ارجو المساعده من استاذ طارق و الأخوة فى دهان سيارة

انا الحمد لله معايا لانسر بومه مانيوال مصرىاللون فيرانى ماشى بها 2000 كيلو وشويه موديل 2009 و مبسوط بها لكن للأسف بالليل و انا بركن حكت من الأكصدام الامامى فى سيارة اللى امامى بعد ما ركنت قولت اتأكد انه كله تمام لأقيت شويه طلاء من دهان اكصدام واقع و فى لون اسود بس مش كبيرة لكن مضايقانى و حاسس ان العربيه قدمت ارجو مساعده و ايه افضل حل انا مرضتش اسأل ناس لتفتى فقولت اسأل متخصصين اللى عندهم سيارات متسوبيشى و استاذ طارق جزاه الله كل خير لأن اكيد هيكون عنده الحل صح على اساس تجربه
انا منتظر ردودكم و يارب يكون خير و الحمد لله على كل شىء بس انا نفسى ارجع لون تانى يبقى الأكصدام نفس لون سيارة فيرانى مش حته فيرانى و حته سودة
و جزاكم الله كل خير

اولا يا استاذ باسم مبروك العربية .. ربنا يديك خيرها ويكفيك شرها واهو الموضوع البسيط اللي حصل ده اخد العين فبسيطة باذن الله

لو الجزء المخدوش من دهان الاكصدام صغير يبقى ممكن بقطنة بلون العربية يتعمل الجزء ده ومش هيبان باذن الله .. ممكن تمر علينا في مركز الخدمة الرئيسي في قليوب في اي وقت وتتعمل علطول

شكرا جدا يا استاذ طارق و الله انت اخ كريم و ربنا يكرمك على حسن تعاونك
و بخصوص طلاء انا هصورة و ارفعه فى الموضوع علشان بردوا حضرتك يبقى عندك فكرة
انا دلوقتى مشكلتى ان اجازتى يوم جمعه و ساكن فى مدينه نصر فكنت عايز حضرتك تساعدنى فى موضوع لأنى معرفش مركز قليوب فين حتى لما روحت اعمل صيانه الألف كيلو عملتها فى فرع جسر سويس و بالنسبه لمواعيد انتهاء العمل بخلص على 6 فلو ينفع جمعه يبقى جزاك الله كل خيرو اسف لو بتقل على حضرتك انا كمان لما حكيت لصديق قالى فى اسبراى بيتباع فى بنزينات كبيرة او الأفضل واحد بتاع بويات يعملى لون و يضعه فى زجاجه صغيرة و انا ابقى ادهنه او رجل لكن بصراحه انامعرفش حد بتاع بويات سيارات مضمونو افضل حل حضرتك لكن مشكله فى وقت و منتظر ردك و اسف على اى ازعاج بخصوص مشكلتى

ودى صورة للخدش اللى حصل فى طلاء سيارة


http://www.postimage.org/PqN992r.jpg




http://www.postimage.org/aVLDnpi.jpg

اتمنى ان تكون واضحه

دي الحمد لله خدوش بسيطة
ممكن تروح فرع جسر السويس هما شغالين لغاية الساعة 7 مساءا ايام السبت والاحد والثلاثاء والأربعاء
وتتعمل ببساطة هناك وانت واقف

شكرا جدا يا بشمهندس طارق والله طمنتنى و ريحت بالى و ربنا يكرمك على مساعدتك لأخوانك

يا عم دى بسيطة
وبعدين سيبها مش باينة اصلا
هيا باينة بس بالنسبالك عشان انت عارف مكانها وبتبصلها كتير ومضايقاك
انا رأيي سيبها كدة وخلاص

