا مستنيك في العربية .. و قمت قاعد في العربية و قافل الإزاز و مشغل الكاسيت .. و سيبته مع نفسه .. كل ده في وسط صلاح سالم و الناس كانت وصلت في الشتيمة لسابع جد .. بس ما أصل الذوق ينفع مع البني أدمين بس ! هتبقي ذوق مع واحد زي ده إزاي ؟ مينفعش تبقي في قفص قرود و تعمل فيها سنجاب مثلاَ .. كلم كل واحد بلغته .
******اقتباس:
المشاركة الأصلية كتبت بواسطة HANGMAN
يمكن هي دي نفس اللي خبطت لي باب العربية الوراني
أنا بقي قولت لها ((( الله يخرب بيتك وبيت اللي إداك الرخصة يا عمياء )))
فعلا فى بلدنا ديه الزوق ما بينفعش خالصاقتباس:
المشاركة الأصلية كتبت بواسطة nomercy22
وتلاقى معظم الناس الى غلطانة بتنزل تشتم
انا بقى هحكيلكوا على اغرب موقف ممكن تسمعوه فى حياتكوا
انا كنت ماشى فى امان الله عند جسر السويس قبل شارع الاربعين امام حديقة بدر الشارع هناك مكسر أوى علشان بيدخلوا الغاز
المهم
لاقيت واحد بيجرى ورايا انا افتكرت واحد عايز يشد معايا والا حاجة انا كان معايا ساعتها عربية اختى وهيا عربية ما بتجريش اصلا فسيبته يعدى واهملته خالص
لاقيته بقى بيزنق عليا وبيحاول يقفل عليا الطريق وللأسف نجح فى انه يقفل الطريق عليا والبيه لاقيته نزل من العربية وخلع الحزام ورافعة عليا انا قلت انا عملت فيه كارثة طبعا انا مانزلتش خالص لأن كان معايا ابن اختى سنة ونص قاعد فى الكنبة الى ورا
لاقيته بيدخل ايده جوا العربية بيحاول يفتح العربية قمت علطول قافل الازاز على ايدة وبعد كدة سيبتة يطلع ايدة وفتحت الازاز الاقى البية يقوم كاسرلى الازاز بأيدة وكل الكسر بقى فى وشى وبعدين وشى كله بقى دم انا قلت بس انا كدة كسرتلة عربيتة وأنا ماعرفش نزلت اشوف اية الى حصل عنده الاقى اغرب شئ ممكن يتوقعة أى انسان وهوا ان فيه حبه مياه على الكابوت بتاع عربيتة من الشارع اتحدفوا على عربيتوا وانا داخل مطب
وللأسف انا ما بعرفش اتصرف فى المواقف دية وطبعا جرى بعديها والحمد لله صورت عربيتة ونمرتها ورحت القسم عملتلة جنحتين
1-تهمة الضرب والشروع فى قتل
2-كسر وتلف سيارة
يعنى بالميت سنة سجن
ومكسل بصراحة اروح القسم تانى اشوف هما عملوا اية فى المحضر لأنهم بلغوا عن العربية
العربية نوعها هيونداى اكسنت لونها فضى نمرتها
51690 ملاكى الشرقية
وأن شاء الله هيطلع عين الى خلفوه لانى رحت بواسطة
وربنا يبعد عننا ولاد الحرام امثاله
انا مرة كنت ماشى على اليمين جنب البيت ومدى أنتظار بشوف مكان فاضى اركن فيه وماشى على مهلى جدا ً وفجأة الاقى عربية لانسر دخلت فيا
نزلت وزعقت وبتاع الاقيه يقولى انت كل الى عندك فانوس ب 60 جنية اما انا فانوس ورفرف والكابوت باظو احنا نعمل محضر مع ان هو الى غلطان ولما أتصلت وجيبت الشرطة تعاين الموقف وتعمل محضر لقيته بيقولى خلاص ياباشا انا مش عايز منك عوض :36_1_1[1]:
