عاوز اسقط موتور حلو لجولف 2

**Golfer05** · 02-03-2009 03:47 PM

انا عندي جولف 2 وعايز اسقطلها موتور حلو الميكانيكي نصحني بـABS 1.8 بس مش عارف اسمع كلامه ولا في حاجة احسن من كدة ياريت يا جماعة لو تفيدوني انا عايز حاجة سحبها حلو

**m2010** · 02-03-2009 04:26 PM

فى واحد فى الاسكندرية اسعار قطع الاستعمال خارج للجولف 2 وعنده حاجته الاصلية بسعر ممتاز رقمه 0120564842

**Golfer05** · 02-03-2009 07:08 PM

متشكر يا بك بس هاكون شاكر ليك اكتر لو في حد في مصر بس يا ريت لو حد يفيدني اركب موتور ايه في حدود 1600 او 1800 ويكون سحبه حلو

**fahd_628** · 02-03-2009 11:54 PM

بص يا باشا الشائع تسقيتة فى الجولف الموتور ال 1800 بتاع ال Gti بتاعها

هوة فية منه 8 صباب و فية 16 صباب و طبعا ال 16 صباب اقوى

**Golfer05** · 03-03-2009 10:10 AM

هو انا سألت كذا ميكانيكي عليه بس نصحوني بالابتعاد عن المواتير التربو لان مشاكلها كتير مثلا بتاكل بنزين كتييييييييير . محدش بيعرف يضبطها. كثيرة الاعطال ولو عطلت بيك في الطريق ما ينفعش تجيب ميكانيكي ماركة علي ما تفرج عشان يشوفهالك مالها او يسعفك بمعني اصح. في ميكانيكي قاللي هات ABS او BB وركب لهم تيربو بس مش عارف ايه الصح وبصراحة انا احترت

**M.Mostafa80** · 03-03-2009 10:19 AM

طب ماهتبقى هى هى المشكله ماتور وراكب فى تربو يعنى نفس المشاكل الى أتكلمت عليها وعمتا بسابق خبرتى مع الألمانى حتة أنها تقف بيك فى الطريق دى قليله قوى يعنى أنا فى مره مجموعه غيار كامله أتحرقت فى الفتيس والحمد لله ماشاء الله فضلت ماشيه معايا بالمسايسه

**volkeswagin** · 03-03-2009 10:31 AM

ياباشا انت الفكره فى التربوا والا الماتور كده الاتنين واحد

بالعكس اللى يجى عليه التربو بتاعه احلى اكيد لانه راكب اصلى عليه مش متوفق

المهم انت عندك مواتير كتير وممكن تشوف على يوتيوب السحب والجرى بالارقام وهتبقى شايف بعينك

ولو بتاع جرى هات بقى الماتورvr6 او R28
ال Vr6 ده اشد متور ممكن يركب على جولف
على محسب اسمع عنه هو 6 سلندر مبدئيا قرب ال 3000 سى سى
200 وشويه هورس بور
ملوش قطع غيار فى مصر تقريبا الحوض مش هيبقى فاضل فيه مكان ترمى فيه ابره وتنزل على الارض :)
المعلومات دى مش متجربه ده من اصحابى اللى معاهم جولف

**iBiZa** · 31-03-2009 11:42 AM

المشاركة الأصلية كتبت بواسطة volkeswagin

بالعكس اللى يجى عليه التربو بتاعه احلى اكيد لانه راكب اصلى عليه مش متوفق

دة شىء اكيد طبعا اللى جاى الى منة فية احسن كتير.

المشاركة الأصلية كتبت بواسطة volkeswagin

ولو بتاع جرى هات بقى الماتورvr6 او R28
ال Vr6 ده اشد متور ممكن يركب على جولف
على محسب اسمع عنه هو 6 سلندر مبدئيا قرب ال 3000 سى سى
200 وشويه هورس بور

هو اسمة R32 و دة نزل على الGolf IV و كان 3200cc و 250 حصان و القواعد مختلفة و لازم يغير تقريبا كل حاجة فى العربية و دة فعلا مالوش مسمار فى مصر.

الVR6 نزل من سنة 1991 و كان 2800cc و 12 صباب و 174 حصان و كان فية منة شوية نزلوا 2900cc و كانوا 190 حصان و دول اللى ينفع ينزلوا فى الGolf II من غير شغل كتير, هتعدل حاجة بسيطة فى فردة الشاسية اليمين.

سنة 1999 نزل الجيل التانى و كان 2800cc بردة بس 201 حصان و كان 24 صباب و دة ماينفعش ينزل فى الGolf II اللا بعد تعديل حاجات كتير اوى.

المشاركة الأصلية كتبت بواسطة volkeswagin

ملوش قطع غيار فى مصر تقريبا

لا لية دلوقتى, فية كذا حد جايبين مواتير و فارتينها عشان قطع الغيار, الشهابى بيجيب حاجتها بردة.

المشاركة الأصلية كتبت بواسطة volkeswagin

الحوض مش هيبقى فاضل فيه مكان ترمى فيه ابره وتنزل على الارض :)

مش اوى بردة الحوض لة فية مكان تركب تربو لو عايز و الناس تشتغل فى الموتور مرتاحين شوية.

**Golfer05** · 03-03-2009 10:49 AM

انا سألت واحد دلوقتي علي المواتير دي بس قاللي المواتير دي لا يعلي عليها بس قطع غيارها مفيش انا بحاول برضه اني مع اعديش 1600 او 1800

**volkeswagin** · 03-03-2009 11:24 AM

انا قلت ليك انها قطع غيار مفيش بس محدش هيعدى منك فى مصر
حتى لو ام 5 مش ام 3

ممكن تسئل على القطع اللى بتتغير دورى وتسئل عليها ممكن تظبطها وانت بتشترى المتور اشتريها معاه من بورسعيد او من هنا او حتى من المانيا وخليها عندك لو انت غاوى جداااااا
بس كفايه انك تبقى حاطيت علامه Vr6 على العربيه من ورى كله هيترعب منك
مع انى موقن انك مش هتكفى التالت بتاعه فى مصر كلها :)

الموضوع: عاوز اسقط موتور حلو لجولف 2

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

عاوز اسقط موتور للمكوة

عاوز اسقط موتور فى عربية 127

عاوز اسقط موتور فى عربية 127

محتار اسقط موتور ولا اغير العربية عاوز نصيحة

عاوز اسقط موتور للانسر 98

الكلمات الدلالية لهذا الموضوع

المفضلات

المفضلات

ضوابط المشاركة