السلام عليكم
كيف حالك يا بمشهندس طارق و كل عام و انتم بخير و رمضان كريم
بخصوص خدوش زادت شويه فى خدوش عندى فى اكصدام امامى و خلفى بفكر اخذ اجازة بكرة و اروح اعملهم فى فرع اللى فى جسر سويس عند سوق قنال تقريبا ده اللى عملت فيه صيانه الألف لكن مش عارف لو روحت هيوافقوا على انه يعملوهم و لا ممكن يحرجنى و مفروض لما اروح اكلم مين و لو عملوها ممكن اعرف رنج هيترواح بكام بحيث اعمل حسابى هو فى خدوش فى اكصدام امامى الى موجوده فى صورة الأمام و كام خدش وراء فى اكصدام خلفى و خدش واحد فى مرايا جانبيه و باب هى كلها حاجات بسيطه بس انا مش عايزها تكتر بصراحه و اسف على اطاله و الأزعاج

اهلا يا استاذ باسم كل سنة وانت طيب

مفيش احراج ولا حاجه انا كلمت دلوقتي الاستاذ ياسر عطوة في الاستقبال في جسر السويس ، وهو هيكون منتظرك في اي وقت وهيخلي حد من الدهان يعمل الخدوش بقطنة بلون العربية (بس لازم العربية تكون مغسولة) وباذن الله تتعمل علطول وانت واقف وبدون تكلفة كمان الموضوع بسيط

جزاء الله كل خير يا استاذ طارق و شكرا على سرعه ردك و اهتمامك من صبح اصحى و اغسلها و اروح توكيل و لا تفضل اغسلها فى البنزينه انا بغسلها بماء و انشفها هل ده كافى

السلام عليكم انا للأسف امس حصلتلى ظروف لكن قولت اكلمهم نهارده علشان اروحلهم فاتصلت بفرع جسر سويس قوللى استاذ ياسر اجازة و رد عليا استاذ احمد فقولتله على انى عايز اجى علشان فى شويه خدوش فى سيارة قالى تترش حاولت اكلمك يا استاذ طارق على نمر مراكز خدمه مش عرفت بصراحه نهاردة انا كان نفسى اخلص من خدوش قى سيارة لأنها مزعلانى جدا فمش عارف اتصرف ازاى مش عايز اروح مركز جسر سويس يقولى نفس كلام ارجو مساعدتك يا استاذ طارق و اسف جدا انى بتقل عليك او بزعجك و كل عام وانت بخير و الأخوة فى المنتدى

انا بعد كام محاوله عرفت اتصل بفرع رئيسى و سالت على حضرتك قوليلى انك اجازة فقولت اجرب اروح فرع جسر سويس عقبال ما روحت كانت على 4 و شويه المهم قولتلهم على خدوش قالولى مينفعش تتعمل ببويه من غير حتى ما يشوفو خدوش الخدوش عندى مش كتيرة و مجرد خطوط يعنى لما دهان بقطنه هيمشى عليها هيخفيها لكن للأسف قالولى مفيش حاجه اسمها كده و لون هيطلع مختلف فقولتلهم شكرا و اسف ع ازعاج و مشيت بالرغم انى عارف انها تنفع لأن لى صديق كان معاه لانسر 2007 سوبر اكشن خليجى من رواس لونها نبيتى كان عنده خدوش فى جسم عربيه كتيرة واحد جابله لون رغم انها مش كان زى لون بالظبط لكن عملها بقطنه و عود كبريت و طلعت زى الفل مفهاش حاجه ع عموم انا منتظر ردك يا استاذ طارق و ياريت لو فى حد من الأخوة كان عنده نفس مشكله خدوش و عالجها ياريت ينصحنى و يفيدنى و جزاكم كل خير و كل عام و انتم بخير و رمضان كريم و يعود عليك بالبركه و المحبه

حصل خير مرة ياسر اجازة ومرة انا اجازة
باذن الله مواعيدنا في رمضان من 8:30 الى 3:30 كل يوم ما عدا الجمعة
لو تحب تيجي لنا قليوب اهلا وسهلا ولو تحب تروح جسر السويس يبقى اتصل بياسر الأول