ونعمل محضر صلح وخلاص قولته ماشى بعد لما مشيت الشرطة قالى تعالا بقا ياباشا نشوف سمكرى يشوف هاتتكلف كام :B4_237:
قولته نعم :fdsa: وفى الأخر قاعد يحور انها عربية أيجار وساعدنى مع ان العربية بأسمه :_Alshmokh08[1]:
وفى الأخر واحد صحبى اداله 50 جنية ومشى فرحان بيهم مع ان عربيته هاتعدى تكلفة التصليح اكتر من 1000 جنية
الحمد لله كانت حادثه واحده (او خبطه صغيره)
الشارع واقف اصلا و هو حاره واحده المهم العربيه اللي قدامي اتحركت فانا لسه هاتحرك لقيت اللي ورايا طراااااخ اكني مش موجود مثلا او عايز يعديني و انا لسه واقف :_Alshmokh08[1]:
المهم نازل و خلاص هازعق و ابهدل الدنيا
ببص لقيت ما فيش حاجه في العرييتن :C_laugh[1]:
و لقيته بيتأسف فقولت خلاص شكله محترم
بس انا كان نفسي اعرف هو كان واقف اللي خلاه يطلع و انا لسه ممشتش:U_thin1[1]:
هي مرة واحدة و أنا اللي خبطت العربية اللي قدامي بس هو كان وقف مرة واحدة و غلط و كان غصب عني لأن عربية نقل زنقت عليا فأضطررت أني أخبطه
المهم نزلت بصيت علي عربيتي (كانت متبهدلة طبعا) و أتكلمت مع سواق العربية التانية بمنتهي الهدوء و أطمأنيت أنه و الركاب اللي معاه كويسين و بخير و ماحدش حصله حاجة , وبعدين قولت له أني مستعد لتحمل أي أصلاحات عنده رغم أنه مشترك في الخطأ و فعلا الراجل قدر موقفي و قابل موقفي بهدوء و عدت الحمد لله .
ربنا مايورينا حاجة وحشة أبدا
انا حصلى موقف يضحك جامد اوى اوى كنت بعربيتى الاوكتافيا كنت واقف عادى كنت بوصل اختى الى مكان واما نزلت اتلهيت معاها وانا بنزلها وكنت فاكر انى جايب مارشدير على حرفف r واما نزلتها رحت دايس بنزين وببص لورا واتارى انا كنت جايب d وهوب رحت لازق فى عربية متسوبيشى لانسر مدمر الاكصدام بتاعها والاوكتافيا محصلهاش اى حاجة فالراجل نزل اتخانق معايا وقعد يشتم وينكت فى نفسة قلتلة ياحج شوف الى انت عايزنى اعملهولك وانا اعملهولك طلب منى 700 جنية ادتهملة وكفانى زعيقة
ههههههههههههههههههههههههه هههههاقتباس:
المشاركة الأصلية كتبت بواسطة sh23
انا مرة خبطت في تاكسي من ورا بس نور الاستوب عنده مكنش شغال وكنا لسه طالعين من اشارة فكانت خفيفة نزل اطمن على عربيته ملقاش فيها حاجة ولقيت ازازالكشاف اليمين عندي انكسر
قالي ياباشا هو انا موعود اني اتخبط اليومين دول ده لسه واحد كاسرلي المراية
قلتله يلا حصل خير ....مش كده وبس وسألته اشتري ازاز الفانوس ده منين ؟؟؟؟
بس كنت رايق قوي ساعتها مش عارف ليه وازاي
99% بكون نازل اضحك (مش عارف لية بجد)
الحمد لله نادرا اصلا ما بتخبط ، ومخبطش حد غير مرة زمان خالص فى شارع ترعة الأسماعيلية رجعت ماشيدير على عربية جيب رانجلر هههههه (بضحك برضو)
ربنا يعافينا جميعا