الموضوع: هل يمكن إحراق الماء ؟ أختراع يغير العالم

اذا كان المهم من الموضوع انه هايستخدم في العربيات ولا لأ اطمئنوا لأن العربيات عندنا مستوردة. لو نزلت بره هاتيجي مصر طول ما مصر فيها ميه.
احنا حتى الآن في المواتير استيراد و تركيب على حد علمي.
لما نصنع ان شاء الله نبقى نشوف هانعمله بنزين ولا غاز ولا حتى نفط خام

المشاركة الأصلية كتبت بواسطة mo7a_mo7a

انا كنت ناوي ارد رد مطول ومفصل وعلمي بحت
لكن قررت اني مضيعش وقتي ووقت حضراتكم

بكل بساطة الطاقة اللازمة لتحليل الماء لمكوناته الاولية اكبر من الناتجة عن حرق الهيدروجين الذي يمثل 1/9 من وزن الماء
وناتج هذا الاشتعال انفجاري وطاقته محدودة ويمكن حسابها بسهولة ولا ينتج عنه اي بخار للماء وانما تنتج عنه اشعة جاما والفا وبيتا مما يجعله غير امن كلية (لا اقول انه خطر اشعاعي) لكني اقول غير امن كلية

اما استخدامه في علاج السرطان فالفكرة المطروحة هي نفس فكرة العالم المصري مصطفي السيد
والذي يستخدم الليزر البارد لشحن جزيئات الذهب
وكل ما اتي في المقال ما هو الاتجارب علمية لطلاب الصف الاعداي
- حرق الماء بعد تحليله
-انارة مصابيح النيون بالموجات الكهرو مغناطيسية (مثلما يحدث في قري الريف قرب محطات توليد الكهرباء وابراج الضغط العالي)

تحياتي

وفرت عليا كلام كتير جدا، لان الموضوع الممل ده بيظهر كل ما يبقى فيه كلام على زيادة سعر البنزين ، والمشكلة ان الغالبية الساحقة من البشر ليست لديهم خلفية هندسية او فيزيائية لارتباطهم بمجالات عمل اخرى، وبالتالى فان الحديث عن ان اى تصرف فى العالم لا يخرج عن ان الطاقة لاتفنى ولا تستحدث من العدم هو نوع من انواع الاذان فى مالطة لأنه يمثل الحقيقة المرة التى لا يحب ان يسمعها احد فى مواجهة الحلم المخدر اللذيذ الذى يريد الجميع ان يغنوا على نغماته

علشان كدة انا زهقت من الرد فى الموضوع ده اللى بيطل فى سماء المنتدى كل سته شهور تقريبا